http://www.info.gov.hk/hkma/chi/speeches/speechs/norman/20110610c1.htm
香港金融管理局總裁陳德霖
於2011年6月10日向媒體的發言
1. 自從特區政府和金管局在去年十一月推出一系列措施後，香港樓市的發展頗為反覆。雖然今年三、四月樓市變得稍為淡靜，但近期在政府賣地高價成交後，樓市又呈現升溫的跡象。現時樓價不單止已經超越97年的高位，而利率風險亦遠較97年為高。當年按揭利率一般都超過10厘，而現時按揭利率則只不過是一厘左右，但是這個超低和不正常的利息環境不可能長期維持下去。
2. 由於銀行按揭貸款的風險仍在上升，金管局剛剛已經向銀行發出指引，要求銀行採取以下幾項新措施，以進一步提升按揭業務的風險管理和保障銀行體系的穩定﹕
第一： 所有價值1,000萬至1,200萬港元的住宅物業的最高按揭成數調低至五成。換而言之，去年11月推出的五成按揭成數上限將會適用於所有價值1,000萬港元或以上的住宅物業。
第二： 所有價值700萬至1,000萬港元住宅物業的最高按揭成數調低至六成，但貸款額不可超過500萬港元。
第三： 所有價值在700萬港元以下的住宅物業最高可以做7成按揭，但貸款額不可超過420萬港元。
第四： 若果按揭貸款申請人的主要收入並非來自香港，貸款的最高按揭成數，不論物業的種類和價值，亦需按照所適用的標準下調至少一成。
第五： 以按揭貸款申請人資產淨值為依據所批出的按揭貸款，最高按揭成數由五成一律下調至四成。
3. 以上措施即時生效，但是在今天或以前已簽訂臨時買賣合約的借款申請可以不受影響。至於這些措施的細節，稍後會由阮國恆副總裁為大家作詳細介紹。
4. 香港按揭證券有限公司亦將會同時修改按揭保險計劃。而有關的修改詳情，香港按揭證券有限公司將於稍後作出公佈。
5. 金管局一直以來都要求銀行以審慎和嚴謹的態度去管理信貸風險。隨著香港房地產市場上升周期的持續，按揭貸款的風險亦因此而上升，所以銀行須要不時提升按揭業務的風險管理。今次是金管局自2009年10月以來第四度推出的逆周期監管措施。我們會繼續密切留意市場情況，在有需要時會推出適當措施，去保障銀行體系的穩定。
http://www.info.gov.hk/hkma/chi/press/2011/20110610c4.htm
按揭貸款的審慎監管措施
**********************
香港金融管理局今日（星期五）就物業按揭貸款業務向銀行發出指引，要求銀行採取下列措施加強物業按揭貸款業務的風險管理：
第一: 所有價值1,000萬至1,200萬港元的住宅物業的最高按揭成數調低至5成。換而言之，去年11月推出的5成按揭成數上限將會適用於所有價值1,000萬港元或以上的住宅物業。
第二: 所有價值700萬至1,000萬港元住宅物業的最高按揭成數調低至6成，但貸款額不可超過500萬港元 1。
第三: 所有價值在700萬港元以下的住宅物業最高可以做7成按揭，但貸款額不可超過420萬港元 2。
第四: 若果按揭貸款申請人的主要收入並非來自香港，貸款的最高按揭成數，不論物業的種類和價值，亦需按照所適用的標準下調至少1成。
第五： 以按揭貸款申請人資產淨值為依據所批出的按揭貸款，最高按揭成數由5成一律下調至4成。
以上措施即時生效。但是在六月十日或以前已簽訂臨時買賣合約的借款申請可以不受影響。
金管局總裁陳德霖先生表示：「自從特區政府和金管局在去年十一月推出一系列措施後，香港樓市的發展頗為反覆。雖然今年三、四月樓市變得稍為淡靜，但近期在政府賣地高價成交後，樓市又呈現升溫的跡象。現時樓價不單止已經超越97年的高位，而利率風險亦遠較97年為高。當年按揭利率一般都超過10厘，而現時按揭利率則只不過是一厘左右，但是這個超低和不正常的利息環境不可能長期維持下去。」
「金管局一直以來都要求銀行以審慎和嚴謹的態度去管理信貸風險。隨著香港房地產市場上升周期的持續，按揭貸款的風險亦因此而上升，所以銀行須要不時提升按揭業務的風險管理。今次是金管局自2009年10月以來第四度推出的逆周期監管措施。我們會繼續密切留意市場情況，在有需要時會推出適當措施，去保障銀行體系的穩定。」
香港金融管理局
2011年6月10日
http://www.info.gov.hk/hkma/chi/press/2011/20110610c5.htm
按揭保險計劃的修訂
******************
香港按揭證券有限公司（按揭證券公司）今日（星期五）宣布，將按揭保險計劃下的住宅物業價格上限由680萬港元調低至600萬港元。故此，七成按揭以上的貸款部分獲得按揭保險計劃保障之貸款，最高貸款額上限將由612萬港元調低至540萬港元。而六成按揭以上的貸款部分獲得按揭保險計劃保障之貸款，最高貸款額上限則由600萬港元調低至500萬港元。此外，按揭保險計劃將不接受主要收入並非來自香港的人士之申請。
有關修訂旨在配合香港金融管理局今日宣布有關住宅按揭貸款的審慎監管措施。這些修訂將適用於自2011年6月11日或以後簽署臨時買賣合約的按揭保險計劃申請。於2011年6月10日或之前已簽署臨時買賣合約的買家，如欲按現時的
資格準則申請按揭保險計劃，仍可向按揭保險計劃參與銀行遞交申請。
查詢請致電按揭保險計劃熱線（電話：2536 0136）。
香港按揭證券有限公司
2011年6月10日
政府好似發威，咁做會唔會令到將來跌幅多點的樓市跌少D?
