真係瘦田無人耕
無人承接收回
2010年09月29日 (03:35 pm)
柴灣連城道地皮開始競投，開價 5.3億，每口叫價 1000萬。
經過粉嶺地皮的激烈競投後，發展商對柴灣地皮顯得有點猶豫，在經過拍賣官兩度提醒會收回地皮後，仍未有發展商承接第一口價。
最後經拍賣官三次提出警告，發展商亦未為所動，最後被逼收回地皮。
柴灣地望墳景
發展商嫌棄
2010年09月29日 (03:47 pm)
柴灣連城道地皮開價 5.3億，每口叫價 1000萬，惜無發展商承接第一口價，經拍賣官三度警告後收回地皮。
長實（ 001）執行董事吳佳慶及華懋集團售樓部總經理吳崇武均指出，由於柴灣地皮有墳景，難於剪裁，故沒有競投。
新地界發展（ 017）董事總經理梁志堅稱，否認發展商聯手不投地，指地皮叫價不低，柴灣地後山斜坡與地皮比例不相稱，權責又不淸，故影響發展商投地意欲。
16年來首次收回地皮
拍賣官感到意外
2010年09月29日 (04:41 pm)
柴灣連城道地皮開價 5.3億，每口叫價 1000萬，惜無發展商承接第一口價，經拍賣官三度警告後收回地皮，是近 16年以來首次有地皮被收回。地政總署拍賣官羅思善表示，對地皮罕有被收回感到有點意外。
對上一次收回土地，是在 94年 12月 14日，涉及一幅元朗住宅地，發展商認為開價太高而沒人承價。
羅思善表示，市場估計柴灣地皮會在 9億的區間成交，顯示該幅地皮受到市場歡迎，對於沒有發展商承接第一口價，實在令他感到意外。不過，他相信今次收回地皮，不會影響樓市氣氛。
耕開真係有人爭
4.59億成交
2010年09月29日 (03:29 pm)
粉嶺樓路地皮終以 4.59億元出售，平均呎價 3029元，超出市場原先預期低於 4億的成交價上限。地皮由 6號牌承價，現場消息稱，疑為新地（ 016）代表。
該地皮競投氣氛熱烈，拍賣半小時，共有 43口叫價。
粉嶺地皮其純住宅及非住宅的最高地積比各為 5倍及 9.5倍，市場一般估計發展商會作商住發展，地積比介乎 5.4至 6倍。
新地投得粉嶺地
將建中小型住宅
2010年09月29日 (05:13 pm)
新地(0016)投得粉嶺樓路地皮，代理執行董事雷霆指出成交價合理，新地將會興建中小型住宅單位，總投資額為 9億元。
今天賣兩塊地，香港柴灣果塊收回，新界粉嶺果塊由大發展商投得，中小型及沉寂多年的老牌發展商仍然係食白果。大又投唔到，細又唔想投，一樣係五大話晒事。唔好再怨無地仔投勒！
北角型品及大角咀型品．星寓都係起細單位，一樣賣到價；粉嶺既有奕翠園及皇府山先例，新地投得都應該如此這般。
上次香港小輪投果塊粉嶺地有人嫌平，今次新地用三千多元樓面呎價買，可見住到無得住，新市鎮邊皮都要起黎住，亦可能係因為新地農地就大把，熟地及地盤未夠所致。
咪話港島區土地矜貴皇帝女，家下咪又係李昭陽變呂小苑。判斷某塊地皮或某個物業，點只考慮一個因素。墳景？地鐵上蓋對兩個大墳都賣到喇！
上得床來拉得被，公屋碩門邨都識得投訴社區設施，柴灣塊地若建居屋夾屋，或先租後買中產屋又如何？一係唔嘈，一係唔吼囉！
其實係唔係發展商想做戲,扮到對未來樓市有保留,迎合政府,令政府唔好出重手呢.另外, 柴灣塊地起骨灰X好唔好呢?=]
[版主回覆09/29/2010 21:46:00]發展商係一班人，一個都無出黎投，即係話塊地唔得囉！
但係一面對 墳姐,開則上就不到嗎?地價3-4千,數年後賣5千5-6千都有D水位啦.雖然可能唔係好gain到money,但係D細既發展商,有樓賣都好過冇樓賣啦,對嗎?
早前d測量師個個估柴灣高價，粉嶺開低價…結果冇一間準，只係證明佢地都係外行睇內行….始終不及「搵真銀」的發展商…。如果市民相信d測量師去買賣樓宇…結果就太恐佈了
[版主回覆09/29/2010 22:46:00]好可能佢地連塊地嚮邊都唔知呢！
脫兄,
今日去睇樓, 很多樓又比正苦出招後更高了, 看來樓市真的無得跌. 最近看了雀仔庭7樓(地下)有一496尺盤開230萬, 較市價平,原來是因為要連租約, 約到明年底每月6千9百, 這是否可以投資呢?
