港台e線金融網是最受歡迎的財經訪問節目，其中林森池及徐潤民先生是筆者較欣賞的兩位。林生目兩本著作出街後，去年廣為大眾歡迎，後因仍睇好的兩大愛股中國移動及中國人壽隨大市回落，屢次在網上被人抽水。徐生因在過去幾年睇好國企而廣為注目，其在網上著有「股票投資學」被視為投資股票的入門指南。
筆者是最近才在網上翻聽徐林二人的部份節目，覺得他們有別於拋資料拋數據的「數字派」財演，而是在分析的過程中點出投資的價值所在。比如林森池分析股票時，可以道出公司是以何種商業模式賺錢，比如何以中國人壽能在員工沒有大幅增長下卻大賣保險？原來是透過支付佣金予銀行，一來可增加一己的市場佔有率，二來亦減低銀行在混業經營下自行推出保險產品與自己爭生意。其實股票或上市公司的真正價值，並非P/E、NAV之類反應的冰冷數字，而是管理層如何在市場上透過競爭為股東賺錢。
徐生最近在節目中提出「十災論」，即是每次市場低位時買入，往往在未來有數以倍計的升幅，而目下的股市正是這種低點。筆者也提出過恆指P/E擺動買賣法，在12-14倍買入，在18-20倍賣出，也是可行的買賣模式。徐生連日強調買港股好過買中資股，亦是著眼於股價相對於價值。
筆者最欣賞徐生回答觀眾的方法，往往斬釘截鐵便能講出重點所在，比如「呢隻股無乜資產，唔好買」、「呢間公司真係唔識」、「買左就擺下喇！遲ｄ會升返」、「呢隻買咁多，不如賣一半買其他平野」，這些答案，其實是指出了分析股價的重點並不在數字，這些基本的價值問題，實非「數字派」價值投資者所能理解。
讀死書不如無書, 計死數不如無數
但不要忽略林森池先生最後做決定時還是要計清計楚的 看他兩本著作便能了解
[版主回覆08/03/2008 16:09:00]計數係重要，但計數之前要清楚計緊乜野公司，有ｄ公司一睇個管理層，或者商業模式，連計數的價值都無。
林sir的節目聽得多，反而徐先生的未聽過，多謝推介！
有如此功力的可數東尼, 已經將對公司的睇法簡單化
[版主回覆08/04/2008 07:58:00]亦有其他用這個方法分析股票，要分辦究竟是深入究竟的結果，還是順口開河，不過總好過只睇數字
http://share.ovi.com/channel/SHINGSHING.public try this, a gem in bear market.
想請教blog主
我是第一次投資大陸樓房,關於 碧桂园凤凰城 的
我早前睇好現價回落了不少,所以決定在8月3日下了訂買
但推銷員話我知要下訂前一個星期內比3成首期???
又話而家香港人通常要一次過比晒??
話而家係大陸做按揭會好困難??
而且佢話如果想要一次過比晒錢.
要一個月內比晒=,=
但係層樓都未起好!!話出年6月20日先交收!!!
係個推銷員推銷有問題或係地產商急於資金回籠,
定d咁既條款???煩惱中的我
[版主回覆08/05/2008 22:59:00]國內樓市我唔熟，但佢講好難上會係事實。而國內物業最重要係房產證，樓又未起好，又唔知有無房產證（雖然碧桂園係名牌），但係要比晒錢，我唔覺得值得咁冒風險。條款咁辣，咪唔好理佢囉！
買港股好過中資? 好多人都唔認同… 但如果睇返恒生一年的股價…便發現恒生仲升得多過939! 講真…我都想買貨…但好似冇乜目標咁… 林sir隻2628係我的目標…但始終覺得未敢買住… 市場信心的確唔多夠…
[版主回覆08/06/2008 12:44:00]選股是很個別性的，港股定中資，只係梗概的參考，仍然要睇每間公司的個別特性。恆生是典型的Forrest Gum故事，點解佢無次按，點解在海外行得咁慢，國內亦步步為營，係因為匯豐唔比佢作出內部競爭，資源唯有做本地樓按。中銀匯豐大恆生咁多，但做樓按的市佔率叮噹馬頭，可見其比重之大。
致BEN兄 與其睇定D, 何不分注 好像月供咁, 有閒錢更可選擇一個理想價, 隨時買幾手 市場太多走勢派的投資者/對沖炒家 2628的價錢已較合理, 基本業務合格 正是趁有人借故(A股下跌)推低股價時分段吸納 長綫2628應是又穩健又能跑贏大市的選擇
恆生的業務似乎增長力成疑 要買都係滙豐或渣打呢類國際性銀行
