唐：「我覺得是：我愛他有『九十九粒星』，他要愛我『一百粒星』。」
朱：「傳統概念上，男性應較女性強，包括工作及其他方面，但當女性不斷提升自己時，固然亦希望找一個（條件）高過她啊，所以（別人）又會覺得你們要求高，其實並不是這樣。」
吳：「反而覺得女性不應降低要求……縱使三個女性都分不到一個男性，也不應『求其』找一個（男朋友）。」
朱：「反而當男性很想爭取你，他會好努力去提升自己。」
回歸時英國人在12:00停國歌，要求中國12:01奏國歌。呢ｄ係咪著數仲有得講，但係卻係一種要騎著人的表態。
記得好多好多年前，菜10話要求男生好叻，要同佢辯論，仲要每一次都輸比佢，你話Jay Chow係咪咁的人？
港女對男人有要求，邊方面先？又要有錢，又要有才華（即係乜？），又要靚仔，又要聽話，又要專一，又要．．．世上無完人，自己又唔肯妥協或取捨。
就假定呢類人係存在的，港女又用乜野同人等價交換？又要人地對自己好，又要對方條件好過自己，同時又要自視過高，而回歸現實其實是想用$99（或更低）去買$100的野，咁即係「負一的平方根」，永遠都找不到。
http://www.hkheadline.com/news/headline_news_detail.asp?id=55327§ion_name=wtt
新聞故事——拒降低擇男友要求 文壇三女「談情」寧缺莫濫
2008年7月25日
三個新一代年輕女作家：唐希文（左）、吳穎琳（中）及朱佩君，私底下好朋友，無所不談。
香港女性不僅事業有成，更不避談個人的感情生活。新一代愛情小說作家朱佩君、吳穎琳及唐希文，除了擁有自己的事業，亦透過筆觸，寫下不平庸的愛情觀。三人並非人稱「貪威識食」的「港女」，而是深明自己在感情上的需要，縱使香港將趨向女多男少，她們堅持不會降低選擇男友的要求，以行動證明「未驚過」，寧缺莫濫。
「三個女人一個墟」，在咖啡店中，朱佩君、吳穎琳及唐希文身穿清爽便服，各自呷下一口果汁，上天下地無所不談，跟坐在附近的年輕人無甚分別，但原來要她們談愛情觀，會覺得很嚴肅，還反問記者為何問如此「難答」的問題，三人思索了一會，朱佩君先笑開口。
我愛他99他要愛我100
朱（佩君）：「我一向堅持『愛自己』，這是我的愛情觀。」
唐（希文）：「先愛自己才愛人？」
朱：「不是，是只有『愛自己』……總之一定是愛自己多一點，不愛自己是沒法愛其他人。」
唐：「我覺得是：我愛他有『九十九粒星』，他要愛我『一百粒星』。」
朱：「我會令自己開心，我不會要別人令我開心。」
吳（穎琳）在這過程中一直沉思，直至朱向她說：「你像是付出型。」
吳：「我是付出型？」
唐：「她的小說是付出型。」
朱：「我覺得她本人都是！」
吳：「應該是，付出多一點，不要計較收穫，不要計較大家的距離。」
愛情是甜品也是終極
坊間以為，獨立又有事業的女性不太需要愛情，但有機會代新一代女性發聲的她們，卻有不同的見解。
唐：「我覺得所有人都需要愛情，因為很多東西隨你年紀（漸大）而慢慢淡……我覺得身邊個『伴』陪到自己老很重要。」
吳：「我也想像不到沒有（愛情）……我覺得愛情不是人生的主菜，而是甜品；有會更加幸福。」
朱：「如果你有事業，又好獨立，不一定要愛情……一個女性不一定要有一段好穩定的愛情。」
唐：「我的想法是，到最後有一個人伴我到老……如果你覺得（愛情）是甜品，我認為愛情是我的終極。」
作為新一代獨立女性，談到香港女多男少的問題，自然觸動了她們的神經，三人談得更加起勁。
唐：「女多過男是事實。」
朱：「你認為因此而需要將尋找男友的要求降低嗎？」
唐：「不需要。」
吳：「對！」
朱：「傳統概念上，男性應較女性強，包括工作及其他方面，但當女性不斷提升自己時，固然亦希望找一個（條件）高過她啊，所以（別人）又會覺得你們要求高，其實並不是這樣。」
