今天多份報章以「細價股股災」為題，報導多隻股份以「插水式」下跌，有專欄說多個讀者買了「雞股」在下跌50%才止蝕，為甚麼不將止蝕盤定在10-20%云。以下是由上周五至昨天十大下跌股票資料，大家可看看慘況如何。
大家會發覺一天之內可以有幾成跌幅，而成交股數可以少至9000股，較多也只是幾十萬股，如以毫子股或仙股計，只係幾千至幾十萬，即使事前定了止蝕盤，又是否可以執行到呢？
網上新聞組有網友看這現象，問了一個值得深思的問題：
點解會有細價股災
係真係大戶做定散戶自己淆底 ?
大戶之前買D貨係為左質底股價嗎?
咁佢地點賺錢啊 , 理論上高位派貨先係架
咁質底股價理論上佢自己都輸錢
要解答這個問題很難，筆者嘗試在該類股票的走勢及成交找線索。這三天的跌市中，其中有三隻是兩天上榜，也就是有兩天入選十大跌幅之列：579必美宜、918第一德勝、8165華普智通。
其中兩隻是長期成交疏落，最近炒起派發成個月至跌，另一隻是創業版公司，炒起一日乾跌。從圖表上看，成交突然大增股價上升，話唔係被人炒上去都無人會信；至於創業版公司，很多是原股東在上市時已經cap水回本，以後賣多賣少都係淨賺。可以講所謂莊家或者大股東手上的成本（或機會成本）遠遠低於搭順風車的散戶，在高位固然派了很多貨，質低對佢地黎講，只係另一個派發的機會。
當然，有一些莊股可以一路跌一路收錢，唔怕無貨賣，跌到變仙就100合1，唔夠貨就印，無需要炒高派貨，咁佢地點賺錢？有人諗到的話不妨話過我地知。見到咁的走勢圖，都識得避掛？
原載：