股市在上周暴跌後反彈，每天波幅已顯著減少，部份股價更從低位顯著反彈。既然跌市之前恆指市盈率只有11-12倍，而非一般牛市末期般廿多倍，除非又發生像亞洲金融風暴或金融海嘯般，人們對金融體系失去信心，潛在下跌的空間其實很有限。當然，沒有人夠膽講跟著不會陰溝裡翻船，又不知是財金官員講錯話，還是某國又被調低主權評級之類，但市況及人心暫時穩定下來是鐵一般的事實。
傳媒繼一片劈價風之後，開始又有些唱好新聞流出來，主要內容不外乎劈價之後有承接，睇樓人數開始回升之類。很多時類似的報導，都是拿一兩個個案出來，又或者分析一個極短時間內出現的數據而大造文章。筆者有個習慣是每天都看各主要報章的地產新聞，同一個市況之下，可以是甲報全是好消息，而乙報則全是壞消息。就以九肚山賣地反應欠佳為例，要唱好就說發展商執了平貨，幾年之後必賺；要唱淡則把地皮踩到一錢不值的賣剩蔗。如果全部都當真通盤接受，必然感到無所適從。
客觀的評述要提出實質的證據，而非單憑一己的好惡或人云亦云，例如說九肚山是新界傳統豪宅地段，其實無論那一區，那怕是牛潭尾或古洞，只要是獨立屋的格式樓價就貴一大截，那麼只有獨立屋的九肚山樓價較高，在該處附近興建高樓大廈中型單位，也可以用獨立屋價錢計價嗎？同樣地飛鵝山道的獨立屋價貴，山的另一邊豐盛街又是傳統豪宅地段嗎？正如一堆金飯碗當中有個鐵飯碗，有人指著鐵飯碗的價錢說金飯碗價格暴跌，合理嗎？
所以前些時有人用叫價與成交價的差異來說劈價，到今日比市價折讓的成交就說是真劈價，不過究竟這些是一線靚景高樓，還是景觀座向樓層較次者呢？容筆者講句公道話，目前市況的而且確比早前弱，不過次級單位的業主願意降低叫價，甚至比平均市價還低，而同時又有人出來承接。拆開來就是：貨質較次者先減價獲承接，貨質較佳者尚未跟隨。即如幾期之前所講的太古城例子，山字湖字巿價已減，然後就要看天字海字有沒有跟跌。
以往日的大跌市來講，是減價貨未有承接，引致沽盤累積越來越多，最終無論好盤壞盤，都要像倒骨牌般自相踐踏，這樣的市況筆者都曾經試過，不過現在減價後有人承接，既然未發生人踩人，像那些大淡友般預期樓市有幾成跌幅，未免言之過早。筆者雖然轉淡，亦不會預期短期內出現類似情況，只要不是渣到滿手貨周轉不了，暫時仍是何懼之有，賣樓轉租更是大可不必。
樓價要大跌 , 除非 (1) 外圍經濟有大穫野 或 (2) 香港經濟轉壞 , 企業Cut 人 (歐美大型銀行已有計劃Cut 人)。
[版主回覆08/20/2011 11:33:00](3)市民對經濟及樓市失去信心
不過上面係咁派野，相信都未必會發生
非常同意…
簡單D講，有樓唔急賣，上車唔急買。 等多半年睇定D? 定係儲多2年錢，樓價大跌才買呢?(但有咩原因會大跌呀?) 跌完會平過今日?
[版主回覆08/20/2011 22:46:00]而家無貨，不如等跌，兩年後供應會顯著增加。
我認為inflation咁大既情況下,有D企業係有暫停請人/cut人既壓力既.如果真係咁會令失業率升既.樓市未會下跌囉.
[版主回覆08/21/2011 21:06:00]租金下跌，同樓價下跌係兩回事，通脹係計住屋開支，唔係樓價
大陸有好多地方債, 有可能令內銀的盈利大跌，壞脹增加，大陸有機會經濟硬着陸。正如上年個個都認為美國不會double dip. 但最近股市大插，美股不掂，好可能已經開始令我地再次經濟衰退，所以''黑天鵝事件"，有機會的，如果冇迫切的住屋需要，而家買樓好大機會要''捱價"。
[版主回覆08/22/2011 18:24:00]《上車置業全攻略》有話，次次跌市都是外圍大件事，再加上信心問題。租金回報咁低，都唔會係中長期入貨點。
地方債唔係重點, 因為背後係爺爺叫做 ge, 大不了咪黎個 default law…. 正如 #267 咁, 全世界都吹佢唔漲…. 爺爺真正擔憂係樓價 — 打又驚佢痛, 唔打就遲早痛大大鍋… 本港經濟 — 如果講製造/ 運輸真係嘛嘛地… 叫做好過 08 少少… d 老細個個都賣野借錢止頭痛… 教育/醫療咪最好做 law… 其他唔識……不過都係0個句, 通縮 vs 滯脹…. 呢個時間我仍然睇 滯脹嬴….
[版主回覆08/22/2011 18:25:00]其實香港都係咁，只要賣地有價就大把錢，一賣唔到地地方債就有危機。
今時今日 , 炒賣真的不容易呀！
[版主回覆08/22/2011 18:25:00]SSD就係唔比ｄ人短炒
我都覺得不宜太淡。 今日寫了文章，希望脫兄賜教。 http://hk.myblog.yahoo.com/s0351060/article?new=1&mid=54
[版主回覆08/22/2011 18:26:00]又唔淡得，又唔好得，做地產代理都幾大鑊。
真是辛苦他們了。
QQ 兄， 歐美大型銀行確實已有計劃 Cut 人，不過亦有不少 ”歐美裁員、亞洲請人“ 的情況。當然，地球村裏，牽一髮而動全身。但亞洲經濟， 未 至於睇得太淡。 (sorry 打錯字）