屯門區現在推售兩個新盤，即青山灣長實的海譽及掃管笏新地的星堤，讀者可能納悶：不是都在屯門麻！其實兩者大不同，海譽所處的青榕街兩旁佈滿私人樓宇，步行到青山公路乘車有巴士、綠巴及紅巴選擇，而且是屯門區傳統的海濱住宅區；而星堤所處的掃管笏路兩旁，即使今時今日，兩旁仍然是荒山野嶺，不信？筆者有相為證。
如果兩大集團在元朗區是市鎮邊緣與鄉郊聚落的對決，則屯門區便是傳統住宅區與新發展區（即是荒山野嶺）的對決，條件佔上風者（尚豪庭、海譽）均是單位數目少而快快賣，條件略次者（尚城、星堤）均是單位數目較多，唯有等強勁對手先出貨後拖著來賣。
不過大家不要以為荒山野嶺就不能賣不能住，星堤所在的掃管笏區是未來的重點發展區，規劃署已委託顧問公司進行《屯門東可發展房屋用地的規劃及工程檢討可行性研究》（http://www.pland.gov.hk/pland_tc/p_study/comp_s/tm_east_area/TME-ES%2820100506%29.pdf），未來該區將逐步發展。而新地十多年前在該區附近亦有一個類似項目，就是小欖康輝路帝濤灣，即使今時今日四周仍是荒山野嶺又如何？不同的人追求不同的生活環境，自然就有不同的市場。
還有第三個屯門新盤正是萬眾期待，就是新地屯門站上蓋，但筆者更留意到的是屯門市中心的商業活動與該盤的關係。沙田站附近有七個互相連接的商場：連城、新城市、沙廣、沙中、好運、偉華、希爾頓，就像北斗七星陣那樣吸引到大量人流及商業活動，進而抬高附近屋苑樓價，該處成為沙田的商業重心區幾無異議。
其實屯門市中心也有五個互相連接的商場，分別是屯門市廣場、時代廣場、錦華薈、華都、新都，不過多年來旺不起來。現時卻有兩個因素令到該處人流大增，以及商業活動激活起來，其一不用多講就是西鐵直出九龍，其二則是由西部通道帶來的自由行購物人潮，只要從很多大品牌如H & M、Zara等均進駐已略知一二。
屯門站項目斜對面的錦華薈正正是新地物業，以葵芳站及葵興站之前的經驗，新地可能會自資興建天橋連接兩者，即使因技術問題難以實施（輕鐵路軌阻隔），既然西鐵乘客可免費轉一程輕鐵，轉車到杯渡站亦可。而就在屯門站以東，新地屬下有四個車廠，從過往經驗重建亦是遲早問題，所以屯門站項目才是最值得留意，而現時屯門市中心物業，早已出現影子盤效應。
In fact, the development is required to build 6 footbridges to link up
with the westrail station/future shopping malls to the nearby public areas/streets.
One footbridge is to link up the new
shopping mall (same level at west rail station concourse) to the existing
footbridge to Trendy Plaza ( 時代廣場 ) .
Ref: 屯門區議會 2008-2009 年交通及運輸委員會第十次會議記錄 2009 年 7 月 10 日
http://www.districtcouncils.gov.hk/tm/chinese/welcome.htm
[版主回覆04/30/2011 07:30:00]多謝資料提供
ustfatgo說得對! 其實天橋已開始動工. 另 其中最近西鐵一個 車廠已變了嘉士伯的貨倉.
[版主回覆04/30/2011 07:29:00]旺角東站地庫都係 嘉士伯的貨倉
咁如果佢一手賣出來買唔買得過.雖然佢地點同質素都好好,但係我驚而家買會變摸頂喎.
[版主回覆04/30/2011 16:51:00]乜資料都無，點知呢？
早說過你冇料
廢話 !