[版主回覆08/06/2008 12:50:00]恆生是極少數專注做香港的銀行，即如東亞亦因業務太分散，市傳佢分拆四份，結果顧此失彼。當然，有錢的話，可以每樣買ｄ，恆生及匯豐我有，渣打擔心印度業務，無諗過買。內銀股仍然是太貴了！
致脫兄 林SIR的分析確有可取之處 但其脫鈎論的確係錯誤 (至少2008年係失敗) 對2628的股價亦太樂觀 被市場狠狠打一巴係應該的
[版主回覆08/06/2008 12:58:00]平情而論，林森池的一套是中長線的分析，用作短期預測並不理想，以佢咁多年的股齡，亦係明知平買的可以等貴，貴一點買的亦可以更貴賣，不過可能已是下一浪的事情。佢叫人$28買2628，$90買中移動，直到現在都無錯，不過佢第二本書明明寫左泡沫論(p.131-133)，佢係話20,000仍屬安全水平(p.171)。當然，佢人在江湖，亦唔會去叫人睇淡，去年2007年10-11月恆指P/E22倍，即如筆者這些小腳色都知每次去到呢ｄ水平，都唔係入市機會，佢有乜可能唔知？
this is a signal to buy our lovely company shares. [新聞]內地專家料通脹續回落
(明報)8月6日 星期三 10:50
中國大陸多家機構預計，七月份消費者物價指數漲幅將回落至百分之六點五左右。
中國證券報報道，專家表示，未來CPI 漲幅雖個別月份有可能上揚，但總體將緩慢回落，生產者物價指數PPI 漲幅則將在高檔繼續維持一段時間。
報導引述中信證券首席宏觀經濟分析師諸建芳的話認為，七月CPI 漲幅將回落至百分之六點五。漲幅下降是因為食品價格漲幅回落，此外，由於去年同期 CPI漲幅已處於高位，與去年同期相比的翹尾因素也在減弱
[版主回覆08/06/2008 12:59:00]奧運後ｄ人就放手嫁肋！睇定ｄ先喇！
近九成基金经理认为市场已经步入熊市 2008年07月28日 05:51 中国证券报-中证网
上市公司业绩增长率下降成为基金经理共识，“抄底”意愿下降 □本报记者 余喆 北京报道 another signal ! yes I agree , I mean the time is coming and if cash flow is allowed we are time to become greedy!
[版主回覆08/06/2008 17:22:00]有些人說熊市的定義是高位下跌20%，比如今天多份報章有多人說商品價格跌了兩成，所以現在是「商品熊市」。
很多去年的龍頭股，股價由高位下跌超過一半，比如兩保、石油股、煤股之類。認為它們還要再大幅下跌的人，五折也認為貴，那麼希望在多少折出手？衡量股價還是看估值及前境，只用難以定義的「牛熊」作為指標，其實無乜用處。
即如筆者這些小腳色都知每次去到呢ｄ水平，都唔係入市機會
–> 脫兄的確打開天窗說亮話，小弟當時都走了所有中資股，只剩下HSBC 和宏利。小弟至今仍不明白為何林大師會大力唱好叫人入貨，不過現時入貨長持，即使不見底，亦跌不會太傷，總比當時好得多。
[版主回覆08/06/2008 17:32:00]同樣道理，即如今日恆指的P/E13.33X，國企的P/E15.81X，亦是連筆者這些小腳色都知道每去到呢ｄ水平，都唔係拋貨的時機。
http://main.hsi.com.hk/hsicom/table/DyFormA1.xls
對，來年的經濟已經不只是有隱憂，可以講是危機四伏，比如珠三角橫掃千軍式的倒閉潮，商品狂升後暴跌預示世界衰退，但不是這個背境，股市就不會跌，不跌亦沒有平貨執。
而一眾股票中，亦有很多不會被波及而估值很低，比如恆生扣除非經常性收益增長有兩成，息率是四厘；中資金融股大部份在20倍P/E以下；可是報章雜誌上介紹的是甚麼股票？咪又係工業股、零售股、礦產股等。
我有20 萬可 以點 投資 好
[版主回覆08/09/2008 17:47:00]我唔可以直接話你知點做，但可以講要避免買外幣及低息高P/E的股票，有些股票業績不受經濟盛衰影響，卻仍有三至五厘股息，適合長線投資。