量化寬鬆政策引發投資市場的變化，美元及相關資產弱勢已成為自我完成的全民共識，很多人但知所謂「買實物抗通脹」，或因為港元與美元掛勾，便以存人民幣作為另一種出路。此處出現兩個考慮：首先，所謂實物，可以是黃金、物業，甚至有人去囤積商品甚至農產品，究竟選擇那一種？第二是，所謂商品貨幣如澳元紐元，或甚囂塵上的人民幣投資，牌面上表現比美元強，又是否理想？
市傳國內炒賣諸如大蒜、蔬菜、肉類之類農產品，甚而有人煞有介事說因為各地冷藏設備發展起來，有利囤積居奇云云。而香港亦有一鼓收集諸如紅酒、名錶、錢鈔、茶餅作為投資標的。筆者不敢說類似的操作不能獲利，卻難以視之為投資，因為他們面對流通性及異質性的問題，導致難以大額進出，以及定價困難。相比之下，黃金及其他商品期貨就無此弊，不過相比之下物業金額大，而且高透明度的成交紀錄令定價較易，可以判斷估值水平。
此外還要考慮槓桿此一因素。黃金及其他商品期貨均可以高槓桿方式運作，而被人目為高風險投資；可是以按揭買入物業，其實亦是槓桿，比如七成按揭是用三倍多，如按到九成則高達十倍，然則何以少人批評？說穿了，物業市場較少出現斬倉情況，即使物業市價低於按揭額，出現負資產情況，只要按時供款，往往銀行亦不會收回物業拍賣抵償。至少在金管局網站看到負資產的統計數字，即是金管局亦默認此種現象的存在。反而其他商品，未跌到負值，經紀行已經call margin追加保證金。因此物業投資的安全系數比其他商品高得多。
而另一被人忽略的因素是除了現金會貶值，其實債項也會貶值，美國政府深明此道，因此不惜大印銀紙製造流通量，今天的債去到若干年後已貶去一截。借錢買物業，動輒十年、廿年甚至卌年，其間銀行欠款所代表的購買力亦隨通脹而降低。過去數十年樓價輾轉上升，債務購買力輾轉下降，無論地產商或小業主，均是兩頭賺錢。
至於不買實物資產，改存商品貨幣或人民幣投資產品又如何？其實所謂人民幣升值，是購買力下降速度較慢的假象。美國政府會印銀紙，難道歐洲、澳紐或中國不會做？至少中國政府亦是大量放水進入市場，而不會坐以待斃，國內物價上升已成普遍現象。據報導甚至出現國內居民回流香港購物的現象，在流動性海量之下，各種貨幣只有爭相貶值一途，用那種貨幣只是程度上的分別。
租或供物業，往往佔家庭支出的一大部份，即使不以投資視之，能鎖定或控制居住支出已是自保。尤其在當今時勢，誰人會低價出售自住物業？樓價大跌又從何說起？
美国加息日，港楼爆煲时？
[版主回覆11/21/2010 00:50:00]無人知佢幾時加，乜野原因加，諗黎都無謂
我十幾年來都係咁講, 最緊要分散投資, 樣樣有 D, 唔曬驚全部身家一次過輸曬 ! 物業要有, 最少一間自住樓, 實金實銀要有, 人民幣、澳元、加幣、港元也要有 ! 賭死一樣, 好大壓力 !
[版主回覆11/21/2010 00:52:00]身家夠大，至可以講分散投資 好多人得果少少身家，就唯有只買一樣 再少ｄ的，就會炒得薄，搏到盡，到頭來穿頭爛額
但係高槓桿既,一+息就要還多左錢,會唔會令周轉有問題呢,可能97D人破產就係因為咁.
[版主回覆11/21/2010 15:43:00]新地郭二少話，從事地產二十多年來，未見過咁多利好因素一齊出現。 同理，九七至零三呢一次，係好多年黎未見過咁多不利因素一齊出現： 樓價高到要成份糧黎供（大約百份之七十幾） 政府講到明多多樓多多地 貨幣貶值 產業外流 挾息 裁員、減薪、公司倒閉潮
買新樓唔洗承擔額外印花稅 所以買新樓一樣冇平到..