另外, 想問脫兄正苦10月施政前買樓是否好過之後, 因最近新聞都講正苦唔會打擊樓市了, 無招再出了. 但最近發展商推新盤尺價又比預期低, 是否有隱憂. 盼指教. Thanks!
[版主回覆09/30/2010 01:00:00]鄭汝樺咪講左，無居屋，但資助夾心階層上車，樓市唔可以下跌，見今日報紙訪問。
真係估唔到會流拍，樓市應該好快見頂! ^v^!
[版主回覆09/30/2010 01:01:00]你淨係見到流拍，而去諗下點解無人出價
發展商只會起豪宅，果塊地，留返比標籤人喇！
1) 墳景賣唔出, 咁 Woo 8 樓下 d 係咩野? 教堂黎 gar? 2) 斜坡有風險… 改做 club house 滑雪場 law. 呢班友如果動真格, 你駛同佢哋驚… 講到尾咪又係想"特別行正驚" 收下手….. 見 d 柴灣 貨麻麻地, 個市又停曬係度等"私政"報告, 重唔順便哭喪咁死樣 mee…..
[版主回覆09/30/2010 01:03:00]窩八樓下果Ｄ唔係墳景下化？殯儀館只係比「人」經過，墳係長期留嚮度。
To : Sunny 我睇有線話柴灣地係對三面墳景, 後面又有危險斜坡. 真係好難買得落手.
[版主回覆09/30/2010 01:02:00]以前係房署宿舍，唔係為乜驣空出來？
上星期啱啱落左細訂响荃灣, 係D低價樓, 希望無入錯市啦! 因為諗政府都唔會有乜招出. 講完屍政報告應該都開始升市了 (主觀願望).
[版主回覆09/30/2010 01:04:00]咁荃灣都算係靚地區黎，好過葵涌黃大仙
有財經專家如是說﹕ 1,本港的地產股亦是另類零售股，乃內地長假期的受惠股之一; 2,近期美國逼人民幣升值，有機會刺激內地人民來港置業; 近期內地客來港置業，在一手
樓的比率有明顯增加，但二手樓的百分比卻沒大變化，可見一手樓才是他們的獵物! 老師怎麼看﹖ 樓價貴了﹐現在買1號及16號仔是否太遲﹖ TKS
[版主回覆09/30/2010 07:57:00]1. 住宅單位是零售商品，國內人放長假來港購買，然後打包帶走？還是購入後再等放假來港居住，一如港人在國內買渡假屋？ 2. 近年人民幣不斷升值，難道就能刺激沒有需要的國內人來港置業？一手比率增加，二手百分比沒有變化，是反映本地人的置業行為，不是國內人。在整體樓宇交易市場，本地人仍然是主流。 16號已太貴，1號估值較低，但平總有其道理，而股市經一衝之後，估值又偏高左，要等回一回。
TO timing : 其實呢南區都好多墳境啦,TKO都有D要望墳,但係點解呢只係呢塊地先至冇人要?
[版主回覆10/01/2010 00:10:00]地產商係做生意，佢地唔會入去住 賣唔起價甚至無人買的樓，又點會有發展商走去起呢？
脫兄 ,
10月13日曾叔叔會出的招數有幾多大家都知啦
你認為哪一些招最具殺傷力呢 ??
[版主回覆10/01/2010 00:11:00]點解你仲認為政府會壓樓市？而唔係壓聲音？
要幫夾心階層…究竟點樣係夾心階層, 住唔到公屋, 又"買唔起"私人樓就要幫佢升呢做業主, 咁駛唔駛幫所有公屋戶都升呢做夾心階層, 又幫下我地既低階私人樓業主升呢去假豪, 幫d 假豪業主升呢去真豪, 大家都係夾左o係兩個"階層"之間 je, 冇理由只係幫檸檬夾心, 唔幫朱古力夾心, 花生夾心… 反正大家都係有屋住緊既人, 又唔係訓緊街…整整下好似要政府製造社會向上流動既假象出黎, 比d 標籤人覺得好過d
[版主回覆10/01/2010 00:12:00]根本最大的危機係，目前市況本來都不宜上車，偏偏有班原本就無能力上車的人，係都要人地扶佢上去架斷纜吊車。
天宇海 臨海, 交通欠佳, 大單位為主,買唔買得過?
其實個個話長實樓唔好住(我都有同感), 但如投資, 到底一手入貨還是等入伙後才入貨 好呢?
[版主回覆10/01/2010 00:13:00]比著係筆者，諗都唔會諗，買將軍澳站新地盤好過（就黎開售）
To : Sunny 所提的南區望墳唔知有幾近. 但識人在東區醫院做,佢話墳景對塊地係好近, 如果起樓可能成個大銀幕影在窗口上. (我講得誇張唔知會唔會見到D樣呢~~~)
[版主回覆10/01/2010 00:18:00](Empty)
講吓文化差異. 墳景呢樣嘢, 香港又真係同外國好唔同. 一來鬼老無咁怕墳場, 佢哋大把墓園公園, 日日有人散步跑步, 安詳之地而已, 靜靜哋以示尊重就夠, 無有怕. 二來, 有地產經紀話我知, 墳景幾好賣, 因為墳場係好小可無啦啦拆咗, 再起幢屏風大廈嚟擋住你個 view; 加上對比起公園或其他嘢, 墳場會靜同乾淨好多. 所以好多人反而鐘意墳景.