吳：「反而覺得女性不應降低要求……縱使三個女性都分不到一個男性，也不應『求其』找一個（男朋友）。」
朱：「反而當男性很想爭取你，他會好努力去提升自己。」
自身感覺 靈感來源
筆下多風流，她們的寫作靈感，是否要有「真憑實據」呢？
朱：「我覺得我不需要，因為我有個『源頭』的，例如我喜歡一個人，縱使現在變了感情也好，我會記得那種感覺，當我寫書談愛情，就會想起這個『源頭』，那種愛是怎樣。」
唐：「我想很多作家都會，出賣身邊朋友（的愛情故事）嘛，不用只出賣自己。」
吳：「，你會出賣你朋友？我不會。」
朱：「我也沒有。」
吳穎琳瞇起了眼：「你不是一個好朋友啊，哎呀。」
一見鍾情 從未迷失
當讀者以為，作家在現實愛情中感到患得患失時，最能刺激寫作靈感，原來習慣一見鍾情的吳穎琳卻笑說自己從未試過患得患失的感覺，坐在身旁的朱佩君及唐希文頓時難以至信。
朱：「你每次都一見鍾情？」
吳：「大部份也是。」
朱：「如果要分開，大家都有『完』的感覺？」
吳：「對。」
唐：「但縱使拍了拖，有時也會患得患失……你也沒有？」
吳：「我沒有迷失過，哈哈。」
三位文壇女作家，你一言、我一語，談愛情，談對象，談寫作，談夢想，完全沒有提醒自己在做訪問，做回平日的自己。年輕一代的作家，本來就與讀者毫無隔膜，能夠將真正的感受展現人前，正正是她們能觸動讀者的原因。
記者 盧倩敏
市場會懲罰錯誤評估(自己)價值的人的
[版主回覆07/25/2008 21:55:00]P/E一千倍的股票想合併P/E十倍的公司，天下間邊有咁多傻仔？
Hi,
When will your new book be out? I cannot find it in any bookstore.
MA
[版主回覆07/25/2008 21:48:00]下星期至有封面睇，印書要一個星期
佢哋沉醉係自己嘅愛情世界裡邊太耐啦．已經醒唔返．
[版主回覆07/25/2008 21:50:00]佢地仲製造好多個（每人超過十本）虛幻愛情世界，用來毒害其他港女。成日睇岑凱倫、林燕妮、亦舒、張小嫺之流的港女，有幾多個可以夢想成真？今之亦然，直到永遠，及世之世，亞孟！
其實呢類問題的答案好簡單
距地3位 香 港女 仕 都講左
「傳統概念」
基於中國人的「傳統概念」，男一定要強過女的，收入、職位各方面都係。正如古代中國人的所謂「竹門對竹門、木門對木門」
ok，我就當你地係傳統女性，你有呢種要求，無問題，因為各人有各人的態度
不過呢，距地係另一方面又要「跟上時代」，一切都要「男女平等」。
係呢個雙重標準又係既得利益者之下，難怪她們被稱為「港女」的。
>>>>>
好啦，可能有版友會話，如果有女性咁講︰「我係傳統觀念重的人，我不會要求男女平等的，我依家學歷高，高職位，高收入，我大大聲話搵個好過我的男人得唔得先？」
得，不過好似本末倒置左喎，說得上「傳統觀念重」，她應該會是早婚吧，持家有道的傳統女性，又怎會要出黎做野，有什麼高職位高收入呢？
[版主回覆07/25/2008 21:54:00]擇偶之前講求男尊女卑，擇偶之後又要男卑女尊，陳嘉尚個前度老婆在另一份免費報日日誇誇其談，連男人ＡＡ制都唔得，反回現實世界，咪又係失婚婦人一名。
現在太空年代,男女早已平等,甚至女權高漲, 但擇偶條件仍然停在幾拾年前, 是否有點說不通
[版主回覆07/25/2008 21:57:00]只要利之所在，可妨策略性退卻？
講真，真係好高質素的男女，一早好似黃毅力話齋，Good deal never last
其實男女結合這個問題
最實際就是看成生物本能和條件配對
高質素的男士, 所要求的(多數)根本不是知書識墨有主見有眼光etc(上面呢幾位)
