今日在網上看到一句正到無朋友的金句，可以概括香港部份人的心態：原來我錯，都係因為你唔o岩！遠者不論，就以有女童自行北上遊玩，有人批評入境處點解可以比佢過關。根據基本法，香港人有出入境自由，小朋友應該都係香港人掛？咁入境處又有乜野權力阻止一個香港人出境？或者講，呢個係未成年小朋友，應該用特殊處理方法。如果入境處要求所有18歲以下人仕出境都要填「生死狀」，咁又有無人嫌麻煩，甚至抗議阻礙佢地的出入境自由呢？

講到尾，又係香港人常犯的拒絕負責任，以及諉過於人的陋習。

兒子兼職麥記家長怨工時長

有家長反映，其15歲兒子在麥當勞快餐店當兼職，每日工作時間超過10小時，令兒子學業受影響，質疑有關工作安排是否有問題。勞工處表示，現時本港《僱傭條例》只規限15歲以下兒童及15至18歲從事工業工作青年的工時，其他從事非工業工作青年則如成年人一樣，工時未受限制。

工作至凌晨一時

讀者區太稱，其兒子15歲多，仍就讀初中，早前他在西環一家麥當勞當兼職樓面，她發現兒子不用上學時，工作時間特長，試過由下午2時一直工作至凌晨1時，深宵才返家，令她甚不滿，「以為佢只會做幾個鐘，都仲有時間溫習，點知成日去返工；我曾經親自同個經理講，點知結果都係一樣。佢地仲細，仍然讀緊書，要佢半夜三更放工，真係好唔放心，就算個細路肯，麥當勞都唔應該俾佢做。」

麥當勞回覆，該公司在招募及僱傭事宜上，均依循本港勞工條例。對於區太的意見，該公司已即時處理，並更改了其兒子的工作時間表，而其兒子對此更改也表示同意。

檔案編號：0430021

 

話你知：法例規管兒童工時

勞工處發言人稱，根據《僱傭條例》，「兒童」指年齡未滿15歲的人士，「青年」指年滿15歲但未滿18歲的人士。現時本港法例只規限兒童以及從事工業工作青年的工作時間，至於從事其他非工業工作的青年，則與成年人一樣，其工作時間並未受法例管制，只要勞資雙方同意即可。詳請可致電勞工處熱線：27171771