近期發展商向屋宇署入則數字大增，人盡皆知是要趕及2011年4月1日前，對住宅物業發水的新規限。而2010年12月31日具體措施正式出台，共發出15份作業備考。對於我等小市民，實在沒有建築業專業人仕的能耐去了解作業備考，但可以參照由發展局於2010年10月13日發出，名為「締造優質及可持續建築環境的措施」的立法會資料備忘附件B的附錄：
http://www.devb.gov.hk/filemanager/tc/Content_3/LegCo%20Brief%20GFA%20chi.pdf
每次政府對建築限制作出修改，均會導致樓宇格式的變動，例如窗台的出現，或環保露台與工作平台必須分開等，今次的修改幅度較大，可以視之為下一代環保樓宇出現的里程碑，所謂限發水只不過是其一，官方的目標有三：
─ 可持續建築設計指引
─ 總樓面面積寬免
─ 樓宇能源效益
商人逐利，筆者相信發展商心中所想並非如此，而是如何在新措施下用盡那10%上限，並且盡量以最少代價保留樓宇賣點。筆者循此思路，估計下一代樓宇設計將會作何轉變。
第一類是完全取消豁免的設施，包括郵件室、派遞室、後勤服務室(logistic room)、高樓底入口空間，這等設施其實也不算是甚麼賣點，高樓底入口大堂只不過是豪宅格式的包裝之一，相信發展商不再刻意興建。
第二類是只豁免部份面積，其中影響最大的是環保露台及工作平台，只能獲得面積一半的豁免，再加上兩者一定要分開興建，發展商就可能會作取捨。筆者估計發展商將傾向保留環保露台，而放棄最多只可以興建1.5平方米（約16方呎）的工作平台，因為有露台與無露台賣點上分別很大，但是如果為了興建平台要拿8方呎列入限發水之內，不如將豁免面積移到其他設施。事實上現時部份樓盤如Yoho Midtown有些單位也只有露台而沒有平台。
第三類是仍然保留但收緊面積，包括非結構預製外牆、康樂設施（例如會所）、窗台等，比如窗台從外牆外面伸出的深度上限由500毫米降底到100毫米，同時由正面外牆總面積的50%，變成窗戶位處的房間的外牆面積的50%，即是大大限制窗台的深度與長度，總不成以後的房間都變成長的一邊向外來擴闊窗台吧！
第四類則是要符合某些前題才可豁免，主要是一些環保的規定，例如能源效能估值或減少噪音的量化理據。另外值得一提的是停車場，在獲得運輸署評定及參考《香港規劃標準與準則》，除了地底停車場可獲全數豁免外，位處《建築物條例》附表五所列地區，或能證明興建地底停車場存在技術困難，亦可獲全數豁免。附表所列地區地圖：
http://www.bd.gov.hk/chineseT/ScheduledAreas.html
當然，要等待「漏夜趕科場」的樓則之後，才會有新式樓盤出現，那已是數年後的事情。
希望D樓實用D啦
[版主回覆02/13/2011 10:58:00]起碼窗台會有顯著改善
不過呢,D 窗台好似而家咁大超碼都可以做床呢.如果細一D可能咩都做唔到.要有取捨呀…
[版主回覆02/13/2011 23:30:00]可以放花盆
其實依十年d窗台 係好過廿年前d窗台. 問題係… 冇左窗台係咪等於內籠會大左?? 冇左合停車場.. 佢又會唔會用一樓來做防火層? 長實太子依家可能諗哂點做了.
[版主回覆02/14/2011 22:17:00]呢次措施主要係想環保，遲ｄ搞埋樓宇能源效益審計，仲多限制
我想問下呢,而家政府好似係不斷起公屋喎.啟得啦,牛頭角附近(唔知係重建定反新),應該都有唔少單位喎…我估計呢,有1萬至2萬個…仲有好多細既反新,好似chai灣啦.咁多公屋單位供應會唔會令私人樓市場有異常呢?(而家都好似有4成幾人住公屋,到時未可能接近50%???)
[版主回覆02/14/2011 23:24:00]私樓係一個市場，居屋夾屋係另一個市場，出售公屋都算係半個市場，出租公屋完全唔係市場，就算超過一半人住公屋，對私樓市場都無影響。 不過究竟居住會不會因為政府停建，十年八載之後變成與私樓市場接近呢？筆者不排除這個可能性。
香港既人口係fixed喎,多左人住公屋=少左人住私樓?
[版主回覆02/22/2011 18:42:00]比例上係咁計，但住屋是以家庭為單位，平均每戶人口降低亦可以是家庭增長多於人口增長。 問題是：2006年人均每戶人口已降至3人，仲有無得降？
樓下的唔好單單想住的, 只要想想邊個買樓得喇. 唔好忘記有班勁有米大陸佬, 買左樓由佢唔開燈都得的. 關有無人住咩事. 講真, 發少左水, 班地產商實行齊齊起價, 所以影響都不大. 好似賣雞, 以前連毛帶血稱, 賣100蚊斤, 而家無毛無血先賣得, 無120蚊一斤, 你都係要買.
[版主回覆02/22/2011 18:42:00]咪就係咁囉！