復建居屋將會「造細個餅」(2011/06/24)
http://hk.biz.yahoo.com/110624/366/47l35.html
近日復建居屋之聲甚囂塵上，各界假定已經塵埃落定，事在必行。不過筆者留意到政府已放氣球降溫：「政府消息人士表示，現階段未就是否復建居屋作出決定，強調有關問題不能獨立討論，要全盤考慮整個房屋問題，包括私人市場及公屋的供應，亦要考慮政策的延續性，一旦重推居屋政策，不能只考慮短期的實施，亦要考慮是否有持續的土地供應。」
心水清的朋友都知道，很多所謂支持復建居屋之議，說穿了都是抽取政治油水，例如有候選人說，住劏房、板間房、棺材房的人很慘，所以要復建居屋。筆者就覺得甚有「何不食肉糜」的古風：人家連一個完整的單位都租不起，才去租幾份之一個單位；復建居屋是否由政府提供百零方呎的單位，以供中產階級買樓收租之用？
筆者的立場是絕對反對興建居屋，反而應該廣建公屋，要幫助都應該幫助住劏房、板間房、棺材房的人，而不是自稱中產。筆者採取這個立場，並非因為時有物業而怕居屋引致樓價下跌，因為居屋與私樓的確是兩個市場，「建華八年」樓價暴滯的確不關居屋事；甚至進一步覺得連上車級數的私樓亦不會受影響，所以這不是問題的重點。
三歲小朋友都應該知道資源有限，你買了iphone或LV，要不是要縮減其他開支，就是會減少儲蓄或者增加負債。土地用來興建居屋，就要從其他用途土地開刀，例如有政黨建議將四幅市區靚地興建居屋，又有人說要在勾地表抽地興建居屋，甚而說將公屋地改為居屋。讀過經濟學的人都知道「槍炮與黃油」(Gun and Butter)所說明的「生產配對局限」(Production-Possibility Frontier)理論：多造槍炮的結果就是少做黃油，同樣地多建居屋就會往其他土地用途擠壓。
這個理論亦說，透過提高生產力可以將局限向外推，能夠製造更多的槍炮同時又有更多黃油。對不起，復建居屋會造成相反的效果，比如將市區地王用來建居屋，庫房就會少了收入，結果公屋就算有地都不能多建；或者在勾表內抽地，結果私樓市場的供應進一步收窄，結果就是樓價進一步上升；而將公屋地改為居屋有何後果，相信不用筆者多講。
那為甚麼各界看似智力正常人仕又要求政府復建居屋呢？其實就像小朋友向父母扭糖，既然扭不到，不如索性直接搶弟妹的糖果吧！自稱中產向窮民爭奪社會資源，很真誠地符合人性。不過筆者又預期到極為有趣的一幕：復建居屋打擊最大的是居屋業主，近期已經有多宗居屋撻訂的個案，真的復建居屋的話，還有沒有「天價居屋／公屋」？
對，他們聲稱不是置業投資，買居屋只是希望解決居住問題，改善生活環境──係真至好，他日居屋不升反跌，命苦不能怪政府。置業投資，真的不要貪平買居屋、夾屋及二手公屋，當心首當其衝！
脫兄,我不同意你的邏輯,中剷人士交的稅最多,對香港的貢獻遠比窮人多,中剷們領取的救濟應與他們對社會的貢獻成正比。哪管中剷們的可支配收入比窮人高多少倍!政客們應該為中剷們成功爭取更多救濟。
[版主回覆07/01/2011 15:37:00]知不知「救濟」二字點解？
因價錢及照顧長者關係, 只好選大圍, 本人想買大圍二手居屋(近美林邨) 588呎作自住, 但要2,450,000, 其實樓價不廉, 而我一家四口(有兩個小朋友正讀幼稚園及初小)在別已租屋3年了, 每月租金$6,500, 我真不知應否繼續租下去等還是現在入市, 可否給我一些因素作參考. ( 我怕遲些上不到車, 因我唔知個市點解會回 )
[版主回覆07/01/2011 15:41:00]經濟有盛有衰，個市點解唔會回？不如諗下個經濟衰左，樓價真係跌左，你仲有無實力買樓仲實際。 復建居屋的話，最受影響就係二手居屋，你仲要唔要買？
回應Lamyikwai, Canning Fok 交稅最多, 政府要為其建富貴屋吗?
[版主回覆07/01/2011 15:48:00]居屋的本質是甚麼？從來不是救濟，某段時間係津貼，放在今時今日，只係一種大抽獎。
雖然我支持起居屋, 但我唔同意Lamyikwai你geu睇法, 如果邊個交得稅多, 就要照顧佢多d, 咁唔怪之政府咁照家誠哥 另外, 脫兄我都唔多同意只起公屋就解決問題, 公屋可以解決住問題, 但有好多社會問題出現(古惑仔, 童黨), 呢d可以忽略嗎? 我反而覺得應該學學singapore, 人人安居樂業, 如果只為住好d去更努力工作, 你gei生活有意義嗎?
