香港人其實都幾鍾意睇笑話，老牌漫畫《老夫子》便是一本笑話書，後來如甘小文漫畫，傅姿燦的《老懞董》《掃把頭》等系列，以至最近李力持的《真係笑話》等。今日互聯網時代有笑話新聞組「粥版」(joke)比大家發表笑話，廿年前明報逢星期日會有一整版的笑話投稿園地《荒謬版》，真係幾好笑嫁！總好過抄互聯網打油詩投稿代領稿費喇！

其實笑話在日常生活中常常見到，筆者其中一個日常習慣是在報攤看封面，除了報紙頭版之外，時事及娛樂周刊的封面經常都會提供減壓題材，甚至測市指標，唔駛錢嫁！例如曾有周刊話落冰雹表示個市會大跌，又有話恆生銀行投資債券隨時爆煲，又例如話河北同志「入侵」豪宅區之類。以前有朋友同筆者講，點解MJ咁紅？因為ｄ人要食LSD（唔係郁人長毛果個）至睇到的影像，家下唔駛食都可以睇到。以前讀大學副修社會學，有講到曾有白人社會學家食藥變黑扮黑人，去睇下有無歧視現象，原來係可以倒轉黎變。即等如聖女可以扮下性女，性女又可以扮下聖女，睇下又有無歧視。

筆者認為職業無分貴賤，所以唔會特別睇得起或者睇唔起各個行業，但係你係某行業的人，唔該你尊重呢個社會角色(social role)。你係醫生又要上電視教人用邊隻牙膏或香口膠，咁人地唯有當你地係sales。筆者發覺某些娛樂中人喜歡暗示自己道德水平在「中線之上」(above mean)，例如某經常在網上被人喊打喊殺的國際明星，大家丙佢唔係因為佢的私生活如何檢點，而係點解大家都係咸蟲，呢條可以周不時代表香港，或者當眾教大家做人道理？就算你係聖人，咁做咪即係迫其他人爭住用石頭打你？

當然呢ｄ行為如果可以當係錯誤的話，就唔會係男人的專利。最近至少有兩位女士有意無意做出類似行為。第一個比較不幸，當眾被人狼吻、拍錄象，並放埋上網，咁又真係好慘，搞到抑鬱或者有恐懼症甚至有自毀傾向亦不能排除，就好似韓星李恩宙小姐咁，連條命都拋棄了，真是十分可惜，但無幾日又行出黎活動如常，早前講到咁大又真係唔太專重人民群眾的智慧。

另外一位係小姐，曾代表香港的小姐，早排在某公開場合被外藉老闆當眾抽佣金：揇腰及索吻之類。其實如有不滿是可以即時報警的，大量證據隨時恭候索取，甚至可能連網上短片都有。作為一個尊重法治的良好市民，是不需要用爛面、抑鬱、停經黎抗議的，無名無份同一屋簷下果位個老豆更加無需拍檯拍櫈，只需唔要贊助商的錢，好多野其實係可以做到。

當然，事後或有人會講，呢ｄ係周刊作故仔姐！家下ｄ報紙，網上抄就話係讀者投稿，甚至擺明網上抄當報導或民意調查，笑話無論一手定二手，報導或創作，觀點或事實，都可視為笑話。

廿蚊本六蚊份，咪講笑喇！