一篇文章，導致網上一天開兩次片：

時代      D07 明報     陳婉嫻      2006-10-06
嫻言閒語
人工不加反減

近一年來，經常有報章報道某些行業加薪留人，看起來好像香港打工仔女光明一片。但統計處公布工資率(不計經理級與專業僱員的薪酬)，顯示基層員工的薪酬卻是每愈下。

統計處資料顯示，以名義工資指數計算，今年六月份平均工資率較上年同期上升了1.1%。但在扣除甲類消費物價指數之後，工資較去年六月還要下跌了0.7%。

甲類消費物價指數反映基層住戶的開支模式。簡單來說，基層的收入，根本追不上基層消費的通脹，也就是說人工不加反減。當中減幅最厲害的是運輸服務業，實質工資率減少3.6%。香港沒有生產大量製成品，因而影響貨運，運輸業只能與鐵路、巴士和小巴爭客，的士就和客貨車爭客，粥少僧多，司機收入自然少。無怪乎運輸業的爭論不息。

金融、保險、地產、商用服務業，過去半年不斷吹噓如何缺乏人才，如何高薪請人、加薪留人等，但受惠的只有專業人士，統計署資料顯示，業內基層員工的實質工資增加只有0.1%。為何加幅是這樣少？這就是工資兩極化的表現。管理及專業人員受惠於經濟市道好轉，但是基層的勞工一點也分享不到經濟成果。以前產業結構均衡，沒有大型企業壟斷，基層勞工從事製造業，或者搞小生意，只要市道好，有錢是大家一齊賺，但現時產業結構失衡，小商小販又欠缺生存空間，打工仔女只有被大企業壓迫和剝削的份兒，經濟好只造就富者愈富，貧者不會受惠。貧富愈益兩極化，我們政府是否還繼續袖手旁觀？

我記得小學時學校要用英文寫「我的志願」，結果我寫左”worker”，因為小學生唔識得幾多個英文字，又唔想寫doctor、teacher之類咁老土，小學生生活圈子上能夠接觸到的「工作」，可能仲有driver、actor之類，寫worker就最中性，咁worker工作係做乜呢？小學生鬼知咩！其道理正如電視編劇寫黎寫去都係警察、黑社會、醫生、律師、教師之類，其他人做乜工作，鬼知咩！

讀左十幾年書，做左十幾年野，知道社會是動態發展，對社會任何靜態的觀察只會流於表面及片面。點解幾十年前有漁農友會，之後有工會，又之後有專業團體？就係因為社會的生產模式不斷改變，只有走到社會較前端的工作人士，才有可能享受到社會發展及繁榮的結果。

當中國最近開始出現城市人口多於鄉村人口，即是超過一半人口住在城市（先不論城市的定義，及城市內人口究竟做一些甚麼工作），而香港在過去廿年來製造業人口減少了一百萬，未來展望香港經濟的增長部份主要在那裏？官方的講法香港經濟四大支柱是「金融業」、「貿易及物流業」、「旅遊業」和「工商業支援及專業服務業」。2002年香港經濟的四大支柱行業合計， 增值額達6,410 億元， 佔本地生產總值53.2%； 提供的職位共有1 420 000 個， 佔總就業人數44.0%。趨勢上比重是有增無減。

工會領袖，是沒有可能不知道社會的發展趨勢，從上引文中，佢指出運輸服務業出現實質減薪（即相對於名義增幅），所以的士要同客貨車紥馬，巴士司機要接受3%增薪；受惠的只有專業人仕、管理及專業人員，基層勞工一點也分享不到。工資兩極化、企業壟斷、產業結構失衡、壓迫和剝削、貧富兩極化之類，我沒有好氣爭論是否屬實，就同情地了解為真。正如我一向所講，無論你用乜野美麗詞藻去形容一樣野，實然就是實然，應然只存於各人的心中，人人都有自己「應該」的世界，但無論點想法，都唔會成為現實。正如我希望人人都中六合彩頭獎，只要買就人人中六千萬，樹生不出天跌不下，想又如何？

蛋糕有餅底、蛋心、忌廉、櫻桃，如果想成舊蛋糕同質化，結果一係成舊都係蛋心，或者將成個餅打碎，結果似乜野樣？社會結構可以短暫地被人為地扭曲成人人「平等」，但人的個別差異就好似浪淘沙一樣，越大粒越有機會留低。我們作為個人，能夠做的只是盡自己的能力爭取較高的社會經濟地位(socio-economic status呢一句社會學罐頭名詞)，對於現況欠理想的人，除了寄予同情之外，可以指路佢行，行唔行到各自修行。任何他人以力量將一群人提升，結果是另一群人跌落去填補佢個位，唔係邊個洗廁所執垃圾？有人講得好o岩，鼓勵人創業做老闆，咁誰人會打工？放一萬個心，總有一些人，中左六合彩幾年後都係一貧如洗。

工會領袖會唔會唔明白呢個道理？佢話唔明我都唔會信喇！人人都有維護一己利益的傾向，沒有人會在自己的飯碗上撒尿，要撒就撒在別人的飯碗上，或者佢根本就唔想要呢一碗飯，香港唔係有某一個領證工會領袖咁樣咩！

P.S.最後，不能不提這名句：「這個世上只有6%的人可以得到幸福，擁有權勢與財富。」──阿部律真矢《女王的教室》