她們覺得自已所持有的優點在他們認為是優質男眼中根本不是優點
結果顯然易見(大家都即刻眼見)………….就係幾個坐埋吹水等食蕉
[版主回覆07/25/2008 22:01:00]今日才在新聞組吹水講半夜個節目，即係果ｄ女主角之麻！陳慧珊又好，胡杏兒又好，胡定欣又好，韓瑪莉又好，呢ｄ咁的女人，點可以留在身邊嫁！
成套戲淨得蘇玉華似返個女人，但編劇要佢無得揀。陳慧珊的問題係，永遠以為自己有得揀人，同埋永遠要代替思考，以緣份黎包裝。緣份有得控制同set rule，如來佛祖嗎？
哈，會唔會眼高手低左DD呢？
兩個人相處駛唔駛下下計住？咁好容易要食自己喎！
[版主回覆07/25/2008 22:01:00]比佢地算得到的，都唔慌聰明得去邊。
….. 唐：「女多過男是事實。」 朱：「你認為因此而需要將尋找男友的要求降低嗎？」 唐：「不需要。」 吳：「對！」 朱：「傳統概念上，男性應較女性強，包括工作及其他方面，但當女性不斷提升自己時，固然亦希望找一個（條件）高過她啊，所以（別人）又會覺得你們要求高，其實並不是這樣。」 吳：「反而覺得女性不應降低要求……縱使三個女性都分不到一個男性，也不應『求其』找一個（男朋友）。」 朱：「反而當男性很想爭取你，他會好努力去提升自己。」 …. 這說話簡直是違反經濟示原理,個男人提升後仲使要你? 大把女人仆埋去啦,到時就唔你揀人啦…. 是人揀他….. 這個女作家想東西真是感性,唔怪之得仲係單身, 就算讓她遇到到都不是好東西….哈哈.. 你都話男多女少…. 那為甚麼不去改進自己來增加本錢等人去選你?要男的去遷就她? 她在自己打自己嘴巴呢!! 鄧星星都係咁…..
[版主回覆07/26/2008 07:59:00]你講緊的就係港女的死穴：見到低質港男就以為自己真係好高質素，ｄ港男要急起直追才配得起佢地。講真好多所謂低質港男，小弟見到都覺得佢地好低質，牛龜咁大仲囉住部NDS或者PSP機不離身，講野一如含著欖核，頭髮仿如十世唔梳。可是港女要求的所謂高質港男，只要唔係基的，又怎會不名草有主？即使真係有滄海遺珠，未到正如你所講，大把女人仆埋去，都唔需要跪求港女。
港女係唔係真係好似佢想像中咁高質素？別的唔講，單係香港小姐一班候選佳麗，就連北京奧運禮儀小姐都比不上，唔講樣佢地好多亦係大學畢業或大學生，又怎會輸比港女？唔好諗住同人比文才喇！香港果ｄ所謂愛情小說，試下賣去台灣或者中國大陸丫拿。
始終女人的青春有限, 似窩輪一樣, 價值隨時間下調越來越快 , 相反港男價值不會隨時間下調, 甚至上升 (更成熟,更有吸引力,更有金錢及精神財富). 時間一過, 窩輪會變成廢紙……..
[版主回覆07/26/2008 16:14:00]http://hk.myblog.yahoo.com/tokuhon_blog/article?mid=1432
http://hk.myblog.yahoo.com/tokuhon_blog/article?mid=1065
閣下對港女的意見不敢苟同, 有點像為打種而盡快打種, 只要有男人就得。好像男人對女人的要求比較低, 係女人都沒有問題… 如意見相左, 只好說句唔好意思…
[版主回覆07/26/2008 16:08:00]我們均尊重個人選擇，不問條件提高叫價，在求過於供的市場，永遠都唔會買到野，或者只會買到錯的野，比如楊千嬅。
小弟從來都係潛水冠軍, 今日見到呢個topic 都真係忍唔注發表吓.以上各位都係高見. 特別係, "P/E一千倍的股票想合併P/E十倍的公司，天下間邊有咁多傻仔？"
到底佢地搞清楚d男人要乜未**, 絕大部份男人要o既係外表同心地善良(聽話仲好)….唔係要 又大年紀又唔靘又要求多多o既材女.
