新一年開始，報章每多總結一年股市資料彙編，筆者昨天看到這兩個有趣的資料：改名的公司、合併拆細的公司。
改名的公司分幾類：
※改行所以改名：228, 910, 1129, 8155, 276, 269, 8090, 8089, 648, 182, 850, 8011, 681, 139, 2362, 1198
※無改行又改名：230, 1083, 395, 8029, 362, 8130, 1227, 628, 199, 8186, 578, 736
※改完等如無改：456, 619, 36, 506, 508, 366, 835, 413, 1072, 66, 711
個別例子真係改得神來之筆，事緣有網友問一隻「美聯工商舖」，咦？乜美聯置業有分拆過業務咩？一查原來係一間網站公司改名而成，咁第二時有間公司改名做「股海金融窮庭地產發展控股有限公司」都唔出奇。湖南有個人名叫「趙Ｃ」不獲發身份證，偏偏就有間公司叫「變靚Ｄ」。
改名一絕的筆者會選「新世界數碼」→「蒙古能源」，「東成控股」→「中國新能源」，及「寶訊科技」→「中國鐵路貨運」，如果筆者大把錢真係有衝動去買呢Ｄ股票，嘩！買張貼在門口都夠威喇！
最令人納悶的公司，就係改完都唔知佢為乜去改，如「遠東科技」→「遠東控股」，之前的名叫做「遠東投資」，前一個號碼叫「遠東地產」，後一個號碼叫「遠東酒店」，好耐之前仲有一間叫做「遠東銀行」，再改名做「第一太銀」，然後被東亞銀行收購，最頂癮係成堆「遠東」都係某家族持有，但呢幾間公司之間點分工呢？天知，地知，邱知，你唔知我唔知！
合併拆細，如有需要係無可厚非，如匯豐以前因為股價低於$7.8（一蚊美金）被海外基金叫做Penny Stock所以四合一，然後股價升十幾倍夠大就一拆三，咁人地有革命需要，你咪理！但係有ｄ公司又為乜合併及拆細呢？求期搵一間，727現價大約八九毫，即係未拆之前係$16-$18，有乜野實際需要拆20咁多呢？都未夠離奇，380一拆50，梗係因為股價太高阻住地球轉，拆完之後係幾多錢呢？現在大約係七八仙，即係未拆之前的$3.5-$4.0。
合併就容易令人理解得多，例如254現價係七八毫，即未合併前的$0.007-$0.008，唔合併大股東又點樣執平貨呢？可能因為個市大方向係升，所以今年合得最勁都只係50合1，前幾年經常有100合1、400合1，甚至1000合1：
400合1：http://finance.sina.com.hk/cgi-bin/cal/indiv.cgi?type=k&year=2003&month=8
250合1：http://finance.sina.com.hk/cgi-bin/cal/indiv.cgi?type=k&year=2004&month=12
1000合1：http://finance.sina.com.hk/cgi-bin/cal/indiv.cgi?type=k&year=2006&month=10
「勁夾」有乜野結果？去片！
合併拆細未必係整古造怪喎……
[版主回覆01/04/2008 14:30:00]內文未寫，好多時合併都係玩野
希望脫兄你得閒可以講下 d 股仔既故事，等我地 d 後輩學下野﹗ 另，脫兄有冇睇過變靚 d 呢間公司？真正變怪 d 喎﹗
呢d 例子其實可以提醒投資者，唔好單憑公司名稱就決定其行業，以及作出投資決定‥ 做投資者，還是要勤勤力力，多d 睇年報公告‥
[版主回覆01/12/2008 18:00:00]好多公司其實無乜研究價值
脫苦海先生，我已經是你的博客的忠實讀者已有幾年，但是你對美聯工商舖有點誤解。 這家公司原為創業板殼王”龐維新”所擁有，早期他把豐裕興業上市，編號八零三六，後來售出此股，之後又把EVI 教育上市，即現在的美聯工商舖，在二零零五年，美聯透過認購四十三億新股成為大股東 詳細請看此公告： http://gem.ednews.hk/listedco/listconews/gem/20050127/GLN20050127005_C.pdf 其後出售其主營業務： http://gem.ednews.hk/listedco/listconews/gem/20061103/GLN20061103005_C.pdf 美聯於上年四月注入其工商鋪業務，作價六點四億，其中一億現金及五億四千萬可換股票據： http://gem.ednews.hk/listedco/listconews/gem/20070402/GLN20070402022_C.pdf 成功注入其工商舖業務改成現名： http://gem.ednews.hk/listedco/listconews/gem/20070711/GLN20070711027_C.pdf 請脫苦海先生垂注。 此外，龐維新前排入股豐盛創意成大股東，此股後來收購田生集團，成為現在的田生集團，之前又入股環球工程，環球工程亦有一拆二十之舉，前一陣子，一手價值接近十萬元，此幾股亦可留意其所為。
[版主回覆01/13/2008 21:08:00]多謝你的資料，美聯工商舖係典型的「借屍還魂」式上市方法，只係筆者唔明白，為何美聯不去直接分拆業務，或申請上市，而去用這個方式出售工商舖業務？
田生集團最近經常在電視廣告出現，似乎是一間收購樓釘的公司，但上網睇又好似係賣皮袋的。龐維新有個細佬叫龐維仁，八卦周刊常客，據稱曾追求「被稱香江第一美人」，龐維新自己又係仁愛堂主席。呢種生意人，我唔知佢地有幾多時間放在公司。
筆者自九七後已經沒有炒股仔，呢類公司的零碎動態也很少跟進。你這種跟進的精神更值得學習。
變靚D前身是彩虹國際，是一家化品公司，屬於大零，素字國際一系，大樹既倒，其也不能倖免，停牌多時，由燒才子一系挽救，終復牌成功，現成一家騙錢為主業，炒樓為副業，美容為包裝的公司。
還有七易七這家幾年內緩慢上升二十倍，此股貨源好疏，拆股後，看來也像聯合系一樣啦。
所以我說龐先生是創業板殼王，他是靠買賣殼股賺錢的，另外一個創業板殼聖是徐秉辰，兩個人炒的方法差唔多，他先低價入股嘉利盈，在高價沽出，現在他又入股訊通控股(8082)，看來又有搞作了。 美聯不分拆上市的原因好簡單，根本就是為了借殼舖路，.先真金白銀拿出一億多一點左右入股EVI(43億股，每股0.025)，然後借注入工商舖業務拿回一億現金，所以只是用幾百萬了這個殼，另外之前這四十多億股以低價入股的因其注資，股票市值已上升三至四倍，又賺幾億，之後注資又拿一堆股票，這堆股票幾錢已不太重要，因為這個業務根本是由零開始而已。 上市要搞一大堆程序，花的錢更多，但現在又能低價拿殼，又能賺一筆錢，自己公司得益，母公司大賺錢又能上升，原大股東又能以高價賣出大量股票(原來是一個垃圾公司)，真是一舉三得。
[版主回覆01/15/2008 23:19:00]你寫得很好，香港傳媒驚得罪大老細，唔會將真相講比讀者知，只有我地呢ｄ博客先會講呢ｄ野。