好, 人講次按我又講次按
其實,  一萬人入面, 有九千九百九十幾個, 都係不甚了了
even財金中人, 都好多 係 一知半解
到底, 係咪好多人  唔撚供樓呢? 又唔係
咁d 人都要番屋企訓架!  你有冇見到 全美國d 人訓哂街?
咁未訓街, 即係供緊樓啦

咁何來會搞到咁水深火熱, 而  全球股巿蒸發既巿值, 以及金融機構既 撇帳
已經係 所有次按  金額既  幾十  至 幾百倍?
有深入d 理解既朋友, 就知, 關鍵, 係題目果個字, 證券化

幾年前, 我已經開始講
咁當然, 好撚肯定, 果時我唔會預知道有今日啦!
果時講, 係因為本身我對呢個 topic 好有興趣
證券化, 亦係 現代財務學, 金融創新 既 一大里程碑
話係人類智慧既一大突破, 亦不為過

至於點解搞撚到咁大鑊? 下文分解

證券化, 好似好深咁, 其實畫個圖就最簡單
當然, 好多人都唔知咩係證券, 有人甚至以為證券 即係股票
證券者, securities 是也, 而股票只係證券既一種

咩係證券化呢, 近來惡名昭彰既  乜乜 ABS  MBS  CDO CLO  , 都係類似既產物
(SIV 就有D 唔同, 再討論呀下)
最簡單, 都係用  MBS , Mortgage back securities  黎講, 講左就明哂

傳統做樓按, 大家都好清楚係點做架啦, 好多人熟過我
就係   你想買樓, 就出兩三成首期, 然後 銀行借剩低果舊比你 找數比 地產商
簡單黎講, 就係抵押貸款
地產商就袋袋平安,  你就爭銀行錢, 然後供大半世咁咯
銀行本 薄上面, 就多左筆佢既 asset , 即係你爭佢既錢
(銀行既 "資產" 係客戶既 loan, "負債"  係  存款)

原本就係咁
如果係做證券化, 個玩法就唔同左啦
銀行可能, 會將呢堆野  賣比 另一間野
然後, 就會將呢堆東西  "證券化", 即係變左一堆紙仔
拿, 呢下就夠哂偉大啦

即係, 可能背後有 十萬人既  樓按,  就pack 埋一齊
各位投資者, 就比錢買啦
然後銀行, 就收左錢, 置身事外架啦 (!)
以後d 投資者, 就拎住果張紙, 收息 收本
息同本何來? 就由  背後果十萬人  供款咯

而證券化最偉大既地方, 佢既原意, 就係分散風險
大家 有咁大個頭 戴咁大頂帽
例如話, 呢堆野, 可以分為  IO  同 PO,  Interest only 同 principal only
兩者性質不同
PO, 就肯定係收咁多錢 (個樓按值一百萬, 咪一百萬咯)
但果條友可能早還, 呢個係對投資者有利, 因為 早早收番錢嘛
IO, 就唔知所幾耐錢, 因為如果背後供果條友提早還, 就冇錢收了
投資者, 可以自己對號入座

類似既操作, 仲有好多
你可以選最高風險既 TRANCH, 亦可以選最低風險
總之就各得其所
將一舊 漢堡包 斬開幾十份, 剩食包又得, 剩食蕃茄又得, 咁咯

原本, 係好美好架
佢將一大舊野, 斬件斬到好細
賭仔既, 咪拎最大風險果舊咯, 想安樂茶飯既, 咪 拎低風險果層
好過原本, 只係 一舊野, ALL OR NOTHING
賭仔又嫌佢唔夠激,  保守既又覺得太大風險

況且, 通過證券化, 銀行唔使一間 自己 食哂
而係將呢堆野, 分散哂去  全世界每一個角落
將原本既 BIG RISK, 變成好多好多個 SMALL RISK
原本一個十億既 東西, 一走數, 間銀行會即死
但而家, 分開一千間銀行, 每人食D, 唔會死
呢個, 就原意咯