**男材(財)女貌是人類天性. 男要開支散業, 女要保護小孩, 都是要將自己DNA轉出去的意思.
[版主回覆07/26/2008 16:06:00]「只對別人有要求，對自己從來無要求」係無用的，一開口就要一百粒星，但願意付出的最多只是九十九粒。女人（或者男人）無需要降要求，得！No deal囉！
正~~~
絕對同意…
http://hk.myblog.yahoo.com/jw!4CJlVrmCERSfUN.CIDhCZg–/article?mid=785
我都有COPY 別人的文, 又係關於呢D 的
[版主回覆07/26/2008 22:23:00]果本書我有寫序
==> 我愛他99他要愛我100 搵人用100蚊港幣買佢99蚊 港幣…….
其實拍唔拍拖.結婚對像係點.全部一開始就話我要做話事人定財政大臣.都唔方會好(包括開唔開心自然or not) 得去邊.因為都唔係講感情.只係純講power.拍拖黎托咩.除非office玩唔夠,仲要係感情上enjoy權財鬥啦.
一個大學女同學,讀完master後佢去做私企.佢既樣第一印像冇令人追既衝動.唔緊要,有時真係心地好都會吸引到人.佢未打工前算幾好.於是有一兩個又係樣唔太得既追佢. 佢就問"我係唔係差成咁!" 我當時好想答"係"
好啦,turn down左個offer.之後就一心想識會計仔,仲要係scan過人地既cv知道公司想升做management果d.但人地又唔鐘意佢依type.結果食足白果3年.依家仲係係度怨自己係唔係真係咁差.點解搵一個都咁難.故事係幾千年前一直重覆中.攪攪下可能番去盲婚啞嫁時開拖機會仲大d.
好老實,愈有文化修養,愈易dum到女.依個世界冇完人.只有情慾猿人.
[版主回覆07/28/2008 21:57:00]當佢地搵緊個Object時而對方是「人」的話，永遠都唔會match到，因為人是沒有十全十美，可是理想化的Object是可以完美而不存在的。
講到尾, 愛情作家就好似股評家0甘, 得個講字, 眼高手低
人自私，沒錯，求對方在愛情當中比付出更多，亦無可厚非。 我從來都不太在意所謂港女是否自私、拜金、專橫，因為我覺得自己永遠都不會與她們扯上關係，貼錢買難受。你有你專橫拔扈，我沒趣喝你杯茶。 人，總會自視過高，認為自己永遠都應該比現在得到更好。以，人會心野，人會揀擇，既然是應得，就沒必要紓尊降貴、肌不擇食。如此情況，在新一代香港菁英當中，尤其普遍。大家都認定，為了自己， 要揀，就一定揀最好。 然而，現實，終究殘酷。你條件再好，你心儀的人未必在意：問題並非純綷客觀條件不夠門當戶對、不可高攀，而是他/她就是不喜歡你，或者是你，並是你心儀的人所心儀的類別。愛與不愛的原因，如何解得通? 愛，就是這樣教人不明所以。 所以上述三位才女，不妨用心等待。願望一廂情願，無傷大雅…我只希望她們可以思索他們愛無著落的其他可能性：你們之所以長期韜光養晦，是有可能源於個人條件根本不及，又或者是有價無市。無市的原因，並不代表真的無客，而是有可能標價太高，或許貨品一廂情願地以為可以吸引理想的顧客，忽視他們的真實需要。 愛不是bingo，雙方有齊xx條件就自動結合。你條件再好，你心儀的都不一定會愛你–何況個人想像與現實時有落差?怕，就是怕你白等、枉以為可以等，妄想列車必然因為你是必經站例牌停下–列車是可以飛站的，而你，亦從來不是大站。
[版主回覆08/05/2008 00:19:00]愛，是不應該有條件的，尤其是預設的條件，三人之中，只有一見鍾情那位才與愛情擦著邊。
如果講條件，就唔會係愛情，即然唔係愛情，期待等價交換而矣！
而是深明自己在感情上的需要，縱使香港將趨向女多男少，她們堅持不會降低選擇男友的要求，以行動證明「未驚過」，寧缺莫濫。
真係未驚過,唔識驚呱
[版主回覆06/20/2009 16:43:00]聞過飾非 與 聞過即改 是完全不在同一層次。
港女現象已減少了很多，就因為很多人肯改善自己。
搵人拍拖，是matching行為，你揀人，人揀你，將條件放到上天，自己都攀不到，都無用嫁！