http://finance.discuss.com.hk/viewthread.php?tid=14326368&page=1&authorid=2819023
陶春由08年金融風暴後，獨力唱好樓市，其時被萬民圍攻，被人笑白癡傻仔，被版主狂Ban
轉眼三年過去，陶春戶口復活，幾番巨變
陶春三大預測，
1. 樓市狂升100%應驗
2. 超級通漲殺到應驗
3. 大陸人瘋狂來港買樓應驗
過去分析：
大陸人瘋狂湧來香港買樓 09年5月
http://finance.discuss.com.hk/viewthread.php?tid=9730476
好多人擔心今年升市係98年小陽春翻版，
但好明顯，今年和98年完全唔同
首先冇8萬5呢個最重要因素
其次，防守力和供款能力也相差好遠
繼而，經過十年，好多人已供甩層樓，換樓需求強勁
然而，最重要的是，今年供求基本面已和以往不同
就係愈來愈多大陸人湧來香港買樓
大陸人來香港買樓原因多，包括保障財富安全，政策隱定，北水南下…
但入市多了這筆強大購買力，分析已不單是本地經濟和本地需求咁簡單
點解大陸股票咁貴，原因就是供求不成正比
十三億人，如有一億人想投資，而當中有一成願來香港安置財富的話
就是未來有過千萬買家來港
香港人最擔心的應該是：
不是樓價跌，而是市區樓和優質樓，十年後全是大陸人擁有
香港人只能靠邊，去新界，甚至回深圳置業
中國政策上要同化香港人，和保障日後直選控制權，首要出現的就是
大量大陸人投資移民香港，溝淡本地人和文化
看通這點，就知樓價十年內，必然狂漲
通脹殺到，冇樓在手的人怎辦？(預測樓市2年升100%) 09年8月
http://finance.discuss.com.hk/viewthread.php?tid=10473174&extra=&highlight=&page=1
近日肉和蛋價錢已狂升，睇一些報章報導，遲下茶餐廳的早晨套餐，可能不包炒蛋，因來價不斷上漲
這幾日的物價整體調查，仍在顯示輕微回落
但係人都知，全世界狂印銀紙，全球股市大幅回升，通漲重臨只是遲早的事
就像海嘯來臨前一樣，水位線不升反退，正是儲蓄緊能量，一次過大升浪
現今副糧食品已正在上升，終會在年底前引發連鎖反應，引發全面大通漲
陶春一向言出驚人，且言出必中，這個地產版相信人儘皆知
上年十月，陶春已預示樓價會大反彈，結果遭全世界圍插，結果是陶春言中
半年前，陶春已預示大陸人會來港買樓成主流，結果被缺乏眼光的版主狂扣分，結果又顯示陶春言中
這次陶春，預示通漲會在年尾殺到，而且在明年中殺得所有人措手不及
樓價相對會升到何種價錢，08年高位？97年高位？看來都不是阻力位，預測樓市2年升100%
樓市最大可能是，不患價升，而患手中無貨。
【曹仁超】正式轉好友 08年11月
http://finance.discuss.com.hk/viewthread.php?tid=8561541
股市和樓市息息相關，股市幾時見底，也同時是樓市幾時見底訊號
由去年十月最瘋狂的三萬二千點開始，曹仁超已是逆市大淡友，孤獨的行了一段日子，証明佢眼光獨到
然後，曹仁超持續悲觀，並迷惘在未來走向，而不確定幾時會結束悲觀期
早幾日，他開始中間思考，並提出牛市反彈論基點，就是美股十二月內要重上1萬點左右
到昨日，香港股市持續下跌，但成交金額跌到年內新低三百多億，拋售潮訊號完結明確
故此，曹仁超終於看清後市，於昨天信報專欄明確宣布，自已乃轉為好友
其專欄節錄如下
………10月27日恆指見10676點，相信90%投資者已完成拋售，踏入11月，拋售壓力已下降。
至於美股，技術上睇，道指已形成雙底兼出現RSI背馳；加上奧巴馬2009年1月20日宣誓就職，美國經濟有機會響明年年中見底，而股市走響經濟之前六至
九個月……..
