呢期話題當然不離股市爆晒缸，恆指由高位插左成千點，市面上除了很多人自我安慰為「震倉」、「健康調整」、「襯機執平貨」之類外，有些人就會想找原因。

股市唔係實驗室，無得做control experiment，以便分辨甚麼原因導致升定跌，如果話利率升搞到股市跌，由2003年開始利率一路升個市一路升；賴石油同原材料升又係齊步上升；賴埋美匯之類亦是十分搞笑的。個人就無乜興趣浪費時間去做沒有結果的事。

股市是人類集體行為的反映，人類的思想、行為，彷彿大約在三千年左右前達致成熟，中國有諸子百家，西方有希臘哲人及耶穌，印度有釋迦牟尼，留下的著作已經描述了人類九成以上的行為模式，講得難聽就是「人類的思想行為，千百年來一點進步也沒有」。因此透過觀察人類過去的行為，我們便可以作出一些預測。

究竟有那些訊號顯示股市迫近見頂呢？筆者的經驗便觀察到這些情況：
§　抽新股必賺，人人抽，「一人一手」
§　概念行頭，誇大反映
§　排隊輪申請表
§　有人兜售申請表
§　恆指P/E接近22倍
§　銀行報價機迫滿人

科網時代來臨，當然要搵一些網上的資料，筆者根據3home.finance 及 usenet.Value-Investment 兩個新聞組每天出post數目作統計，數據由2004年9月開始，顯示出「網上股市人氣指數」，或稱為「大球場指數」（見圖）。大家可以參考一下恆指（紅線）與人氣（黃色區域）的關係。