絕對不是錯字 、別字、白字、食字，不是美猶樂園小朋友，而講一種新思潮，比所謂「丁克」(DINK : Double income, no kids)更進一步：視下一代為阻頭阻勢的讎寇。

 

片段一

護士抱一個嬰兒出來，男角腦旁即時浮現一個「唔見錢」的符號，然後第二個護士抱第二個嬰兒，第三個護士抱第三個嬰兒．．．男角終於倒在地上。

曰：人地一生二再生三，哭鬧上吊之後，咪五個入晒保良局

 

片段二

老男角狀甚興奮，拿著一張遊艇的相片，告訴中女角一個好消息：可以買遊艇鳥！中女角又說有一個好消息，出示一張超聲波胎兒照片，老男角即時仆倒在地上，即時浮現一個小孩子踏碎遊艇的影像。印刷媒介廣告的潛台詞：我唔想七十歲至退休！

曰：就算你40得子，70時個仔都30喇！既然隻遊艇重要過你個仔，你地唔會無錢北上墮胎掛？

 

片段三

香港代表說，「聽講」養大一個小孩子（約20年）要400萬（即是每個月要花HK$16,666.66，比

香港家庭住戶每月入息中位數HK$16,300

高），要儲呢一筆錢唔係咁易。

曰：呢位太太，你十兄弟姊妹排第八，一定屋企都好有錢下喎！

 

特首叫人生三個，作為人口政策的主調之一，偏偏社會許多人直接間接鼓勵「唔生」，盲目誇大撫養下一代的難度。香港某輩人講乜佢信乜的人，亦去人云亦云少生，甚至唔生。

既然自己的幸福大過下一代，咁上一代的幸福自然更渺小喇！上一代人自然無功無勞。杜牧《阿房宮賦》：「秦人不暇自哀，而後人哀之；後人哀之，而不鑑之，亦使後人而復哀後人也。 」