～透過「講心朱」高速公路，由粵西行到深圳只是較花時間及路橋費，如果用「講朱噢大橋」，路橋費已經係高人一等，如果在香港落貨就要局住用葵涌貴港，如果去鹽田赤灣根本上就係捉蟲！

～粵西本已有電白、湛江二港，加上使用量不足的高欄港，對於遠洋貨運進一步的需求根本不大，無必要過貴橋用貴碼頭。

～狐狸成日都話大嶼山西部係天下無敵的深水貨運港，唔該佢打開一張有深度的地圖，睇下鹽田港有幾深！而且珠江口一向有沙泥淤的問題，今日的深水港遲ｄ可能變成陸地！唔信可以過澳門睇下「乙水」仔路環之間個海（正確ｄ講係沼澤）去左邊度？反而鹽田港完全沒有泥沙問題。

～珠三角的出口製造業集中在東莞，而東莞的領導人魄力極大，已經建成常平物流園，大量招聘香港貨運業人才，不惜為佢地建住宅區低價賣比佢地，而東莞出海口雖然受河道泥沙影響，但貨櫃港經已上馬，遲早不用依賴香港甚至深圳！（相信若非東莞有咁的領導人，東莞一早就好似廣州佛山附近的縣市，變成一個區！請有份睇呢篇文的東莞人向東莞市歷任領導起立致敬！）

～有咁ｏ岩得咁橋，廣州市領導人又係魄力極大，老霍搞左十年都搞唔掂的南沙區，閒話一句就成為廣州市的外港及新工業區，省府已決定將舊城區的工業陸續搬去南沙，加埋原有的黃埔港，實在無理由任由他人建橋阻塞河口！

～中國入世後，很多必要經香港出口的貨品都可以直接由產地出口，遲ｄ連三通都搞掂埋，連呆胞都唔駛呆在香港，直接由高雄運貨到老鄉閩南或者上海可也！

～長三角的興起，使到市府的人意識到自力更新的重要性，其對於深圳及有「小台灣」之稱的東莞有極深刻的體會！就算香港唔係智障上台，省府都唔會依賴香港，何況現時入局會被連累呢！

～更重要的一點，狐狸反覆無定、前後矛盾的言論，已經被人睇穿係明明無錢，只係想拖兩地政府落水。明明省府已明言有興趣的投資者可以直接與省規劃廳聯絡，事後狐狸竟然可以在大氣電波中說是因為廣東省政府立場不明確所以未決定投資！佢可能以為廣東省睇唔到香港的新聞，定係認為省府諸公都係同某人一樣都係智障！我諗如果有人要求港府出一半錢，另一半由佢諗辦法，尿局長一定即刻應承！可惜對岸唔同政府傾，一定要同投資者傾，話唔定傾傾下變左蛇口淇澳大橋，一腳伸走智障老人！

總之做事一定要審時度勢，集合天時地利人和才進行，如果學著果ｄ見到稻草當係遊艇的遇溺智障人仕，肯定撞板多過食飯！正如大市開左支大陰燭，反而走去詢問有乜好股可買，一樣係遲早出事，手尾好長！