陪您睇樓──新界西．荃景圍／荃灣西約
http://hk.biz.yahoo.com/110908/366/4a4o4.html
一般人理解的荃灣是港鐵荃灣站與荃灣西站之間的地帶，其實仍然有不少地方須要駁車才能前往，荃景圍及荃灣西約（不是西站）便是一例。雖然鐵路不能直達，但交通配套也很發達，加上大部份屋苑的實用率超過八成，也有不同面積單位供應，單位質素可以媲美大型屋苑。
大涌道以西的柴灣角是傳統的工業區，向海的工廈正陸續重建，九倉重建項目One Midtown及前樂信工業大廈均是，青山公路以北部份地皮已發展為住宅，包括前中國染廠重建為愉景新城，以及前南豐紗廠部份重建為翠豐臺，再加上沿荃景圍的山坡地便是荃景圍的範圍。荃景圍與荃灣港鐵站之間相隔了多幢工業大廈，由荃景圍前往港鐵站必需駁車前往，頗為不便，後來愉景新城入伙後便興建了一條全天候行人通路接駁港鐵站，荃景圍各屋苑自此可步行往港鐵站，成為另類港鐵上蓋物業，但樓價卻比傳統上蓋物業平。
大型屋苑有荃灣中心、荃威花園、荃景花園及愉景新城，規模較細的屋苑除了超過二十年樓齡的荃德花園及錦豐園外，也有入伙只有八年的翠豐園。這個地段以中小型單位為主，最細是荃灣中心的287呎開放式單位，最近有報道荃灣中心開放式單位呎租比新樓還要貴，可見市場對小型單位需求殷切，正所謂「一係最細，一係越大越好」。
不少人埋怨新樓實用率偏低，就算聲稱實用率足八成的物業，七百呎單位也只有兩個房間。相比之下荃景圍的屋苑便實用得多，除了荃德花園外，無論新舊屋苑實用率也有八成或以上，荃威花園甚至接近九成。以下列表展示出荃景圍單位的實用率：
柴灣角工業區以西為荃灣西約，部份住宅也是工廠重建項目，如東南紡織重建為韻濤居、捷德布廠重建為蔚景花園。最具標誌性的屋苑當然是分三期發展，共有十九座物業的麗城花園，除此之外也有灣景花園、翠景台及翠濤閣，也有已建成但仍未發售的一號九龍山頂。此地段的物業同樣實用率高，除了蔚景花園外，所有屋苑都高於八成，麗城花園個別單位更接近九成。而荃灣西約與荃景圍的最大區別是單位面積更大，以三房單位為主，例如麗城花園第二、第三期、灣景花園等，以下列表展示出荃灣西約單位的實用率：
雖然荃灣西約前往港鐵站均須駁車，但由於是青山公路出九龍的必經之路，有多線紅色小巴前往或設總站於此，無論前往旺角或銅鑼灣等商業心臟地帶亦相當方便快捷。而隨著荃灣西的海濱長廊建成，除了環境改善外，居民也可以徒步經海濱長廊前往荃灣西站，既便利又舒適。
荃景圍及荃灣西約的屋苑條件相若，實用率高但遠離港鐵站而樓價稍為低水，加上住宅單位以屋苑為主，配套較佳，追求實用的用家們值得考慮。
脫大哥您好 , 不好意思又有問題請教 .
麗城花園值唔值得投資或自住， 如果要上車既話 , 呢個區 OK? 比較黃埔新村那個升值或保值機會好 ，我希望買來收租做日後的生活費 !
[版主回覆09/12/2011 22:07:00]麗城花園值得自住，不值得投資 黃埔新邨樓下就係港鐵站，梗係更值得投資
脫兄, 我有兩個土瓜灣的單幢小單位(四百呎不到), 已無按揭, 原本都係收租同俾屋企人住(自己另有屋住), 但睇黎居屋又重新推出之勢, 私樓又限呎盤, 雖然沙中綫有正面影响, 但係舊機場又會有巨大嘅供應. 我是否應該趁現在仍在高位, 套現等機會, 還是繼續收租呢. 幢樓都廿幾年, 我原打算賣咗佢, 等2013年左近換個質素好啲如傲雲峰黎收租. 你點睇? 先行謝過
[版主回覆09/12/2011 22:39:00]賣左兩間細的，遲ｄ換間大的，你呢個諗法唔錯。
祝 中秋節愉快 人月兩圓
[版主回覆09/12/2011 22:40:00]多謝
脫兄：中秋節快樂！
[版主回覆09/12/2011 22:40:00]大家都快樂
點解唔比較吓荃灣西、中、南、北對日後中港聯繫嘅重要？係唔係以商業角度睇、荃灣西最值投資？萬景峰好似一個心臟，凱譽遠D，但尺價快貼近奧海城地鐵上蓋物業了，有點不可能吧？以荃灣西的貢獻計，似乎西鐵只吸引屯門出嚟居民！？
[版主回覆09/12/2011 22:41:00]荃灣區的分析重點不在中港聯繫，而在於市區擴展，就好似過去的沙田咁
Hi 棋子，我朋友住麗城已經3年，出入交通都Ok；反而係買餸得間百佳同好細size嘅街市及零會所令佢唔慣和感覺選擇小。我在黃埔生活8年，覺得多內街，鋪頭散，自住要多"運動"，因為大部份規劃不集中。我個人認為講到底黃埔應該好D，因大部份自住居民唔會因市跌出現超級大減價，嗰市向下跌時，業主企硬D。
[版主回覆09/12/2011 22:42:00]新邨同花園接壤的地方，就係港鐵站的選擇，今日經濟日報有報導
紅堪附近都已經被炒高晒,我諗要下跌很多%先再出現投資價值
[版主回覆09/12/2011 22:43:00]第二時由黃埔站去油麻地站，只係幾鐘時間，黃埔花園可以再上一層樓
最近呢幾個月荃灣區多左好多內地聲音, 似乎係 TM, YL 的內地人都沿鐵路南下了.. 有利荃灣區.
[版主回覆09/16/2011 23:24:00]或者果度多金舖掛？
多金舖都係原因一個. 但我少行果邊, 我主要見到係 citywalk 1+2 & 如心同荃灣公園一帶..
[版主回覆09/17/2011 08:22:00]正如你所講，因為有西鐵，再加上公園同大型購物商場，就係一個好去處。而且荃新天地１的大光井設計，是國內商場常見的，他們都會覺得有親切感，這是筆者第一次去荃天１時的感覺，才這樣看好萬景峰及爵悅庭。