[版主回覆11/21/2010 15:49:00]新樓無得摩，無得短炒，焗渣兩年
脫兄,
唔記得多謝你, 上次你叫停我入17+83, 真係好彩. 希望聽日地產股有較大的調整, 等機會入多些.
[版主回覆11/21/2010 15:49:00]地產股暫時炒完，可能翻炒國內概念
請問今次樓價上升主要原因係咩 thanks
[版主回覆11/21/2010 22:40:00]息低導致供樓平 新物業供應偏少 外來資金入市
請問今次樓價調整幅度大約幾多﹖投資收租的話﹐能否乘機入市﹐反正租約要綁2年﹐但最怕屆時美開始加息﹐究竟2年之後QE會否變質成為全面退市﹖但任由港紙留在銀行貶值﹐讓無能政府攤薄﹐也不是辦法。。。。。
[版主回覆11/21/2010 23:41:00]上次金融海嘯，筆者估57點有支持，結果56.71見底。 今次筆者一路都講：７４點本來係長期頂，穿左就變成長期支持 如果係上周87.55回落的話，即係回15%。 講唔中，手下留情，唔好掟雞蛋。
其實諗深一層, 新政策都唔咁好似一開始聽咁殺傷力 – 15%附加 stamp. 係, 但呢個只針對半年內摸貨. 但其實最尾個關; 到第13 個月 零一日 只係5%. 如果呢個大勢 (銀紙泛濫) 無變, 1 年升5% 有幾奇? 咁到時咪即係又無額外成本. 所以今次最主要係迫退所有無實力o既 炒/ 買家, 減少短期炒爆風險. 學脫兄所講, 只係放慢/ 延長個升市, 而唔係逆轉
[版主回覆11/22/2010 23:23:00]迫退兩類人：無實力的炒家、典當強劫至買到樓的人 未來一年，貨源歸邊，由弱者流入強者之手 科斯托蘭尼雞蛋
收租O個班有無想過, 租的人究竟有無能力去承租? 講真香港搵錢力除左炒野就因為通脹人仔升溫而不斷下降. 賺到的錢係咁縮, 而且80後的好似我咁又做網上生意, 再打擊實店的生意. 好似我咁做TAOBAO 代購, 得行行過旺角原來全部同TAOBAO 拿貨賣3倍先頂得順D 租. 但係我地唔洗交租開始搶到佢部份生意. 到最後, D 鋪得番大財團食, 又賣更貴價錢俾人. 賺到的錢又落唔到下面的人, 係唔係通脹到頂唔順的MOMENT 個市就會爆?
[版主回覆11/22/2010 23:21:00]咪等大洗牌囉！成日都係咁喇！
脫兄,
若中原指數去返74, 是否入市良機? 值博? 其實中原指數去返74, 即是樓價跌多少%呢?
謝謝!
[版主回覆11/22/2010 23:20:00]跌15%，金融海嘯都係跌20%吧！
我想問下,到底升浪完結唔嗎?大行和某些老闆看升倍的都係好近既野,咁佢地既預測未錯得好離譜?
[版主回覆11/22/2010 23:20:00]基本因素未變，升浪未完 預測？你覺得佢係預測緊，定係只係投眾所好？
租貴, 唔係 mark 3倍點樣做? 講到尾點解政府唔駛加乜乜稅加銷售稅都大把錢燒, 咪係因為高地價政策囉. 你地一出街已經比曬稅喇. 政府打炒家做魔鬼搞到轉曬炒商舖, 遲 d 搞到十舖十空, d 野賣 x 貴曬, 小小老百姓咪又係得個 " x " 字…. 科技進步, 行業都不停進步… 正常銷售( channels / 貨源 / 廣告) 再唔係 must win ge 競爭手段…. taobao B2C 家陣都唔容易做到賺 —> 不過呢個係顛倒 現商業 (Devil)操作 ge 機會 —- 香港人加油!