以前寫過一篇消耗性行業，說明一些工作根本就無預人做成世，所以就會出比一般人多得多的薪酬。所謂「花無百日紅，人無千人好」，有機會搵Hyper Income，就要預左無得幾耐搵，呢位先生由1986搵到而家，算係咁。佢唔係積左咁多年，都唔可以咁。香港地大把人一個月搵十萬駛十一萬。

近年娛樂圈經常見到有人復出，最近電視機連吳君麗都見到，早上睇阿麻粵語長片見到佢，晚上食飯又見到，歲月在人身上的作用好驚人，可是點解要咁，似乎單單一句「技癢」不能令人滿意。起碼沒有人認為關淑儀唱歌係因為咁。

「朝九晚五，唔駛用腦」並不是可恥的工作，三更貧五富亦不屬光榮。個人選擇而矣。

http://appledaily.atnext.com/template/apple/art_main.cfm?iss_id=20081110&sec_id=4104&subsec_id=11867&art_id=11827552

這一浪不敢奢望翻身
金融老兵逃亡異鄉

【海嘯求存】故事見報的時候，主角已經被這場海嘯捲到老遠的北美洲了。87股災、98金融風暴、03沙士瘟疫，經紀佬鄧立仁都安然度過，再來一股巨浪，金融戰場上廿多年的老兵，還是要棄械投降。這名經紀在金融海嘯下失業，前路跟股市一樣，失去方向，最終選擇移民。逃亡，是為了求生。　記者：蔡元貴

鄧立仁1986年入行，當了廿年股票及外經紀，身經百戰。87股災、98金融風暴、01科網泡沫爆破、03年沙士疫潮，統統撐得住：「98年我逃過一劫，個天好睇我。01年科網股爆破，因為銀行減息，對外市場影響不大，我又冇事。03年沙士，我冇份工，於是同個仔過加拿大，但係好快就返番。」經紀鄧持有加拿大國籍，妻兒都在加國。

走唔出一個「貪」字

沙士疫潮過後的數年間，經濟逐漸復蘇，股海海風平浪靜，沒有人再理會暴風雨何時再來。經紀鄧說：「個市未跌之前，冇人諗到會有今日，一時又話奧運年，一時又話資金自由行、直通車，阿爺會睇住香港，個市唔會衰。」

處身金融海嘯的苦海深處，鄧立仁早就感受到風暴的山雨欲來。踏入今年初，幫襯銀行購買投資工具的客戶已明顯不及去年：「雷曼未爆，我班行家已經聞到味，整個銀行業sales都搵唔夠數，sales個個要石仔搵客，雷曼單不過係加速死亡。」

經紀鄧認同，海嘯前的投資市場，健康狀況已令人憂慮。近年投資產品越來越多，例如雷曼兄弟迷你債券，又如衍生工具accumulator。他說，accumulator近年開始流行，去年炒風甚盛，因為很多人從中賺大錢。這種投資工具本來是對產品，事實上卻是用作對的少，投機的多。直至今年大跌市，投資者才如夢初醒。

「產品本身冇錯，錯就錯在人貪勝不知輸，以為賺梗。所有投資失利故事都係一樣，萬變不離其宗，走唔出一個『貪』字。」經紀鄧說。

工作緊張常咬出血

9月中，大災難爆發了，經紀鄧不久即被辭退。他試圖再找工作，發覺巨浪下如何掙扎，結果都是徒然。有點沮喪有點化，經紀鄧決定離家出走，離開香港；好聽一點，是與加拿大的家人團聚。

被金融海嘯到遙遠的彼岸，鄧立仁不敢奢望可以翻身：「過去幾次大鑊，都翻到身。但係今次牽連太大，所有問題一環扣一環咁整個經濟，都唔知幾時先可以復蘇。就算一年之後復蘇，人已經唔記得你。」至於他的戰友，「有知難而退，自己起身，轉行求生；有就等緊日……被人炒日。」

CNN曾報道，美國不少老牌投資顧問丟了飯碗，一些甚至轉行由低做起。經紀鄧的反應是豪氣加晦氣：「轉行做低技術勞工？我都有諗過，到加拿大之後，最理想工作會係乜？我覺得最好就係朝九晚五，唔使用腦，人工好低都冇所謂。不過老婆鬧我，話就算係都唔好俾個仔知，費事到個仔冇晒上進心。」

一點安慰，是終於可以每天跟太太兒子吃早餐看電視，可以放下廿年來繃緊的肌肉：「買賣外匯生活好忙，個市氣氛會令人好緊張。我自從做經紀之後，成日咬，覺咬到條出血，呢個月冇做，先至咬少。」記者沒有問，如果可以選擇，經紀鄧，你寧願繼續咬還是拿單程機票告退？