[版主回覆06/10/2011 23:47:00]咁樣撳一撳，升市的時間又一次拖長了！
股市跌到死，若樓市又因正苦好大喜功攪串party，那七一維園見！
[版主回覆06/10/2011 23:48:00]相信係因為乾塘，順水推舟。
無啦啦整D咁既野出來,有用嗎???
[版主回覆06/10/2011 23:48:00]金管局係管銀行體系的，理得你樓價如何，最緊要銀行無事。
這次會否反推高用家市場的樓價? 因600萬以下才可借足7成($420萬)。使6 00萬以下樓宇需求增加, 但這價位的樓本已供應不足, 新樓也很少這類價位的供應。600萬以下的樓 (尤其是可供家庭住的中型單位) 價錢會跌嗎? 似乎 只會越來越奇貨可居。
[版主回覆06/10/2011 23:50:00]資金由住宅樓趕左去商業及工貿市場
其實本地人買唔起就買唔起, 搞咁多招都唔會令到無錢O既人上車. 會唔會推高樓價呢? 我覺得係MARK高樓價就有可能, 價可以照MARK, 有無人買係另外一個問題. 睇返A股個市跌得咁厲害, 就知所謂上面的大水喉水緊得幾厲害. 流動性最高係CASH, 其次係股票, 現在似係散水中(我指大陸). 香港樓市, 正如政府所講, 太多因素, 真係估唔到幾時價爆升爆跌.
[版主回覆06/10/2011 23:52:00]內地人拿了香港身份證，就是香港人 但香港人在內地搵錢，主要收入唔係來自香港，就要受諸多限制 有ｄ人，求仁得仁囉！
脫兄：點看今次的招數，中原指數己穿100心理關囗，前景會否更秀麗？
[版主回覆06/10/2011 23:52:00]理論上向量度升幅(120-135)進發 實際上急升及高溢價，令到賺錢更難
點解個個都講出年頭會美國加利息?? 淨係講 timing: 1) 出年係選舉年, 樓市/ 就業冇起色就加息?? O-Ba-Ma. 真係冇咁蠢… 2) 而家佢主力係0係減通脹度, 睇佢玩商品隊油價就知, 只要佢冇通漲真係話知你….出完戰略油都壓唔住油就有可能要加息…. (要小心佢會係需求方面入手 ) 3) 八月係反底點, 因為會通過個債務限制… 睇個樣都係加某一個大數, 兩年後再 review. 4) 美樓市, 再跌10%~20% 機會係咪 > 平穩企定 >>>> 反彈???? (用香港 03 down 50% 做比較, 好似差唔多跌夠, 不過 sorry, 人地負家產唔似香港人死頂, 只要有少少負能量頂唔 po , 放低鎖匙係屋企門口就走得, 所以要樓市跌定唔容易. 5) 有學人用Ｍ3 預探年尾開始通脹, 需要喇喇聲加息。 不過, 想人唔再食K仔。。。。咁夠唔夠薑殺停滯漲先。。。？？
[版主回覆06/11/2011 07:25:00]利率係重要，更重要係會唔會收緊流動性（例如借錢），國內現在正正係收緊水，郎咸平都話，國內樓股咁火紅（指金融海嘯前），正正反映製造業的衰退，同樣道理香港地正正係正行無得好做，咪咁多人炒囉！呢個先係長期問題。 所以在香港做樓股投資，長渣十幾廿年唔理的日子已經過去，高位買好難賺大錢，偏偏ｄ人最鍾意高買低賣。
一方面叫人北望神州，一方面話在內地搵錢要受罰，又幾得意噃
[版主回覆06/11/2011 15:42:00]把根斬斷麻！
其實香港人唔似美國人咁冇責任心,即使負資產,樓照供.大部分人都唔會斷供啦.銀行既risk其實都好細,使唔使連番出招呀,多鬼餘…
[版主回覆06/11/2011 15:43:00]1981年時樓市爆煲，結果個八十年代銀行排隊執笠
第三: 所有價值在700萬港元以下的住宅物業最高可以做7成按揭，但貸款額不可超過420萬港元
其實我覺得呢一點, 已經令好多實力唔夠既人買唔到樓.