[版主回覆04/30/2011 16:54:00]有病就早ｄ就醫喇！ http://www.baby-kingdom.com/forum.php?mod=viewthread&tid=1465831&extra=page%3D1&page=2 哦~ Fung Hok Som 同 fredychung 呀嘛, 呢期好似仲有個 tmcatholic, 跟本同一個人黎,
Yahoo呢堆ID經常周圍搗亂, 個人都精神有問題既, 你地想報警? 都好既, 為左大眾利益, 拉左佢等佢唔洗周圍低能發神經,
呢帖個樓主畀人禁晒言, 都唔知係咪搞事既主謀黎……大家快D拉個變態佬去坐監定上青山乜都好啦
Bye Bye tmcatholic! 好行鴿唔送呀 ！
本人住屯門多年，近十多年來屯門市廣場商場其實是很旺的，人流不比沙田的少。信和近幾年把商場停車場大幅縮小騰出空間擴展商場面積正是因為看見脫兄講的趨勢呢。
[版主回覆04/30/2011 16:50:00]屯門時代廣場都大裝修
脫兄如何評論美孚新村引發的剩餘地積比率問題？
因為今期壹週刊揭發的30個屋苑有如美孚一樣，好像真是影響深遠。
[版主回覆05/01/2011 00:25:00]根本不是甚麼新事物，西半山十幾廿年來，發展商與政府不斷為類似問題打官司，人人都唔想自己家對面起樓，阻礙景觀，但社會又要發展，人地又要賺錢。 所以要保障自己的權益，應該在揀樓時就揀好，例如筆者舊居三邊被公園包圍，現居被學校包圍，呢ｄ用地想改就難了！ 石油氣庫之類用地，遲早被人搬走，美孚油庫搬走變成新孚新村，馬頭圍煤氣南廠變成翔龍灣，藍田油庫變成麗港城。誰會認為人家搬走後會起公園甚至會所（香討就有呢類傻瓜）比居民用？
脫兄現在是否還覺得如果冇樓既應該等到2012/2013先考慮? 美國如果keep住放寬貨幣…..樓價可以好似八九十年代咁跟住通脹係咁升…….
[版主回覆05/01/2011 00:26:00]QE3都應該無左，否則明年下屆美國總統，仲有乜野招數？
而家應該未見頂掛,因為我仲識好多人都plan緊買樓收租.但係都覺得貴.不過手頭上都有幾百萬隨時既低價買.D人仲咁理性,應該唔係頂.定係我D朋友另類呢?
[版主回覆05/01/2011 22:15:00]邊個話現在見頂？
洪水橋尚城作投資如何？將來前海發展成為金融中心， 港深西部快速軌道連接穗莞深城際鐵路，港深西部快速軌道的洪水橋站將成為過境口岸，前往前海站只需15 分鐘，洪水橋站至深圳機場站只需 24 分鐘。似乎投 資前境不錯，但地理上是一低窪地，會否有水浸問題？租客的質素又是疑問，你點睇？
[版主回覆05/01/2011 22:15:00]你去實地睇下，就知全部都係吹水，他日就算真係有洪水橋轉車站，都係港鐵同長實新地兩大地主話晒事，而由現在的洪水橋輕鐵站去西鐵條路軌，行到腳軟都未到。 去洪水橋的方法，除左由天水圍或兆康站轉輕鐵外，仲有68X同68A，去過包你話：邊個話香港無地？
可否black list tmcatholic？
[版主回覆05/01/2011 22:17:00]你black list左個他媽的，又會有個風鶴心、佛地鐘，仲可以開千千萬萬個account，咁係無用的。 任何人來挑事情的，大家請別理他。
呀！我對前海金融中心的小小睇法 http://hk.myblog.yahoo.com/luan-invest/article?mid=297
[版主回覆05/01/2011 22:20:00]好聽的，就是賣窮庭，換假豪 難聽的，就是棄糟糠，一代新人換舊 香港絕大多數人，都沒有這個自覺。
" 難聽的，就是棄糟糠，一代新人換舊"呢一句係唔係=以前海代替香港??但係而家海南好似免稅,新加坡都有可能做RMB離岸對換中心.香港仲有咩利用價值??白老鼠,比大陸嘗試政策??
[版主回覆05/02/2011 09:03:00]其實都唔係講得太正確，香港從來都不是糟糠：係養子讓返個位出黎比親生仔 香港仲有咩野利用價值，問得好，想不到。
點只，深圳機場也會搶香港機場生意，其實已經發生，我就經常收到宣傳e-mail，航機從深圳機場出發到美加，機票平國泰一半！
[版主回覆05/02/2011 09:04:00]溫水煮青蛙，大難臨頭水浸眼眉，呢個就係香港
屯門.. 對於好多香港人來講都唔係一個理想既居住地方.
我識好多要經常要返福田工作既人.. 佢地一係就會住係福田. 一係就因為都要觀塘OFFICE返工, 住係將軍澳.
