Written by 脫翁（脫苦海）

數字是第四步──揀股之道(2010/08/31)

http://www.talk-global.info/viewthread.php?tid=11718&page=1#pid127254

揀股票，第一步就係管理層，第二步係商業模式及市場結構，第三步才去講甚麼策略管理之類，到最後才是去計估值，點解ｄ人硬係要本未倒置？


投資（包括買股票、買樓，或者做一盤生意），最重要的部份都係難以量化的。

舉個例子，你將投資的股票收窄到香港地產股，你只係計第四點，分分鐘就係買左麗新、華置、百利保，甚至永義。但你問我，只會睇12、16、83，連1同17都唔會睇。

咁你可能會話，上市公司數目一千間以上，行業是一百個以上，每行可能有5-10間公司，邊得閒睇得晒？

原則上你對某個行業好熟悉，才談得上去研究及投資，所以脫苦海就睇地產，市場先生同Cory就睇金融股，會計仔就製造業公司。

等我開個問題考考你：邊一隻服裝股最好？
答案就係永遠沒有答案。

14 thoughts on “數字是第四步──揀股之道(2010/08/31)”

  1. 先唔講點樣投資, 就講一些財經演員教人地止蝕. 好多時都聽到話如果買入一隻股票後跌15%就要止蝕?? 但每個人買入價都唔同, 點可以咁粗梳話買入價跌15% 止蝕? 例如B君在40元買匯豐. 都要跌15%就要止蝕? 結果是B君在34元止蝕, 之後匯豐反覆升到差不多100元. 咁樣用買入價跌15%止蝕, 合理嗎?
    [版主回覆08/31/2010 07:37:00]佢地的想法係：買入後升10%止賺，跌10%後止蝕之類，咁樣先至多佣金麻！

    回覆

  2. 脫兄，咁樣又未必全面
    好似中策咁，又柯大俠又馬時亨，單睇管理層都好似好勁吧
    但實際上又係隻殼股
    [版主回覆08/31/2010 22:46:00]筆者所講的，並不是能力，而是究竟他們與股東玩緊正和遊戲，還是零和遊戲。

    回覆

  3. To: 傑斯仔 講起馬時亨當年話股價低過0.5 要除牌. 好多股單日跌9成, 跟住補獲話什麼(唔太記得內容). 第日好多股又升返9成. 有記者問佢佢話無問題吖. 之前跌9成, 今日又升返9成. 無分別. 10元跌9成係1元, 由1元升9成係1.9 點會無影响呀! 見佢重笑淫淫真係想大巴大巴. 重信呢種人就撞頭埋牆無人救到你.
    [版主回覆08/31/2010 22:48:00]打工叻的人好多時都唔係好的管理層，如張永霖、盧永仁。

    回覆

  4. 好既管理層﹐應該集中精神做好本業﹐唔好成日掛住玩財技﹐除非本業係金融。馬生同埋柯生﹐在本地可能出名﹐但跟世界一流公司管理層比較﹐未入流。
    [版主回覆08/31/2010 22:48:00]玩財技的原因，就係交唔出貨，又要有野交。

    回覆

  5. 之但係管理層既好壞又係靠睇年報入面既財務數據先知道… 市場結構又係需要財務數據去引證自己睇法。
    估值就係當發現係好公司，值得投資，才開始估值。估值又係要睇財務數據。
    要了解財務數據最終都係要好了解公司個業務模式。真係非一般人可做到…
    [版主回覆08/31/2010 22:35:00]如果管理層是有問題的話，財務數據都係假，例如某地產集團，居然可以在如此市況下由盈轉虧，又唔知想搞乜野關連交易，將物業同現金搬翻屋企。

    回覆

  6. 2628是否有好既管理層,可否長揸,
    [版主回覆08/31/2010 22:33:00]國壽最主要的重點是在國內保險業的壟斷地位，可以長渣，但要候低才值得入，最近跌破了中期支持位，恐怕有一段時間跌。

    回覆

  7. (Empty)
    [版主回覆08/31/2010 23:56:00]《投資指南》都係時候寫ｄ野

    回覆

  8. 講起盧永仁, 記得好多年前 (可能有15年前吧) 係佢在CITIBANK 開始攪網上銀行. 個陣覺得佢好醒好有腦. 幫公司慳唔小. 到後來佢自己出來看生意, (唔記得邊間, 個陣有上市的, 好彩無買佢股票) 但最終無左間公司. 有些人啱做老細, 有些人只啱做打工. (當然唔一定係佢能力問題). 成功除左能力還要有運.
    [版主回覆09/01/2010 19:12:00]祐威

    回覆

  9. 8月31日又話賣九龍塘地成績好, 地產商睇好後市. D代理又係咁講叫人快D買樓. 諗真人地地產商有能力楂幾年, 100億一年都唔知使唔使1億利息支出, 班蟻民又去跟? 唔係啩? 人地包裝下靚D, 每個單位賣5000 萬, 賣2個都夠一年利息支出啦. D利息係你比又唔係地產商比. 使唔使咁HIGH!
    [版主回覆09/01/2010 19:13:00]果塊地，連埋建築成本，都唔係二十億

    回覆

  10. 股票投資必先談估值，如果現股價相對合理價無重大折讓既話，管理層幾好，生意前景幾輝煌都唔值得買入! ^o^!
    [版主回覆09/01/2010 19:14:00]呢ｄ係先定後的問題，好多劣股條數都好似好靚，而且往往估值亦低，只係大多數人不知內情

    回覆

  11. 當然係管理層行先. 比你搵到個高增長行業, 點知搵左8號仔…
    [版主回覆09/01/2010 19:17:00]仲有好多單位數字P/E股票，往往係無底深潭

    回覆

  12. 小弟常看你的BLOG,覺得脫兄的分析比較客觀! 脫兄是否覺得股市短,中期會跑贏樓市所以過來走走看呢?
    [版主回覆09/01/2010 22:26:00]人無千日好，花無百日紅，樓市行到呢個水平，現在至黎入市，不如睇下股市。

    回覆

  14. 其實選擇股票是很困難的.第1身為少少少股東根本不知大股東和管理層在做甚麼,第2市場的資訊根本不流通.第3本金有限,很多大股要上萬才有一手,要止血係好painful既,溝貨都係溝得好少…反而對住D細股,只要是做正行的便不用太worry而且可能隨時有chance炒上.這樣可能只有微利,但有恆心總會可以儲夠本錢買大股=]

    回覆

發表迴響