http://finance.discuss.com.hk/viewthread.php?tid=14641538&extra=page%3D1
幾時買幾時賣(樓)其實好簡單, 唔明D人還在曹乜?
其實HK個樓市已經”曾經多次”對得住所有人, 好友, 淡友, 業主, 非業主, 炒家…..通通都可以有機會上車, 搵錢….
請想下: HK樓市在88, 94, 98, 03, 08都跌到阿媽唔認得, 點解D人唔買樓? 09金融海嘯過後, 全世界市場都有共識去舒緩金融問題, 市場漸漸回復, 但為什麼唔上車? 到今日, 個個有樓的都賬面賺幾十個巴仙, 沒有上車的就永遠羨慕人地, 不斷怨天怨地怨政府, 但從不怨自己冇胆入市. 所以註定一世是輸家. LOSER.
我鬧完淡友鬧好友, 去年11月前樓市已暴升不少, 為什麼你們不賣? 到11月19日政府出左招, 成個市靜哂, 即是已經發出警號, 但後來息”辣招”消化了, 樓市繼續GOGOGO, 你們還不醒, 繼續持貨封盤反價, 是什麼心態? 得些好意不回手的心態, 最後就是被一舖清袋. E+阿邊個邊個講兩句, 又驚跌番轉頭, 春夢一場… 又賴政府, 王光亞…..有樓又愁, 冇樓又愁, 做人做到咁何必呢?
人無千日好, 花無百日紅, 做人最緊要知機, 幾時攻, 幾時退, 就冇人可以阻到你, 所以HK個樓市已經”曾經多次”對得住所有人, 比哂機會我地入市, CASH OUT賺大錢…但未來個市場, 國家政策, 以致所有的外來因素, 係唔會有人話到比你知的, 是要靠自己去睇, 去行動, 勝利的才會是自己.
筆者都覺得佢講得好有道理，低位時唔入市，平市都可以入，錯過左平市到旺市已經有點勉強，其實淡靜的市況已經開始左好耐。
個價的確無跌仲升左，仲可能有多一水升市添！但成個浪的升幅大部份都已經過左，剩低的已經係水尾，同埋最唔值的係無論一手定二手，都要高溢價。100點時用兩成溢價追，變相係120點入貨！
2009年尾筆者講過，樓市罩門在銀行閂水喉，就算利率無升到，銀行放少左水，購買力就會減少。當然，SSD勒住之下供應亦同樣地減少，同時呢一期發展商又收起晒ｄ新盤等緊ｄ乜野。例如56區，比你係發展商，一方面想買對面塊地，另一方面又想高價賣樓，當然係等塊地創新高之後賣喇！
而家咁的情況，已經係一動不如一靜，手中有貨賣左唔知住邊，手中無貨亦無謂高價冒險，等埋呢半年，睇下係唔係2012轉勢。
就算2012轉, 都要等時間佢跌…唔知等到2013定2016…..真係要好有耐性
[版主回覆06/20/2011 07:50:00]未必，可能一個外圍事件，都可以引致急跌，因為樓價估值已經太高，租金都追唔切
不過呢D野無人估到.好多時泡沫爆破都係有D全球性既事件發生.幾時出事?要掌握全球大部分金錢同權力既人先知.而且我相信的確有(數位??)人士係有可能做到令全球驚慌既事,所以而家只好安守本份啦.
[版主回覆06/20/2011 07:51:00]筆者都係咁認為，點知會唔會好似貨幣戰爭咁講，羅家打個電話，世界大戰開打
我反而認同脫兄之前的言論， 即政府出招，只會把升市拖慢拖長 ，本來今年頭就升爆冇人接，變成每次出招個市就回兩個月（驚青新手業主見好就收，心急減價止賺，甚至連自住樓都放埋，CCL回5%左右，但因成交少而冇代表性），之後有人見跌唔落而租金仲企硬，馬上入市，又升過。最後得返班收租佬有貨，大部份一至兩年約，收租都賺咗ｄ，到2012有ｄSSD期滿，齊齊減少少就出貨，又睇下乜人借政府錢接棒吖。 呢個月，好多業主加按，想在銀行收水前留定錢入市，所以下一浪買到樓嘅，又係現成業主。上車？等啦……
[版主回覆06/20/2011 08:06:00]上唔到車又想玩屈機果班人，結果就係用高價買入低質貨，屈到政府搞居屋又點？咪又係與馬為鄰送多一條大天橋。
政府今次最偉大的政策係把階級分别放大. 壓力測試令 marginal case 入唔到場, 去到 6M 又一個分級… SSD 又要守一年以上 (假設 5% SSD 應該會比)… d 自住業主都冇乜動力向上換樓, 同時又唔會平賣比下手買家.. 買唔起私樓的就行另一條路: 公屋->居屋 + 置安心 (一於比住希望大家先). 咁樣困住哂 d 人的階級, 好難和諧..
