互聯網是一個激發創意的地方，一個謠言經過三年幾四年，可以搞左咁多野出黎。
http://evchk.wikia.com/wiki/%E5%AE%B6%E5%A7%90%E8%A2%AB%E7%82%92%E6%BD%AE%E6%96%87
其中最好笑的版本：
關羽版
| “ |
我家姐一路都在太古市集一間武器店做sales 咁多年黎我家姐好少俾人投訴 過左個幾星期，佢又再去間店行 咁關羽就發老脾，鬧到我家姐一面屁 跟住關羽就走左人，家姐就同掌櫃備案 過左兩日佢接到掌櫃話收到complaint 又過幾日，關羽又黎 根住關羽就玩野，試刀，但話d刀俾其他人試過污糟 之後連收兩封warning letter |
《家姐被炒潮文》可算是香港網絡文化界玩法最多、持久力最強的惡搞潮文之一。
潮文流傳初期，網民多扮作有料爆的姿態去張貼此文章，故標題多為《關心妍估唔到佢真人係咁》、《關心妍真人真事？》、《睇完呢篇野之後，你就會覺得關心妍唔係好人》等。
到了後期，由於網民已對此文章感到煩厭和有所警惕，故惡作劇者(多為高登人等網民)便在文章或標題上花盡心思，務求欺騙其他網民觀看。方法有以下數種：
- 用一個與潮文無關的標題，再先寫一段認真的分享，卻突然銜接至潮文，如：帖子的標題為《我失戀了》，內容為「我今日失戀了，18年既感情，我好唔捨得…..她跟我分手的原因係她家庭經濟有問題，我家姐一路都在太古廣場一間名牌做sales……」。
- 把潮文改頭換面：如把關心妍變成其他人，事件角色對調 (家姐係衰人，關心妍被人炒)、結局改變(家姐升職)等。
- 利用高登人喜看圖的心理而將題目名為《我家姐比人累死(有圖)》等。
- 發現高登人已對「家姐」一詞有所警惕後，便把題目改成風馬牛不相及的名字，如：《唉…今日好唔開心…》、《巴士阿叔再度發功 地鐵屌鳩乘客》([1])、《尋日同BF去完旅行返黎，一返到屋企。。。》([2])。
- 故弄玄虛，標題是指責潮文，但內容為張貼潮文，如：《屌那星點解今晚咁撚多家姐潮文》[3]、《(學術) 點先可以有效杜絕潮文出現?》[4]。
- 因故弄玄虛玩得太多，所以虛則實之，實則虛之，標題為《我家姐一路都在太古廣場一間名牌做sales……》、《家姐潮文勿進》等，有時內容的確是潮文，但有時內容卻不是潮文。