佢地唔係比打，比人鬧，亦唔係單獨留嚮屋企缺乏照顧，相反，養飼場把牠們好好地供養起來，餐餐大魚大肉，有時甚至比一ｄ營養素，例如CEPA、自由行、人民幣結算中心等等，好使黑熊膽汁充盈。飼養場亦唔係將佢地斬手斬腳囉佢地的熊掌，亦唔係剝佢地層皮，有時甚至仲送一ｄ實質的禮物，例如河套地咁，又或者用精鋼打造一個安全的籠比佢住，比如起條橋去珠海，又或者起條平衡深廣鐵路的區域快線呢ｄ玩具比黑熊威威，做咁多野，點解隻黑熊仲咁樣？

原來，養飼場養黑熊，係為左佢地的膽汁，據講場主有病，要用呢ｄ膽汁造藥，偏生自己無法製造，咪唯有在黑熊身上插一條管，一點一滴地放佢ｄ膽汁造藥，既然對隻黑熊樣樣周到，無理由隻熊會咁抗拒？

其實，香港就像這些黑熊，人地精心供養你，一樣一樣著數政策咁比你，並不完全出於愛香港人，而係唔想玩死黑熊無膽汁羅。CEPA？根據世貿原則，遲早都要全面開放市場，做生意的佈處十年八載，比早你三四年又有乜分別？自由行？放一堆國內人做下買賣就有益香港，咁香港仲要海關同入境政策黎做乜野？好似深圳二線咁取消佢囉！深圳經濟、市容、治安立桿見影喇！人民幣結算中心？全中國只有港澳有一個硬貨幣市場，要同國際金融業接軌一係就經澳門的賭桌上，一係就經香港的金融體系，完全睇唔到有第四條路行。第三條路係台北市，人地際嗎？扶上海做中國金融中心？叫佢顧掂自己先喇！

當然，有一少部份人好清醒發生緊乜事，但更多人係出於無知或刻意妖言惑眾，將黑熊的飼料、營養素說成是「恩賜」。中央對港青眼有加，老不死為港人向北京爭取福利。中國大型企業不在上海深圳上市，也不在國外上市，特別眷顧香港人，係都要抽你ｄ膽汁！因為好似國內果ｄ巨無霸企業，只要一兩隻在上海或深圳抽膽汁，隻熊分分鐘即時膽盡熊亡；外國股市咁易批准呢類只係較「創作小說股」好少少的公司上市嗎？野生熊咁易比你抽膽汁嗎？

明乎此，香港人應知所行止，點解在不斷被抽膽汁之下生存下去。明知新股上市水份甚高就要見好即收，明知今日深圳明日香港就要用北上警戎級別出街，小心寶藥黨，扑頭黨，色誘港人黨，佢地亦有股市出現。最令人發笑的「息誘港人」事件發生在不久之前，某種花大戶竟然夠膽死借錢黎派息比股東！自欺欺人到咁的情況，咪話唔大開眼界。

不過，耐唔耐見人厚顏無恥在電視上自吹為香港人爭取左好多飼料、營養素，將抽膽汁解釋為「愛」的表演，真係想打爛個電視機！