[版主回覆07/01/2011 15:53:00]起居屋，一樣解決唔到古惑仔、童黨問題。 要搞清楚，政府從來唔應該有「責任」去幫人解決「置業」問題，很多支持居屋的論點，是故意混淆「居住」同「置業」。 打個殘忍而新鮮熱辣的比喻：醫生租樓可以有房屋津貼，醫生買樓可以享受樓價升值，有個醫生想兩者兼得，結果要坐十八個月，無晒份工、長俸、公積金。 無能力自理居住的人，可申請公屋；有能力的，可以租屋；有能力置業的，請到私人市場（包括二手居屋的私人市場）。居屋就是為沒有能力的人夾硬上車，而且仲要嚮經濟周期高峰去做呢樣野！
會計人筆錄 說得對. 交稅不是比錢食晚飯, 比得多就要攞得多.
如果係咁, 阿Canning 要分返兩幢居屋先可以補返條數. 交稅根本是有能力之人一齊攞D錢出嚟等政府做財政分配. 做好D基建, 做好D環境, 做好D教育……….. 其實交稅可以視之為管理費, 你住個單位一年都交幾千至幾萬啦! 成個香港咁大, 你話要交幾多?? 警察(保安員), 路政署, 水務署, 渠務署 (工程部), 康民署, 民政事務局, (Club House!!) 只不過大家以為以上的是老馮的, 又可能好小用到 (其實行出街已經用咗!) 其他社會保障, 是用一個人道的角度去睇. 本質上冇問題, 只是執行上出事. (Abuse!!) 咁大家條氣咪唔順囉! 眼紅囉!!( 我都係!!)
[版主回覆07/01/2011 15:55:00]即係用個人立場去看待社會問題
交稅最多的應該是大財團，幾時輪到中剷？
所以政府應該為大商家爭取更有利的環境，例如輸入更多內地專才、減利得稅、印花稅、維持高地價政策、更多專營權、終止競爭法立法bla bla bla bla bla
[版主回覆07/01/2011 15:56:00]早前ｅ護人士怨工作量多，但引入海外ｅ護人才，公會就好似想斬人咁。阿當史密斯話齋：人人都係自利。無需要講到自己點大仁大義。
''中剷人士交的稅最多'' so this logics imply then Lee Ka Shing should get the most subsidery from government since he give the more tax then other hk citizens, and by the same token -should cut all the allowance from the poor people…. but personally i dont understand why rich(or relatively) people need any subsidery/help from the government. If anyone really need subsidery or any ppl's help, then he should be 'poor'…
[版主回覆07/01/2011 15:58:00]政府的一大功能是分配利益，將社會上較富裕階層的資源，用來支持較貧窮階層，講得夠周顯白，就係所謂「維穩費」。
回應脫兄和各位網友: 我用的字眼是「中剷」和「救濟」,而非「中產」和「福利」
[版主回覆07/01/2011 23:02:00]佢地亦唔會認為係福利，而係「權利」，差在未講出口係普世價值。
脫兄: 我可以share你這個回應嗎? "無能力自理居住的人，可申請公屋；有能力的，可以租屋；有能力置業的，請到私人市場（包括二手居屋的私人市場）。居屋就是為沒有能力的人夾硬上車，而且仲要嚮經濟周期高峰去做呢樣野！"
[版主回覆07/01/2011 23:02:00]當然可以！居屋業主呢次被害慘了
脫兄：香港稅率低，高地價變相抽稅，不然哪有那麼多銀去福利處呢？改變高地價政策，大家都會被狂抽水，制唔制？你越是無樓在手你越是鍾意看「地產霸權」，之後你也很同意又點？香港價值觀逐漸被政棍、傳媒侵害了，將年輕一代標籤，令到他們覺得是可憐的一群，要去爭取自己的應得。
[版主回覆07/01/2011 23:04:00]高地價政策又好，地產霸權又好，提供左遊戲規則，比一般市民黎玩；高稅收然後建組屋的政策，玩都無得玩
中間道兄在講人話
[版主回覆07/01/2011 23:05:00]你都係一筆之轉姐！
"早前ｅ護人士怨工作量多，但引入海外ｅ護人才，公會就好似想斬人咁。" haha….absolutely agree!
[版主回覆07/02/2011 00:18:00]此乃人性
如果政府起的屋冇會所 , 跟地鐵站要駁腳 , 用料比較差 , 而價錢賣平 D, 咁樣可以嗎 ? 負擔唔起的 , 就住得差 D, 遠 D, 冇會所 , 呢個係理所當然。
如果政府係跟返個市場規則去起居屋 , 唔係私樓賣緊 6000 呎 , 佢係旁邊起 3000 蚊一呎頂爛市 , 居屋對樓價的衝擊會唔會冇咁大 ?
[版主回覆07/02/2011 00:18:00]如果二手市場的居屋已經與同區有折讓，聲稱要買居屋的人點解唔去買？
Ivan.sfn的論點,我反而有另外一個看法。 深水埗鐵路站20年樓齡有電梯140萬的私樓還是供應的。如果這類樓宇做9成按揭,首期連雜費16萬可上車,以年息3%,供30年,月供5400,加上1000管理費地租,每月負擔為6400,理論上家庭收入高於14000就可以買得起。 以上的例子可以看到香港的樓價並非傳媒渲染到這樣天價。如果市民連這樣的上車盤16萬首期,每月6400都負擔不起。政府的真的要幫助這些人置業嗎?這些低收入人士要的是居屋嗎?硬把他們推上車,在樓市下滑時死得最快。 政客們如果真心要幫助中低下層市民解決住屋問題,為什麼他們提出的是"復建居屋"而不是"增建居屋"?