去年11月我老曹係全港最大淡友之一，因港股直通車死火，到今年11月，我老曹係全港少數好友之一，雖然仍未肯定10月27日已見底，但相信同底距離已不遠。……………
我非常同意曹仁超看法，壞消息儘出，已無可再壞，美股尋晚終極性一跌四百多點，今日港股不跟隨而反向大升五百多點，如呢輪升浪持續，到今年十二月美股能站穩在一萬點樓上的話，將正式確認熊市終結，未來新牛市開始起步，樓市在戲劇性減息導致通漲因素下，升勢無法預計
請大家理性分析，插我無怨，但唔好狂鬧搞到關貼。
大行唱淡樓市 富豪照掃貨 地產股大升 09年1月
http://finance.discuss.com.hk/viewthread.php?tid=8851171&page=1#pid186736356
個人意見：真正有錢人，向來不相信大行報告
由三萬點開始，大行報告屢屢出錯，經常生埃，見升唱升，見跌唱跌，根本呃飯食
今日見一篇報導，某未日分析員就話，佢都係斷估無辛苦
反而有錢人實際接觸經濟市道，佢地看法可能更貼市，點解呢個時後人人看悲，反而佢地會大手入市呢，有冇人知？
人所預期都是不能實現 08年11月
http://finance.discuss.com.hk/viewthread.php?tid=8516571&page=1#pid180017950
一年前經濟大熱，人人預期三萬五，四萬點，然而事與願違，一野插到你冇人預期到的一萬點
依家人人預期沙士價等買樓，人人想入住擎天半島，呢個人人預期的美好願望，又能否實現呢
答案係冇可能
沙士時人人冇預期會去到咩價，人人根本冇預期，個個灰到冇將來驚隨時冇命
依家人人set個目標係沙士價，全民充滿期望，同沙士時心理環境完全兩回事
兩個完全唔同心理背景的時代，根本冇可能相比，一個打擊金融和經濟，一個係威脅生命安全
所以，要等沙士價好難，除非世界大戰，人人又去到生命不保的極度恐慌中先得
一日只是經濟有事，一日經濟跟隨週期上落，業主就不介意等，反正依家愈供愈平
比起失業和生命不保呢兩項心理影響，後者明顯才是災難性
更可能情況係，金融海嘯來得猛烈去得快，如信和主席所言，幾個月就可能轉勢
還有太多准確預測和分析，，因遭版主瘋狂狙殺，全部已被消失和不見天日
時間証明一切，對於有真知灼見的獨立意見，當權者無法接受，就往往以打壓來逃避
但事實証明，這些打壓，不單阻礙真理論出現交流，也影響大眾對另類分析的獲知渠道
陶春複活，相信很快又被這裡的版主再次封殺
但被封之前，陶春作出未來三年另一預測
就是，樓價將再升50%
如果有興趣，陶春將詳細分析
大原則是，白癡政府所有政策，大家朝反方向結果預測便不會錯了！
第一個原因就是港元被嚴重低估，不能反映其真實價格
加上通漲，貨幣每日都在貶值中
咁樣造成幾個不可改變形勢
1. 貨幣會追求實物資產保值，即係冇人會將錢放銀行，繼續投入樓市保值
2. 樓市目前升幅，只係反映港紙貶值幅度，還未真正反映以下幾樣因素
3. 當然又係通漲，日後恢複加息愈快，只能愈說明通漲不可控，到時人將會出現恐慌性買樓保值
4. 通漲因素在大陸更明顯，而因為人民幣不斷升值，港元不斷貶值，此消彼長，大陸人來港買樓折頭愈來愈高，愈來愈平
5. 政府打擊炒家，無形鎖死樓市流通量，因為用家不願蝕價因素，造成用家不斷入市而無人出貨，樓價單方向焗上
6 綜合以上因素，由97年中原指數高位100計算，加上貨幣貶值、追及過去十年通漲，預視未來通漲和需求
樓價三年內升幅不少於50%
一個形象化比喻，人民幣日日升值，港元跟美元日日貶值
國內人就好似玩大富翁遊戲咁，不斷來港收購價質資產，人民幣升值抵消樓價升幅
陶春強調08年的預測，市區樓和優質樓逐漸落入大陸人手中，香港人邊緣化去新界
當時無人信，現在睇睇九龍站物業幾乎清一色大陸人，而且沿機鐵站擴散，就知大勢所去了
免費供應資訊於人前，只要論點有較非主流者，都要有預備接受嚴詞的問候。 與朋友間分享自己的世界觀，論點可以去盡d，反正朋友間不會為冷言冷語對待，但只要讓朋友知道閣下有浮虧的存在，都要有心理準備每次大圍節目中會得到朋友「關心式」的慰問。 怪的是，最極端的言論，只要入場收費高昂，有iphone者會錄音，無者則猛炒筆記，方死聽漏一言半句。 所以，有一個結論︰蛇咬都唔會用真名開blog。
[版主回覆04/28/2011 18:50:00]筆者曾經在兩年前在公開場合發言： http://www.talk-global.info/viewthread.php?tid=9513 當時都睇錯市，以為2010年樓市只是10%上落，點知升個滿堂紅，好彩大家手下留情，唔係又要跪玻璃。
果真高人也。可惜連地產版主都 Ban 左佢，究竟居心何在?