[版主回覆06/20/2011 08:11:00]理論上階級應該係以社會地位及收入區分，而非物業。 實際上係香港人自己扭曲價值觀，自以為上唔到車就係跳唔到上某個階層。 其實果班乜乜後，收入無增加到（注意，係收入，唔係講薪金），自立門戶搬出來住，呃到間公屋，甚至買到間居屋又點？
如果樓價下跌速度比租金快,會使租金回報上升,但如果收租比定期好,資金又會回流樓市形成回穩狀態。97時定期比租金高,六個月拆息要8厘,靠通脹幫補,當時是6%。現在利率不上調是一個問題,樓價上升最終可能會令收租回報去到少於3厘若利率不上調,或許這是個誘因令人在現水平不落車。脫兄,有勞指點。
[版主回覆06/20/2011 08:08:00]歸根到底，低息令到持有成本低，就會少人賣樓，現在只係新造按揭較高息，又阻礙了一些人買樓，加埋就係買賣兩閒。
就算真係起居屋，都要幾年後才有供應，而且好位置的又要抽獎。如果D 居屋起係天水圍北、粉嶺北和古洞，到時又變左貨尾。 由於政府政策越來越不一致，一時刺激樓市一時抑壓，我估計呢幾年的波動率會好高，施先生的倍數增長既有可能，但係過唔夠兩日又可以跌幾十百分比。要穩陣投資，倒不如買領匯收租好過。
[版主回覆06/21/2011 00:34:00]一個好典型的集體自殘的例子
成班抽水怪 要幫燒死人劏房同籠屋更差住戶，唔係應該起多d公屋既咩？起居屋佢地買得起咩？好似之前鏗鏘集位減薪Gary咁，八千個月，點買？定係意思要政府起d居屋多到可以推冧個市，冧到西九都只係三千蚊呎？ 再講，市價係癲左既時候，市價七折就好抵買？r 晒頭…
[版主回覆06/21/2011 00:36:00]呢幾年二手居屋及公屋市場有價有市，是歸因於取消了「居者有其屋」（居屋）及「居者置其屋」（公屋）。 復建居屋，咁二手市場的居屋同公屋少左人買，個價會軟，成交會少，買入了居屋及公屋的人如何自處？
脫兄，其實我有啲認同壹週刊既標題。根本而家係亂出招，有份量人士出嚟責難兩句，特首就即刻出來講考慮復建居屋。所謂亂出招，就係呢招數有咩長期影響都唔理，只係想救咗火就算。 反而我想請教下脫兄，下年係特首選舉年，你覺得在幾個疑似候選人上台後，個樓巿政策會向邊便走？
[版主回覆06/21/2011 00:41:00]其實任何一個候選人上台，結果都係為討好大大聲的一群，害死無乜出聲的大部份人。 從宏觀角度睇樓市問題，其實係人口政策、產業政策，以及城市發展。香港人自己生得唔多，又要排抗外來人；原有產業走得七七八八，新的產業扶不起來；要地起樓，一係填海，一係開發新市鎮。呢幾樣野，近十年近乎空白。 最應該起的北環線及沙中線擺埋一邊，反而先起西港島線同南港島線，咁新建樓宇應該擺嚮邊度？
而家公屋既供應增加緊,細價樓都有好多,起居屋有必要嗎???
[版主回覆06/21/2011 00:42:00]有居屋的話，置安心就沒有必要 有置安心的話，居屋就沒有必要
政府各類政策, 就好似樓市長河中的沙沙石石, 係影響唔到經濟o既大方向. 只要香港經濟基調依然良好, 樓市只有升得快同升得慢o既問題. 唔知脫兄點睇?
