有齊上下集──前人的智慧(2008/11/04)

所謂結構性產品,查實各有利弊,但人家推銷時,當然只會講上集,唔會講下集,七年前已經有人全面地分析利弊,又何曾見過有人在推銷時除了講「股票/基金價格可升可跌」以外的分析?

 

《每週財經動向》2001年6月17日

高息存款-與股票掛鉤票據(ELN)  高步昇

「與股票掛鉤的票據」(EQUITY-LINKED NOTE)是一種高息的定期存款,譬如說一位投資者有一百萬元,希望做這種定期存款收取較高的利息,他需要選取一種股票與之掛鉤,通常這些都是藍籌股及較熱門的股份,每一間銀行做的掛鉤股票略有不同,但匯豐、長實、和黃及中國移動則差不多每一間銀行都會做。

存款到期變成股票

假如這位投資者選擇匯豐,當時的市價為98元,行使價通常有8%至10%的折讓,這裡假設訂為90元,存款期由一兩個月至半年不等,又假設這位投資者存款期選兩個月,利率通常在8%以上(以年計)。到期之日,若當時匯豐的市價在行使價90元之上,投資者收回本金加上8%計算的兩個月利息;但如果市價跌得低於90元,投資者需以90元的價格將本金及利息全數換為匯豐股份。所以投資此類票據有數點值得留意:

(一)除非投資者心目中有某隻股份欲吸入,否則不宜考慮,因為必須顧及到期時收股票的可能性。反之,若閣下認為在某個價位不妨吸入某股,即使作長線投資亦無妨,即可選擇此種票據。到期時,股價若跌穿行使價則收股票,等於以低於市價8%至10%價位吸入股票,否則收回現金外加高息亦甚具吸引力。

(二)行使價與市價的折讓可與銀行協議,並無硬性規定,但折讓通常在8%至15%之間視乎那隻股票而定,下跌風險愈高自然折讓愈多,平均可用10%作為一個標準。

(三)利率亦因股票而異,如匯豐及恆生等穩健藍籌利率較低,但總有8%以上,波幅較大的股票如中信泰富及中國石油等,年利率可達15%至20%。

(四)有些銀行存款的期限只做一個月,但亦有長至半年者,每間銀行不同,所給予的利率亦略有差別。

(五)並不是每隻股票都可以做,例如某外資大銀行就只做匯豐、長實、和黃及中移動四種;另一間甚具規模的華資銀行則只做匯豐、長實、地鐵及恆生等數種股份,二打六股份免問。

(六)最低入場費通常為20萬元,以上述的外資大銀行則為100萬元,而且銀行需搭夠300萬元才能進行,譬如說閣下選取匯豐為掛鉤股票,如果只得100萬元,需該行儲足300萬元的盤才能做,因很可能亦有其它投資者欲選匯豐,但款項不足300萬元,當然這方面的工作由銀行去做。如果款項達300萬元則隨時可做。上述的華資銀行入場費較低,但要選取與恆生掛鉤,存款必須達500萬元。故此其中有不少細節必須詳細詢間有關銀行。

對於那些保本比增值更重要的投資者而言,不宜將資金全部投入同一類資產,因此若已持有不少股票則宜避開這類票據,以免到期時如要收取股票而形成持股大多,失去分散投資的目的。故若手上持有大量股票,宜考慮上期所介紹的高息外幣存款,勿將所有雞蛋放在同一個籃子裡。

投資此項票據目的如果只是要賺高息,宜訂半年期限,一方面因為如存一個月甚至二個月股價易受控制,到期時大莊家易控制是交股票還是現金給閣下。訂半年則任何大戶亦不敢肯定匯豐或長實做那十個價!對投資者「公平」得多。另一方面,只做一兩個月所收的利息有限,而且隨時會變成股票,十分吃虧。正因近年流行此類票據,港股的波幅才會如此凌厲,大戶操控股價,票據持有人是收現金還是股票相當大的決定權在其手上。

