以前上車多數都是買二手樓，因為新樓開價較貴，買二手樓上車就較容易，但由於近年的辣招令到二手市場好多盤都被印花稅綁死，變成二手樓價居高不下，而近年發展商新盤開價與二手市價略為收窄，形成兩者在價錢上的分別大減。

買新樓的其中一個好處，就是發展商已經附送基本裝修和電器，只需添置家俬就可以入住，而且發展商交樓後可以由業主提出執修，並且部份發展商提供一至兩年的保用期，電器又有原廠保用，可以在入伙初期慳一筆。

不過如果業主大幅更改間格，保用期可能會失效。有時看到樓市節目，會見到一些人花費數十萬甚至過一萬裝修，對於有錢的人來說，裝修如換衫，花得起就去做。但看到一個個案，業主謂賣了舊居買新樓，但又將全屋大裝修，不但花了一筆錢，更加令到原有的保用期失效。

發展商透過屬下的財務機構，為新盤業主提供更高成數的按揭，甚至對於部份買家，如有限公司或非本地居民，會代為支付買家印花稅，這些便是二手市場無法提供的。更有所謂「呼吸Plan」，聲稱只要有呼吸就可以上車，利息當然就遠比銀行提供的按揭為高了。

當然，買新樓有一大缺點，就是你想買，都未必一定買得到，遇上超額倍數高的時候，就算入多幾張票都不一定有得揀樓，有得揀都要迫迫挾挾，所以事前就要想定，買那一個樓層坐向，以免到時心儀單位賣清，即時企嚮唔知點好。

那麼，買二手樓又可否滋油淡定咁揀呢？事實上現時二手市場十分缺貨，就算是大型屋苑，都只是有少量鎖匙盤，而且又係手快有手慢無。老實講，買樓買得咁艱難，是否應該等更佳的時機呢？