五鬼搬運──狙擊手的新財技(2004-10-29)

曾幾何時,「財技」是一個美化了的名詞。呢個名詞由日本方面傳來,大概是說善於理財,例如怎樣用最少的資本,做最大的生意,控制最多資產等等。時移勢易,經過好幾位濫用「財技」,魚肉小股東的所謂「財技高手」後,這個名詞已令人戒心大增。除了十乂二公子被人冠以「國際級財技高手」之外,個人認為真正玩財技(其實係玩股東)的高手非字母先生莫屬。

股海秘辛第一篇就係講呢位先生,不斷用各式各樣的絕招抽小股東水,供股、送認股證、母供子、子供孫、子併每、子拆母等等,結果就是該系公司在樓市的上升周期累積了大量資產,儼然是一家中型的地產公司。但係呢個已經係過去的事,現在財技的目的,已經由「壯大公司規模」變成「搬資產返屋企」。

字母先生在這個樓市低潮中,洞燭先機,低價買入貨倉百貨同社團大廈,對唔住,唔關你事,係佢自己錢買的;在今年中樓市調整期中大舉收購豪宅,對唔位,關你事,不過係「涯義氣」買晒上市公司的豪宅同古董。故事並未完結,由於賣晒d豪宅物業,上市公司大把現金,咁用黎做乜好呢?市上就盛傳,僑胞公司計劃私有化香水公司,際此香水公司賣服務式住宅之時,就不免令人懷疑其動機。佢老哥同記者講:「都無供股左成十年喇!d人仲囉黎講。」係,無供股肋,不過搬公司d資產返屋企姐!

當然,有人會認為,理得你主事人乜野作風,總之低買高賣,有錢賺就得。呢個睇法好有道理,但係對於某部份「痴情股東」黎講,十蚊買左二十蚊資產淨值的公司,升都十九蚊叫佢賣佢都唔會甘心,係都要磨爛席等佢二十蚊或者廿二蚊才安樂。呢d情況本人唯有祝佢好運。

發表迴響