Tracy列傳出到第三集，女主角決定轉工搏一搏，寧願試下有無運行。

有人講左句「要怨就個遊戲，唔好怨玩家」(hate the game and dun hate the player)，雖然唔係好O岩聽，其實好多時係事實：「你可以唔黐埋黎，黐埋黎就要做要影，你自己考慮清楚，唔鍾意可以行開。」一如前述，明知新公司辦公室政治更勁，就應該勇於面對，到時唔好怨間公司又無前途又多政治，當係洗牌重頭玩過亦無不可。

可惜筆者直覺這類不知自己想甚麼要甚麼的人，永遠都不會取捨，永遠都不會衡量，只希望在有限的條件之下，去囉超出條件的東西。預科經濟都有教，資源就是那麼多，多了槍炮就少了牛油，從來只有兩樣都不足達不到frontier，沒有可能兩樣都多。

為甚麼某些地方會較多辦公室政治，而有些地方會較少？人多的地方多政治，利益多的地方也會多政治。中小企業員工單位數字，每月要為公司生存掙扎，老細話得晒事又點會容許屬下搞政治？大企業，大機構，買影印紙訂蒸餾水都可能萬萬聲，分工精細農村剩餘勞動力又多，搞政治唔係無聊過日晨，而係出於實際的利益爭奪。你唔去爭，咪比人搶晒ｄ資源囉！咪要做最難做最無功勞的功夫囉！

如果呢位Tracy小姐講的句句實話，佢真係好討厭辦公室政治，但係又想前途無限，恐怕佢正行入死胡同。要有事業有前途，又希望老細信任，咁佢可以提供乜野服務？打字快ｄ？聽電話有禮貌ｄ？「政治能力」實際上是辦公室生存條件之餘，亦是一名下屬對老細的價值之一。你又幫唔到老細收風，又搞唔掂敵對集團，細果ｄ又唔聽你話，老細信你ｄ乜？

集集有線樓盤傳真，都有ｄ人又唔出得起錢，又吹毛求疵比黎比去，最後都係買唔成租唔成，你話係乜野原因？