[版主回覆10/01/2010 00:23:00]「消息人士又不認為今次是因為定價太高或有墳景而無人承價， 強調是港島地，定價合理 ，又指若是 指有墳景而無人承價亦不合理 ，因為港府的政策是 全港十八區都設骨灰龕，換言之，根本難以推出一些無墳景的土地。 」 寒舍都見到兩個墳場，因為向東望到大帽山頂個塔，向西望到安達臣石礦場（見頂頭Banner），咪見到長沙灣同九龍城兩個墳囉！
To Timing: 首先多謝你所提供既資料,令我擭益良多.不過其實我見塊地既旁邊都係有居屋or公屋(smth like that la)佢地都有人買既,只要推一個市場接受到既價應該波問題.不過真正考慮既係個slope.我發現呢個slope好似要長期維修,唔可以一次整好.所以可能令到發展商擔心弄出人命時自己公司我名字受影響.你地認為係唔係呢?
[版主回覆10/01/2010 00:16:00]斜坡大過平地兩倍，到時小業主維修都大鑊
脫兄 , 小弟情願 對墳景, 最少光好多。 好過而家煮飯又要同對面笑, 坐聽又對住旁邊個伯父一齊睇電視, 重有佢 d boxer…… 對面班友, 好時就好面口, 有時真係….得罪d 講, 塊面重黑過 d 黑 鬼…
[版主回覆10/01/2010 00:24:00]大部份的樓，本來就係樓望樓，望墳咪即係望山囉！
假期愉快﹗ 新盤瘋狂﹐二手淡靜﹐是否可趁施政報告之前的觀望期出手? 例如大角嘴的帝柏OR豪庭OR君翔﹖至少租售都勁過天宇海多多聲﹔ 至於新地未來將軍澳新盤價,一定媲美大角嘴價﹐ 請教老師有何投資建議? TKS!!
[版主回覆10/02/2010 16:14:00]二手淡靜的根本原因是買賣差價相距太大，而叫價已脫離銀行估值，相反新樓銀行必定估足價，自然去晒一手市場。 以目前的樓市生態，重點是離港鐵站有多遠，所以將軍澳站新盤賣六七千元，亦不可以說是偏高。但以潛力計，當然仍然以市區（包括荃灣、葵涌及將軍澳）為佳，接近港鐵站就更好。所以天宇海即使低至四千多，亦不見得是上佳的選擇。 最終物業投資都是睇質素，而質素並不是建基於個人偏見，而是市場現實。
正苦打擊樓市,只越打越高
測量師都係打工仔, 估嘢吾準吾使人頭落地, 地產商先至真金白銀出錢嗰個, 睇錯咗會死人, 咁你話邊個眼光有料到吖!
[版主回覆10/03/2010 23:02:00]測量師都係老細叫佢做野同講野，而物業估值至少有六個方法，每個方法都可以估到唔同的數出黎，例如用市值比較法，柴灣塊地咪值錢囉！
近日清袋之天字新盤 曾經發生工潮，我見D人用咁多錢買新樓，但層樓的質素…… 剛看過奧運站的帝柏海灣﹐都要8000以上﹐但內籠及多數 樓 的景觀就不敢恭維﹔ 看來要轉戰荃灣的萬景峰, 或者爵悅(但不知會否潛力不及鄰近的立坊)﹐想請問老師如何抉擇﹖多謝﹗
[版主回覆10/04/2010 07:46:00]根本呢個市度度d樓價都係貴，如你沒有實際置業需要，可以遲ｄ至買；而呢幾個選擇中，萬景峰可能係較好的，但個價就偏貴。
我當然不認為政府會打殘或打樓市
我指的是政府又會有什麼廢招嚇嚇窮人, 鼓勵他們不要參予買樓或炒樓. 如果有的話, 廢招的功效又會維持多久 ??
還有 2012 的供應多了, 但多了的是大單位. 個人認為對細價樓冇乜影響. 我的想法對不對 ?
唔該脫兄 !
墳景其實唔係咁大決定性, 我現居面向墳場, 距離只有兩條行車線加兩邊行人路, 夠近未?呢度唔向墳場都六千幾尺價, 向墳場平極都有個譜. 連城道算老幾呀?? 斜坡同地點先係主因, 因為打造唔到偽豪宅嘛
[版主回覆10/05/2010 23:09:00]而且地段欠佳，柴灣可能連小西灣都不如，交通除地鐵外真的很不方便。