海景, 公園景, 學校景, 油站景, 都係冇乜保障…
內園樓景應該係早有保障……
[版主回覆05/02/2011 20:01:00]所以咁遲才發力
"溫水煮青蛙，大難臨頭水浸眼眉，呢個就係香港" 其實以港幣和美元掛勾, 以及人民幣升值和國內通貨膨脹, 大陸的平宜並不會長久維持。 當然到時香港人仲係唔係香港, 係另一個問題
[版主回覆05/02/2011 23:05:00]大家壓根兒不跟你玩，如何？
Ref: 2011-05-02 09:03 2011-05-02 09:03 其實都唔係講得太正確，香港從來都不是糟糠：係養子讓返個位出黎比親生仔 香港仲有咩野利用價值，問得好，想不到。 所以我之前先至會問大陸人點解重要黎香港買樓? 因為都無乜利用價值. (最大可能係我睇唔到)
[版主回覆05/02/2011 23:52:00]香港對國家的價值越來越少 但對於國內某些人有好大的價值：小金庫 又不過，小金庫對國家來說，是負面的價值
補充：星提仲有個賣點，就係鄰近Harrow International School，我知真係有部份家境中上既家庭，為左子女將來讀呢間學校而特登買呢度。
[版主回覆05/03/2011 19:13:00]呢度都有講： 《屯門東可發展房屋用地的規劃及工程檢討可行性研究》（ http://www.pland.gov.hk/pland_tc/p_study/comp_s/tm_east_area/TME-ES%2820100506%29.pdf ）
香港最大既價值永遠出現係: 1.大陸戰亂時 2. 文革時. 3. 比外國封鎖時.
[版主回覆05/03/2011 19:13:00]簡單講即發國難財
香港對國內價值越來越細, 只有資金池一路尚可利用. 咁長遠國內人重有幾多人黎買樓? 另外經過今次超低息, 可能已經幫左一班人上左車, 佢地上的當然係細車, 咁D人重話買層細樓仔收租, 重行得通? 長遠香港樓重點解會升?
[版主回覆05/03/2011 19:17:00]買層細樓仔收租，然後政府排山倒海咁推ｄ限呎盤出來，結果如何？
所以都唔明點解D人重咁勇, 咁嘅價錢都去買層樓仔收租. 政府都擺明未來幾年限呎樓大把供應, 而且今次低息都有班人上左車, 到時重有幾多人去租樓. 班80, 90 後未來都係想政府接濟住公屋. 重咁得閒幫D業主供樓. D人思想好似直線發展, 以為過去幾十年行得通, 未來都會咁樣行法. 睇下回歸前後的匯豐銀行就知道啦. 97 前匯豐幾十年可能升左100倍, 唔通97後都會升100倍? 但事實係唔倒跌都只係橫行, 此時不同彼時了.
[版主回覆05/03/2011 22:36:00]物極必反是也！
終於找到偶像網誌! feel so good!!!
屯門怎發展都好,始終地段不是近經濟重心。小攬都係有間名校,唔見得從此平步青雲。荃屯鐵路起碼等10年八載!
[版主回覆05/03/2011 22:40:00]其實睇你乜野價買，三千蚊一呎屯門無所謂，或者五千蚊一呎買九龍都得，五千蚊一呎屯門就無乜水位。 屯門區置業的重心在鐵路站，屯門站又好過兆康站，兆康又好過淨係得輕鐵，如果連輕鐵都無，都唔駛點望。
但係呢限呎盤既成本價都唔低喎.而家最少都7-8千啦.遠D既可能5-6千.所以買一D呎價低既就唔會比新盤搶市啦.對不對呢?
[版主回覆05/03/2011 23:27:00]大家都係細單位，人地係豪裝，你買了窮裝，咪仲難出頭！
" 香港最大既價值永遠出現係: 1.大陸戰亂時 2. 文革時. 3. 比外國封鎖時." 歷史已經話你知, 這些是無人可及的優點, 試問邊度可做到? 香港過去做的好多行業, 在全球都舉足輕重, 現在的都係. 更莫說集資能力, 兩岸和平統一的參考點, 人民幣自由兌換試點等等, 你試試去搵個更合適的地方.
[版主回覆05/04/2011 08:01:00]所以香港係無法子唔金融獨大，地產只不過係金融業的一個分支。
那麼我們是否應該在深圳買樓，好過在香港買樓。深圳漸漸取替香港，成為大珠三角的曼克頓。未來香港的金融服務業，一步一步被深圳代替。
另外，如果想在深圳買樓，是否也是等到2013年才買？
[版主回覆05/04/2011 21:47:00]深圳，以及其他國內主要城市，恐怕比香港更大獲：香港人死過，識得寫呢一個字；國內有朝一日跌市，恐怕會自相踐踏
而家D金, 銀, 銅, 油, 股都跌得咁勁, 樓價會否而家見頂?
[版主回覆05/06/2011 06:37:00]無關係的野就唔好當左係有關係，否則會混亂思路。 就算商品跌完樓價跌，兩者都只係同時發生，而非因果關係。 筆者認為，商品跌是美元轉強的先兆，而美元轉強是因為加息預期。
有兩個人直得信, 一個係 arm arm 賣大陸收租股 ge +X 哥. 一個係任飛翔緊 ge 任總…. 佢兩個都講左呢年 hk 冇得加息….. 我相佢哋 第二, 睇樓市重簡單, 淨等 +X 哥供股就得
有一段時間沒文章呢=[
^_^期待,期待