[版主回覆04/28/2011 18:50:00]所以筆者從來都不在主流討論區留言
好多時真係唔記得d人之前點分析，同埋好難揾返，現在幾好，可以睇返呢d分析做個參考，證明佢地係works :>
[版主回覆04/28/2011 18:51:00]所以，筆者要選擇黎貼，例如數字先得的買樓謬誤 都係將轉貼文章另外分類。
然則，脫兄是否同意 陶春 之看法? 通脹及港元貶值之惡性循環..?
[版主回覆04/28/2011 18:52:00]這亦是筆者一向的觀點，借港元，又低息又貶值，兩頭膩
簡單田師兄, 我以前都成日睇哩個forum, 佢哋啲版主好奇怪, 總之留言者講啲嘢唔啱聽佢哋就ban.
最近, 好多淡友寫既文佢哋都ban, 不論有理冇理.
08金融海嘯後, 人人都睇淡, 可能當時連版主自己都覺得冇可能升(香港人自經歷沙士同97年後, 對樓市非常敏感而且帶悲觀), 所以有人話升佢哋就ban.
[版主回覆04/28/2011 18:53:00]可能因為唱反調引起罵戰，咪ban囉！多幾個tmcatholic，一樣會咁。
呢個時期,未買樓既港人就買唔落手,等樓市跌. 根本無咩大事發生,樓價好難跌,同埋而家的人工追不上樓價!!!!悲哀的是賣左樓租緊樓住的業主
[版主回覆04/28/2011 18:47:00]所以自住物業，加按會比賣出好
脫兄, 本人乃冇殼禍牛, PLAN 緊一兩年後結婚, 依家買樓會唔會太高風險? 定係等多一兩年再算?
[版主回覆04/28/2011 18:46:00]既然你一兩年後才結婚，如果你相信筆者認為2012-13見頂，當然係大跌後才去買。而家買，可能有一年多升，然後又跌。
脫兄：近期樓市負面消息較多，而金管局今天提出未必要跟隨美國加息，意味了什麼，對樓市後巿是否有負面
[版主回覆04/29/2011 00:07:00]以筆者的愚見，唔係睇消息的好與壞，而係人們對消息有乜反應，觀察到呢一刻，ｄ人係對壞消息無乜反應，對好消息超額反應。
我都相信筆者所講, 2012 – 2013 見頂, 不過今次樓市見底需要多久? 1, 2 年? 可以回落幾多? 1, 2 成? 如果樓市回落2 成的話, 都應該幾大件事, 但係佢回落兩成我都覺得幾貴….可能同依家個價又差唔多. 好多問號, 苦腦.
[版主回覆04/29/2011 00:06:00]呢一刻有人答到你的話，肯定係嚮度點你喇！ 不過我們可以回顧歷史，多年來普通的跌市是兩三成，只有董生果幾年係跌六七成： http://hk.myblog.yahoo.com/tokuhon_blog/article?mid=18034
主流 fourm 都係蠢人(網友)當道, 佢哋真係以為自己係主流意見, 以 3/7 財富比例, 7 成人都係蠢才(或者叫做低能 )
[版主回覆04/29/2011 22:48:00]真理係無得民主的，人多唔一定對，亦不一定錯
脫兄,香港是一個 trade 樓的好地方,如2012 or 2013 見頂! 真的回落10-20%大多有樓人事,都不會太驚惶 !因現今有樓人事他們手上的樓不只一間or兩間對他們來說是沒有問題的因他們的成本不高,無樓人事當然希望真的回落,但我怕他們落空 !? 政府會繼續賣貴地想食平麵包機會不大!
[版主回覆04/30/2011 07:32:00]兩年前回落左，咪又係唔買或者買唔到
脫兄, 請問點解大陸人會黎香港買樓或投資?
[版主回覆04/30/2011 07:32:00]狡兔有三窰麻！