[版主回覆06/11/2011 16:35:00]少左人買樓，樓市才會降溫 但買唔到樓的人，更加買唔到樓
=o=香港銀行執笠?我真係唔知喎,哈哈哈.
[版主回覆06/11/2011 16:37:00]恆隆、嘉華、工商、海託、國商，都係呢段時期出現問題的銀行，部份被接管，部份清盤 咪講到香港人好似聖人咁，正如養狗的人會話自己最有公德心
嘩,呢到有幾間而家都OK大喎…原來之前都係執過既
[版主回覆06/12/2011 00:55:00]恆隆銀行賣了給道亨銀行，後來被星展收購 http://zh.wikipedia.org/wiki/%E6%81%86%E9%9A%86%E9%8A%80%E8%A1%8C 嘉華後來被中信收購才有今天 http://zh.wikipedia.org/wiki/%E5%98%89%E8%8F%AF%E9%8A%80%E8%A1%8C 工商銀行係海託的附屬公司，而家果間只係同名 http://zh.wikipedia.org/wiki/%E5%B7%A5%E5%95%86%E9%8A%80%E8%A1%8C_%28%E9%A6%99%E6%B8%AF%29 海託被政府接管，後來賣了給星展 http://zh.wikipedia.org/wiki/%E6%B5%B7%E5%A4%96%E4%BF%A1%E8%A8%97%E9%8A%80%E8%A1%8C 國商係執笠 http://zh.wikipedia.org/wiki/%E5%9C%8B%E9%9A%9B%E5%95%86%E6%A5%AD%E4%BF%A1%E8%B2%B8%E9%8A%80%E8%A1%8C 仲有間新鴻基銀行，差ｄ執笠 http://zh.wikipedia.org/wiki/%E6%96%B0%E9%B4%BB%E5%9F%BA%E9%8A%80%E8%A1%8C
理論上向量度升幅(120-135)進發 實際上急升及高溢價，令到賺錢更難 <- 唔太明點解賺錢咁難，可否講多少少?
[版主回覆06/12/2011 00:57:00]現在中原指數100點，但周街的一手貨有三成溢價，相當於用130點買入；二手貨有一成溢價，相當於110點買入 他日個市真係回，要貼水一兩成才出到貨，咁仲有乜可以賺？
金融海潚, 美國有大量業主因為層樓跌低過買入價, 變成負資產. 但竟然那邊的法律容許業主斷供而唔使同時向借貸公司(有些是銀行)償還差額, 只要交還鎖匙走人就得. 如果香港都有呢種法律, 沙士時一樣會有大量香港負資產會交還鎖匙走人. 咁樣睇黎,美國法律似乎過份保障美國業主, 但實情是, 美國有啲的業主明明可以繼續借款, 但某些地方的法律又容許借貸機構要求業主立即清還按貸款. 報紙曾報導一個業主, 因為遇到呢種無理要求, 索性用推土機將整座獨立屋推倒, 同借貸機構一拍兩散！
[版主回覆06/12/2011 00:59:00]因為果ｄ所謂樓按，已經被打包成有毒金融資產，都唔知賣左去邊度了！
2009年 1月15日 招商銀行完成對香港永隆銀行剩餘股份強制性收購，永隆銀行正式成為招商銀行直接全資附屬公司，並將於16日撤銷在港交所上市地位。 5月1日 ，永隆銀行正式轉用招商銀行有限公司徽號 [5] 。
[版主回覆06/12/2011 20:04:00]永隆還是永隆，無轉徽號
現在中原指數100點，但周街的一手貨有三成溢價，相當於用130點買入；二手貨有一成溢價，相當於110點買入 他日個市真係回，要貼水一兩成才出到貨，咁仲有乜可以賺？ — 謝謝回覆，哈，唔怪得我唔明的，我住大埔，個市創新高，反而大埔中心仲掉頭咁…希望仲有機會上多一段
[版主回覆06/12/2011 20:03:00]大埔中心升到而家的價，都唔容易了！ 長期無新供應（淨係得個寶湖道），又無新基建，都無乜潛力。