[版主回覆07/02/2011 07:41:00]政客只係撈票，某些市民只係尋租
為什麼他們提出的是"復建居屋"而不是"增建公屋"?
[版主回覆07/02/2011 07:46:00]答案： 東涌
http://www.tungchungtown.com/for … 5&goto=lastpost
葵涌
http://orientaldaily.on.cc/cnt/news/20090827/00176_022.html
深水埗
http://the-sun.on.cc/cnt/news/20100107/00407_043.html
黃大仙
http://www.districtcouncils.gov. … /C_M10_2009_024.pdf
將軍澳
http://finance.discuss.com.hk/vi … &extra=page%3D1
大埔
http://finance.discuss.com.hk/viewthread.php?tid=13223320
柴灣
http://orientaldaily.on.cc/cnt/news/20110305/00176_016.html
講到尾咪又係一個賭字, $100 都唔夠, 咪玩 $10 注 law…. 輸硬 ge 咪冇人想玩 law……..02-03 送都冇人要 ar, 轉左玩單獨打嘛: wah… 乜你要供樓 ar ??? (負家產 woo) 蟹左唔怕慢慢供 law, 唔賣 ok gar (不過低你死 law…. hoho~~) 性格決定命運 ar 佬友…
[版主回覆07/02/2011 07:44:00]0809果轉居屋，得六成人揀樓，只不過係兩年前的事 有政客話起唔切唔緊要，賣遠期樓花囉！ 兩年後個市跌，佢地肯唔肯負責先？
….. 精彩, 聽朋友們的討論, 精彩!
[版主回覆07/03/2011 00:33:00]Yahoo專欄不設討論，大家可以來這裏發表回應
Do you believe what they said! Fleurist of course says good about the flowers la 美聯副主席黃錦康 拆解樓市謎中謎 20年功力睇樓市 現時很多人都不明白為何樓市可以進行分析，甚至索性放棄分析，黃錦康憑藉 20年功力睇樓市，在過去 20年，本港私人住宅吸納量平均每年約 2萬個單位，過去 10年，私人住宅吸納量平均每年約 1.7萬個單位，本港私人住宅吸納量平均數字不斷下降，反映出每年私人住宅需求正在下跌中，可見需求是有數得計，同樣供應亦可以計，推地後 3年後可以建成住宅單位， 2年後可以預售， 4年後便有租盤供應市場。他認為，只要鑽研過有關供求歷史數據，便可調控供求平衡。 復建居屋 不會令樓價下跌 對於復建居屋，黃氏根據過去數據指出，居屋從來都不會令樓價下跌，「 98、 99年後居屋都停售啦，仲變埋公屋民㖭！只係一般小市民唔識，擔心復建居屋會令 97年的「八萬五」重臨，樓價大跌， 97年後樓價大跌，主要是私樓供應太多，與居屋並無關係。」 今年樓市預測 仍維持 11%升幅 至於今年下半年樓市預測，「去年底，我認為今年樓價會升 11%，但單在今年第一、二季樓價已上升超過 12%，至今我並無意修改對樓市預測，全年樓價都會在 11%左右徘徊，因為政府正在增加供應，如果供應過多，會有可能將 11%數字下調。」
[版主回覆07/03/2011 00:30:00]在過去 20年，本港私人住宅吸納量平均每年約 2萬個單位，過去 10年，私人住宅吸納量平均每年約 1.7萬個單位，本港私人住宅吸納量平均數字不斷下降，反映出每年私人住宅需求正在下跌中 實情係香港人口增長率已下降了，而每戶人口接近3人，已跌無可跌 推地後 3年後可以建成住宅單位， 2年後可以預售， 4年後便有租盤供應市場 施工後四年才落成，由推地到施工，要做規劃、入則，才可以拿到開工紙 居屋從來都不會令樓價下跌，「 98、 99年後居屋都停售啦，仲變埋公屋民㖭！只係一般小市民唔識，擔心復建居屋會令 97年的「八萬五」重臨，樓價大跌， 97年後樓價大跌，主要是私樓供應太多，與居屋並無關係。」 樓價跌是因為供過於求，居屋是八萬五的重要構成部份，怎樣推論出居屋並無關係？ 我認為今年樓價會升 11%，但單在今年第一、二季樓價已上升超過 12%，至今我並無意修改對樓市預測，全年樓價都會在 11%左右徘徊 想話樓價會跌，咪老老實實講出囉！ 呢位黃先生講說話喜愛扮高深。
Agree! If the government taxes you and returns benefits to you in proportion to the tax that you paid (minus its operating fees and what not), what good then is the government?
[版主回覆07/03/2011 09:16:00]國內剛剛宣佈提高免稅額，變相就是退稅