[版主回覆06/21/2011 00:45:00]問題好多香港人都被眼前景象矇敝：香港的中長期經濟基調根本就唔好，現在眼前的市況，已經有好多人覺得旺第二行唔旺自己果行，遲點周邊城市競爭力大增，而香港仲係原地踏步及自扯後腳，仲有乜野前景可言？ 筆者只知道，經濟同樓市都有周期，時間一到就自然會升會跌，以為只有單邊市的話，恐怕同現實有一段距離。 不過咁，半年以內基調都係良好，再遲點就難說了！
http://www.hket.com/eti/inews/26655
新地郭炳湘：港樓價見頂 年底前或跌15%
新地（ 00016 ）非執行董事郭炳湘表示，本港樓市已見頂，今年底前樓價或下跌15%。
[版主回覆06/21/2011 00:46:00]如果第五個字換一換，效果完全唔同。
如果出租一個4百幾呎既單位,唔用石油氣爐,改用電"池"爐會唔會影響租值呢???因為整石油氣要比多6千幾蚊,所以節省到既都想節省.
[版主回覆06/21/2011 00:46:00]點解你要比藉口人地鋤你價？
脫兄：
復建居屋的出現是否樓市轉勢會提前呢？
點看以下報章摘要？勞煩了！
樓市「大好友」、瑞銀前地產分析員王震宇對政府有意復建居屋顯得不以為然，指特首曾蔭權屈服於政治壓力，無視大原則。他指出，「市頂時，人人嘈住要買樓同認購居屋，如果 3年後樓價下跌，（到時居屋）認購率又會好低」。
令私樓土地減 助樓價升
王震宇接受訪問時卻表示，如果政府復建居屋，他對後市更加樂觀，因政府原本打算撥作發展私樓的土地，將撥作興建居屋，私樓土地供應緊張，將刺激樓價上揚。
話雖如此，但市民預期供應增加、樓價可能下跌，或者叠埋心水等買居屋，始終會令需求放緩及拖低樓價。王震宇卻認為，「市民抽居屋等於買六合彩」，未必人人有興趣去「博」；若然大量市民等待數年後買居屋，暫時租屋住，則會推高中短期住宅租金水平，衍生另一住屋問題。
他指出，政府最大問題，是停建居屋後沒有政策跟進，過去 5年推出的土地數目有限，導致供不應求。歷史證明，「政府越搞得多，塘水就越混濁」「政府越多資助，樓市波幅越大」。他堅信，復建居屋短期會刺激樓價上升，到數年後推售時，樓價才會下跌。
[版主回覆06/21/2011 00:50:00]呢位王先生睇事情的視野不及其他人寬闊（←典型外交辭令），例如叫低增值人仕離開香港，那麼誰人做低收入工作？而上列的評論，將樓市簡單化為數量上的供求問題，一如有些人說最低工資會推高租金及樓價。
脫兄你好, 如果未來樓市有一個調整, 調整幅度相信各有各說, 如果自住樓的話用咩去量度入市標準? 租價比5% 可以嗎? 另外, 有關土地使用權, 香港係唔係會自動續50年, 咁如果國內呢? 係國內買左層樓, 使用權到期後會點?
[版主回覆06/21/2011 21:52:00]呢一浪落左車或者加左按，就等下一浪，唔好因為小小調整又上過車。 香港有先例係續期交租（薄扶林花園），不過亦有先例無得續要囉返出黎（海運大廈）。據知國內暫時未有先例。
外遊兩星期.香港已整左兩單咁大獲又燒死又內地長官意志控樓市既野.
單計兩星期都發生得咁大單既野.2012單年有乜攪唔出整個單年大跌.黑天鵝嘛.haha
但內地官講一講野.特首就做野.阿爺自己都攪唔掂內地樓.又走黎控香港.我反而怕依位新官上任半年幾後咁有鴻圖壯志.再加多個cy哥.又老翻當年老董時代cy之亂啦. 歷史真係更有創意咁重演!
另外睇左脫兄講僭建既文.老實.外部或加層僭建都捉唔晒.仲有真係內部改裝.拆牆果d.80年代起既樓好多都眼鏡房.好多人拆中間幅牆其實係要經屋宇署批.但依d多到睇唔晒及唔知可以點捉!隻眼開隻眼閉算啦.不過好多時攪個report出黎個ao都唔知會咁大獲!haha.
