問：
一直有心買樓，但樓價一直升入唔到市，依家有少少調整想開始睇下樓，但以往很少的睇樓經驗中，發覺冇熟人、就咁走入地產公司叫經紀介紹盤，要不是敷衍你，就是帶你睇埋曬D又貴又殘的盤，好難睇到正常價／狀態的盤，請問要點先可以唔會被經紀一眼就睇出是買樓初哥？
1.要點聯絡他們，打電話定WALK IN（其實WALK會不會冇鎖匙盤睇？）要點問他們？
2.如果一次想睇幾個有一定距離的樓盤，通常是經紀會主動車客去，定要同他坐的士？如坐的士習慣上那個付車費？（並非貪小便宜，只是想知一般習慣唔常比他知道乜都唔識）
3.是不是話買樓收租好過話自住？
4.一定要問／一定不要問經紀什麼問題？
答：
地產經紀並不是一個神秘的行業，反而是透明度頗高，而且同業之間消息靈通。大家只要設身處地去站在他們的立場想一想，就可以更容易得到合理的服務。
地產經紀是要在成交發生時才會獲得佣金，而人人每天都只是有十多小時的工作時間，他們當然是先做熟客，然後到熟客轉介的客，最後才是生客。一般生客最直接的接洽方式，自然是找一個有買樓經驗的朋友介紹用過的經紀。
如果真的無法找到人介紹，那麼可以選擇跨區的大中型經紀行，他們自有一套營業的製度來接待客人，不過都可能會遇到睇“特別盤”的情形。
另一個方法，是從試買新盤入手，心水地區附近有新盤開售的話，可以去當區的經紀行入票，自然會獲得熱情招待，還要是數個經紀一齊來，雖然不是有心入新盤，但可以乘機向他們表達，也有興趣看同區的二手盤，買不到新盤，他們自然會推舊盤。
至於經紀的經營手法問題，經紀都知自己時間寶貴，所以不會故意帶客遊花園浪費時間事實是各區的二手盤都供應緊張，主要原因是特別印花稅及一系列壓抑樓市的限制按揭措施，既煞停了部份業主的換樓大計，又障礙了業主賣樓的意向，兩者都導致潛在二手供應大幅下跌，短期內都不會改變。
如果是新盤，或可能有專車接送，看二手盤多數都是約附近樓下等，所以選擇當區的代理行就較方便。
緊記睇樓之前要簽睇樓紙，而且避免重複由不同的經紀去看同一個盤而又走去買，亦不要試圖找朋友簽睇樓紙以迴避付傭的責任。
如果真的覺得經紀不值得付用的話，不如去找網上一些自放盤網站。