其實自美資大舉於九三年末季投入港股,已經有此類票據出現,初時只是基金及大、中戶的玩意,到最近才讓散戶參與。九四年之大跌市及今年首季股市瀉落都與大戶利用此類票據變相出貨大有關係,兩次都有不少票據持有人被逼收取股票,大戶則變相在高位沽了貨。光棍佬教仔:「便宜莫貪!」大銀行以8%至15%折讓再送上高息吸引存款戶,「邊度有柑大隻蛤醴隨街跳?」因此選擇買股票的時候十分重要。

4 thoughts on “有齊上下集──前人的智慧(2008/11/04)

  1. 小虎都是這書長期讀者,當年心思思想買ELN,就係睇左呢期,發覺風險唔唔自己,所以冇買,反而將這筆錢買了5仔以股代息揸到現在,算執番身彩……….
    本書執左都有D可惜,最後個期社論都幾真情,發人心醒,說股災不遠,叫讀者小心,但不竟班友都老晒,退休都好應該嘅!!
    [版主回覆11/04/2008 21:27:00]故紙堆中找到最後果三期,遲D揀出黎SCAN下

  2. 我仍保留了部分,可惜真知灼見難再尋,不過最後一期曾言︰當時機到會再出幾期以令各位入市呢!
    脫苦海兄︰不知我可有記錯?
    [版主回覆11/04/2008 23:32:00]鴻碩:「休息一年或兩年後,倘若有需要而復刊,讀者才會繼續支持。」
     
    賓加:「如果香港將來有特大問題發生,我地會儘可能出特刊,為大家分析或提供意見。筆者大約要休息兩年,處理好累積好多年未處理的私人事務,之後可能重出江湖。」

  3. 這雜誌我都睇咗好幾年, 本書當財經政治八卦書睇都好有娛樂性, 但當作投資參考就死得. 嚴格講佢哋好偏見, 特別對中國大陸, 只有輕視鄙視從未重視過, 所以佢哋從來唔會睇好紅籌國企股, 更唔會著重長線投資股票. 相反對美國就過度誇張美國能力. 好似先幾年老朱要改造國企四大銀行, 先要解決四大銀行呆壞帳問題, 佢哋就危言聳聽話國有銀行係人類史上最大金融黑洞, 殊不知老朱成功改造國有銀行並逐一上市. 到今年真係爆發人類史上最大金融黑洞, 不過唔係大陸呆壞帳而係美國金融衍生工具 ! 而大陸外匯儲備到7500億美元時, 賓加話大陸佬吹水作大, 點知外儲一路增加到今日接近已二萬億美元, 起碼持有美國國債同兩房債劵都成萬億美元, 哩萬億係真金白銀唔係吹水啦. 鴻碩於2006年已經開始話世界金融異常, 佢卻講唔出係咩原因, 只知係錢太多, 熱錢到處游走, 正係佢哋過早睇淡股市, 由萬六點已經睇淡, 足足一年多未睇好過, 指數上到二萬四時, 佢哋仲嘲笑話大陸佬以為自己有能力炒到三萬點. 到真係見三萬點時, 幸好佢哋已經結業, 唔係都唔知點兜. 可能由2006年一路睇衰股市站錯邊, 畀讀者炳到冇哂癮, 橫掂又搵到個錢, 索性退休好過. 不過佢哋睇香港班民主棍睇得好通, 另外佢哋睇六四事件又睇得好正確, 明知哩班人掛羊頭賣狗肉, 所以不斷去鋤班政棍, 睇得我好過癮. 所以我都長期捧佢哋場.

  4. 阿力兄講既我大部份都認同,但佢地講經濟股市方面既野係好啱俾個D對經濟股市冇乜認識同研究既人睇,可能救唔少無知投資者,好過睇財演雜誌.至於"哩班人掛羊頭賣狗肉, 所以不斷去鋤班政棍",係回歸後特別插得多,我都有一半原因睇呢D野而續買的,最過穩係後期幾個主筆你插我,我插你,真係過穩非常,
    [版主回覆11/08/2008 19:02:00]九七年前,該刊對中國極之樂觀,當初亦大大睇好董建華,覺今是而昨非

發表迴響