可惜, 就事與夢違咯

點解會咁水深火熱呢, 就係源於信心既崩潰
濫批貸款, 樓價泡沫, 固然係遠因
但 危機, 係黎自   證券化既
但我並唔覺得, "證券化"係 應該為此負責

每種科技, 每種創新, 都會有最初既 磨合期
我地並唔可以  因噎而廢食
股票, 開頭亦被視邪惡根源, 期權, 開頭一樣係搞到巿場波動
但人類知性既進步, 最終一定可以追得上  (乜春中文黎架!)
咁到底, 做乜春, 咁既野, 會令到銀行蝕左錢呢?
係, 固然, 係因為D人開始 供唔到樓, 開始有壞帳
但, 壞帳咪壞帳咯, 銀行打得開口做生意就有壞帳架啦
你見好多 果D 乜乜 ABS  MBS  PSP NDS  之類
跌到得番 一兩成  (係得番一兩成, 唔係跌一兩成)

你諗下, 係咪咁簡單呢? 背後係咪八成壞帳?
又聽聞, 你供樓都有層樓架嘛, 銀行會收左佢成為銀主盤嘛
就算樓價跌, 果度都仲有D 野剩掛?

事實係, 而家 果堆 按揭證券既價格, 完全係崩潰
並係  IMPLY 緊極之高, 高到 唔現實既  壞帳率

點解價格會崩潰?
咁就要番番去講, 乜野叫  "價格"

一間公司 (例如銀行) 拎住既野, 價值升降, 會點呢?
以前既會計制度, 好多時都係話鳩之你
所以你見D  公司既物業, 好多升哂值, 都仲係BOOK 成本價
但早幾年行左新制, 好多呢D  帳面上既 升跌, 都會直接反映 在盤數度

咁諗落, 好似好合理丫
我間公司  全部渣中移動, 咁佢跌  10%, 我間公司咪蝕左果舊錢咯
好啦, 我問你一個問題
就係, 如果 埋數果日, 中移動停左牌, 咁點算?!

如果你有做過 孖展 (我有), 你大約知道答案
停牌中既股票, 係 當  一文不值既
咁, 即係, 我間公司咪 含包散, 100% 撇帳?!?!

固然, 實際上並唔會咁 硬膠
一來你間公司唔會真係全渣中移動掛
二來, 我相信

你都可以聲稱話, 中移動停牌前, 日日都做緊舊幾水
咁而家佢只係  因為 乜乜而停牌
我當佢, 值一舊水, 都OK 掛?
我估, 我估咋下, AUDITOR 都唔多唔少會受呢個 估算

但, 有D情況, 就仆街得多咯

相當仆街既問題, 就係何謂 "價值"
到底一隻停牌中既股票, 有冇"價值"呢, "價值"又係幾多呢?
又或者, 一個唔撚該, 果日我隻野, 全日都冇  BID 冇ASK, 咁又點計數?
你心諗, 梗係唔會啦!
係咯, 如果係股票就唔會既

但, 如果果隻係一隻  MBS 呢?
或者, 係果D古怪既 乜乜掛勾票據呢?

好多人聽到話D野  "冇價"  (係冇價, 唔係無價寶), 就好撚驚
實則係, 好多野, 都係"冇價" 的
我以前做銀行, 都有唔少果D   乜乜 LINK 既  NOTE
你而家去銀行都有得零售, 掛勾乜乜貨幣, 掛乜乜股票
先唔好講去到尾既賺蝕
我想問, 在未到期果時, 呢張紙, 係"值幾多錢" 架呢?

果D野, SUPPOSE 並唔係有二手巿場的
當然, 正常情況下, 個莊家  (MARKETMAKER 是也)
就會開價比你啦
但, 佢唔開, 你都吹唔脹

但在會計守則下, 如果冇價, 或者個   買賣差價爭好遠
(即係, "同你買都得, 十蚊啦"    "乜話, 我幾千蚊買番黎架"   "十蚊咯!")
你果舊野, 就會變到好似一文不值咁

再講個奇妙既地方
就好似, 你拎住成堆既 1479 ,  中銀國際既  中移輪  (順手見到, 並冇特別)

咁, 如果中銀國際條契弟  掛住做愛唔開價, 電話又唔聽
又冇人買冇人買, 你隻野, 應該  "值幾錢"?

