呢期最頂癮新聞，可以算是「地星小姐」選舉。「日頭行cat walk，夜晚陪老細，一位千五蚊，輕擲兩萬元。」呢ｄ事，過去所在多有喇！

「毛巾當披肩，掃帚當權杖，白紙摺皇冠，來發選美夢」？如果是女仕，自問或問下相熟朋友，有沒有玩過或見過小朋友玩過呢個遊戲？曾經有個調查，說青少年視娛圈中人為最嚮往的偶像，或視入娛樂圈為志願。

千百年以來，演員並不是社會地位特高的人，正所謂「婊子無情戲子無義」，「以色侍人，非利不合」。社會上人人只是看到個利字，讀得書就恨做醫生(例如某10A)、律師、會計師，讀唔得的，咪發下藝人夢囉！

選美活動，無論是乜乜小姐或者澳門或泰國的池邊選美本質沒有分別，只有包裝紙厚薄之別。Ｋ姐十多年前Ｖ字泳衣露出半球，今年Ｖ字褲露出唇形。又如十幾年前Ａ姐，後台被拍出「燕媽教女」，今年有女歌星被人拍到「扣聲巴影」，也是大同而小異。

當然，人人有選擇職業的自由，「職業無分貴賤」，但請清楚唔同行業有乜野要求。