做IT是一個消耗性極大的行業，年過三十幾已經好困難咁做落去，到四十根本就追唔上，例如我阿叔在八十年代是某美國電腦公司的高層，後來呢間公司結業，佢唯有轉行搞生意。在消耗性行業除非做左管理層，搵後路的思想是正確的。
不過做金融也是消耗性行業，否則我一早做左。我由1988年入股壇，在電視、報章見到都唔知轉左幾多代人。做金同外匯的陳新燊、做基金的蔡光華之類，當年報紙日日有文出，如今安在？林森池寫書、香植球無死到，仲有邊個記得佢地？今日見到的財經演員，五至十年會唔見晒。
股票經紀更加無得做
http://www.tokuhon.org/mhv/forum/viewtopic.php?t=4228
除了公務員之外，消耗性較低的行業有如下特徵：
～不會對體力及腦力有重大的透支（例如要經常涯夜、公幹出埠）
～競爭相對少，進入門檻較高
～要求個人特質（如人際關係技巧）較多於技術知識，不易被科技取代
～替代性較低，不容易找到代用品
～薪酬較平穩，少有大上落
我現在是做一個消耗性較低的職位，可以做工作以外的其他野，如果我係做金融業，收入可能是現在的兩三倍，但投入可能是十倍，我不想要一個這樣的人生。
大家諗一諗，比本電話簿你連續打幾個鐘頭不斷被人拒絕，或者要加入一些會面矇矇咁去識人，人地一睇你個咭片就防住你，為的只係搵多可能一倍的人工，你喜愛做的事完全同你無關，你又希唔希望有一個咁的人生？
偏偏有ｄ人係幾萬一個月唔夠駛，十幾萬一個月又唔夠駛，過百幾萬一個月都唔夠駛。好似中產日報耐唔耐講某行業，工作壓力大，做到兩眼發黑像條死魚，搞到要購物減壓一款裙買五條全部唔著。咦？明明呢行可以半薪半職，半份人工多過我全份，可以編更編到一個星期有一兩日唔駛返，要返都只係返半晝，我有朋友一供完樓就半職半薪，佢幾好呀！噢！報紙話原來有ｄ人九七時五百萬買左一層樓，仔女一定要讀國際學校及留學外國，件衫個袋無個牌唔用得。「中產」階級追求富豪生活，人工少個崩都唔得，咁，繼續過搾汁機碎肉機生活囉！
我想我是在同輩中收入較低，但我並不會比他們的快樂少，甚至可能擁有的比他們當中部份人多。ｄ人睇到我的咭片，好多人都會好好奇去了解我做乜，了解之後仲會留住有事時使用，如果我果張咭片是保險或者財務顧問之類，人地會點對我？
我們追求的是「人生」，人人都只係得果幾十年，點樣令個過程適合自己，少ｄ痛苦，多ｄ美好回憶，偏偏好多人都背道而馳。與其幻想自己可以四十歲渣遊艇環遊世界，不如搵一份自己願意做到死的工，生個仔，準時放工弄兒為樂。
P.S.請知道我做乜工作的朋友保守秘密
我唔多贊成IT是消耗性極大的行業, 無人叫你40 歲重寫code, IT 是服務性行業, 其實在外國, 50歲重寫code的programmer 一樣可以生活愉快. 是香港獨特的IT, 無人鍾意寫code, 要做managment , 或者是IT 人要揹quota..
IT在国外已经是养老行业, 我上次参加一个IT会议, 大部分人都是超过40
几乎见不到2X的人
我都唔多贊成IT消耗性行業，你對得個system , 經驗就係咁累積反黎..
到而家仲係有人寫cobol 同講呢o的人..