咁其實, 呢種情況都好D
因為輪, 講到尾, 都
係 OPTION
你可以用 OPTION PRICING THEORY  (BLACK SCHOLES 嘛)
計番隻野, 理論上應值幾錢
固然呢個唔係萬能, 但有呢個 ARGUMENT, 你AUDITOR, 應可以比你過骨

正如我拎住隻 和黃 既 BOND, 就算冇價冇巿, 都理論上大約可以計個價出黎
最多比個七折佢

問題係, 如果我拎既, 係更複雜既 票據呢?
點樣 PRICE 一隻 STRUCTURED NOTE呢? 特別係, 背後D 結構千奇百怪
如果我有隻BOND, 係咁既

"三個月 美金息 減 三個月港息 大過半厘就  收  五厘息
  否則就冇息, 每日計算, 今日開始, 計十年"
咁, 呢隻野, "應該值幾錢呢" 可?

我諗我帶出左個重點
就係, 而家既金融數學, 仲未可以好廣泛地 PRICE到 呢D 產品
相反之下, 期權定價, 有左幾十年
一般 LAYMAN  (呢度既LAYMAN, 係會計佬啦!) 都可以識
至少D公司計咩  認股權證 計劃都會用

但, 其實, 眾多票據無法 用 理論 定價, 呢個問題
係咪同   幾十年前   期權  無法定價,  係同一回事呢?

即係, 係咪比D時間, 等D 火箭數學家 努力下
就咩都搞得掂?
我估唔係

因為, 結構票據, 背後太多樣化
期權, 講到尾, 都係 果幾種
結構票據呀,  MBS ABS 乜乜七七呀, 千變萬化
根本冇一種 PRICING MODEL 可以FIT 哂所有既票
可以講, 係每一單都要獨立做
所以, 如果呢堆野冇人肯開價, 始終都係會  大幅減值

但, 好多人, 以為減值, 就係 "蝕左錢", 就係  有人走左數
咁係錯, 好撚錯
當我同SELL屎講, CDO 絕對唔係次按, 佢地好驚訝
因為佢地心目中, 咁 有銀行 (e.g. 東亞) 因為呢d野, 要撥備
"撥備即係蝕錢啦, 蝕錢即係有人走左數啦"
呢個理解, 係錯既

好多CDO, 真係完全冇涉及次按, 亦完全冇人找數
CDO, 背後只係一POOL 既債仔
例如當中有  花旗呀, WALMAT 呀,  IBM 呀 咁咁咁…
咁, 難道咁又係次按 ?  乜 IBM 又破左產? 有走左數?
問題係, 因為上面所講, 冇價冇巿, 所以, 咪要 "減值"

呢樣野, 其實係極其老味極其鳩
東尼 (唔係拜仁果個) 提過, 我亦都會再重申
季尾你就知!

今日銀行做既撥備, 最後只會有極少少少少數 (一成, 甚至一個巴仙) 真係壞塿
絕大多數, 之後就會回撥番

我個人覺得, 現存既果套  會計準則, 在呢個情況下, 係矯枉過正
做乜撚野硬係 迫人地將D  坐到尾既野 出黎  要  MARK TO MARKET?
我都冇諗住二手賣出去, 做咩屈我話 "而家二手價值一蚊咋, 你減值啦!"

就算 金融數學再勁, 都冇可能PRICE 哂冇一張票據
發展落去, 只有兩個方法

一.  全面放棄呢套準則, 容許D 銀行  坐到尾
到時真係有蝕既, 先 WRITE OFF
唔使中途因為二手價上落而 撥備

二.  以後只準 買賣/推出 一D  PLAIN VANILLA 既  產品
即係, 只係果種大類既野 比買賣
唔比自己私下加條款, 呢個又話 LINK   俄羅斯指數, 果個又話 LINK  白金價咁
以方便用統一既方法計價

就我所知, 而家係真係已經傾向做 "一"
美國果邊, 已經容許 銀行  在某D時刻可以 豁免
唔使將所有野  MARK TO MARKET

成個美國金融體系最爭既, 唔係監管, 唔係錢, 係信心
有信心, 就乜撚野都掂

D友話  信貸緊, 點緊呢? 話  同業拆息好緊, 街度冇錢
其實街度大撚把錢, 但個個都唔肯借出黎!
VISA 既 IPO, 係 ICBC 之後最球最大, 一樣火速 爆滿!
D人係有錢, 但唔肯拎出黎, 因為驚你係第二個貝爾斯登

所以, 減息可能冇用, 但一樣要減
布殊乜乜救巿措施可能又係冇用, 但一樣要推