[版主回覆06/22/2011 00:20:00]已否認： 政 府 消 息 指 復 建 居 屋 須 考 慮 土 地 持 續 供 應
2011-06-21 HKT 15:30
政 府 消 息 人 士 表 示 ， 現 階 段 未 就 是 否 復 建 居 屋 作 出 決 定 ， 強 調 有 關 問 題 不 能 獨 立 討 論
， 要 全 盤 考 慮 整 個 房 屋 問 題 ， 包 括 私 人 市 場 及 公 屋 的 供 應 ， 亦 要 考 慮 政 策 的 延 續 性
， 一 旦 重 推 居 屋 政 策 ， 不 能 只 考 慮 短 期 的 實 施 ， 亦 要 考 慮 是 否 有 持 續 的 土 地 供 應 。
政 府 消 息 人 士 表 示 ， 留 意 到 社 會 仍 有 很 多 不 同 意 見 ， 要 小 心 研 究 ， 不 能 倉 促 決 定 。
至 於 是 否 港 澳 辦 主 任 王 光 亞 訪 港 評 論 到 本 港 房 屋 問 題 後 ， 當 局 才 積 極 考 慮 復 建 居 屋 ，
政 府 消 息 人 士 強 調 ， 特 首 上 月 出 席 立 法 會 答 問 大 會 已 表 明 立 場 ， 會 在 施 政 報 告 處 理
是 否 復 建 居 屋 問 題 。
雖然太樂觀, 但 我覺得王震宇都說得有道理呀.
[版主回覆06/22/2011 00:23:00]經濟係可以逆轉得好快，快到樓市反應不來
有時睇討論區D人互鬧互串都幾無謂，部份人仲要言語攻擊人添 不過我覺得D人成日話:「低你唔買，調整唔買，高位時先話想買，買唔到又要政府推倒樓價，幾低都唔會買。」 <— 呢D類似說話都幾無聊。買樓要儲錢，要時間。樓價升得咁急，咩計畫都攪唔掂啦。只可以怪唔早幾年出世啦。 樓價升到咁，依家無能力買都冇法。但係唔代表只係要默默耕耘，照樣要出黎鬧爆政府，呢個政府以為自己唔錯唔錯，之後又越做越錯!!又扮野，又歪曲事實!! 有機會俾我見到佢地，真係要問下佢地良心係邊。
[版主回覆06/22/2011 00:23:00]好多人都唔明白：人類的天性係高買低賣，低價時有能力都唔買，高價時無能力都想買，係正常不過的 偏偏到高位時，又有ｄ救世主出黎去幫ｄ無能力的人去買，咁大家就會知道，點解咁多人涯死一世窮──人地明明係害緊自己，居然以為係幫緊你！
hi,今日地產代理話有客想買我屋企既收租單位.幾個月前買,裝修都係剛開始.有人出比買入價高20%想買.而且銀行都估到價.不過扣除交易開支都係得反14%,可能仲要比特別tax.咁係唔係唔好賣住呢??
[版主回覆06/22/2011 21:15:00]唔買唔賣的話，地產代理的說話少聽為妙──應該係你叫佢地幫手買賣樓宇，而唔係調翻轉。
wah, sunny, your rental flat sounds very popular wor! They offer so quick. Which estate is that?
KLB呀,我屋企買個陣單位冇裝修冇樓睇,所以平左市價5-6%到.都算係買到個超值盤喇=]
Sunny，不用交 SSD?
最近睇咗陶冬篇文章，比較中國同印度嘅人囗年齡，諗番香港人囗老化急劇，小朋友長大一個養幾個老人(交稅)，年輕人嘅比例下降，試問十幾廿年後，香港嘅樓仲會唔會咁有承接力呢？個遊戲去上海，北京玩係唔係好玩D? 反正人吔打壓中，有排跌，慢慢揀，將來中國年青人囗又多，承接力比香港勁。
[版主回覆06/24/2011 01:04:00]中國人口老化仲嚴重過香港
hi,其實我屋企都唔係諗住賣既.besides,交完SSD就等於得個吉,多一事不如少一事啦.
[版主回覆06/24/2011 22:27:00]經紀成日都打電話黎，聽完，開心完，咪算囉！