等待安居的日子
近年，單身八十後申請公屋的人數急升，比去年升近四成。有人批評他們是預支房屋福利，但面對香港樓市成為全國房地產炒賣市場，樓價和租金屢創新高，年青人認為自己並無其他選擇。事實上，申請公屋的非長者單身人士要面對計分制和每年配屋不多於二千個單位的限制，輪候時間動輒以十年計。
現時公屋輪候冊上仍有八萬多家庭，不少仍未能在三年內上樓，還有龐大的非長者單身人士申請，公屋興建量卻只及十年前一半。
公屋求過於供，年輕人為了追求獨立生活或改善住屋環境而申請公屋，究竟是否有迫切需要？
編導﹕徐岱靈
http://www.roundtablecommunity.org.hk/ecommentary/020.html
徐岱靈@Roundtable
2009-10-27 am730
特首講樓價，一石激起千重浪。我輩所謂第四代香港人，沒當上專業人士，又不是從事地產財經的，早已默默接受租唐樓、一世不望有樓的現實。從沒奢望發夢都講「積極不干預」的政府，會為遏抑樓價做點甚麼，你不提也罷，提出來卻不打算做甚麼，怎不引起民憤。
是的，很多香港人因為「買磚頭」致富，有說街邊執紙皮的，手上都有幾層樓收租，而那不是一個Urban myth。阿媽慧眼，洞悉香港潛規則，未逼婚，先嘮叨女兒買樓，我急急耍手擰頭。親愛的媽媽，你小女無才，工作多年，人工和一個大學畢業生做銀行MT的入職薪酬差不多，年將三字頭，人工連二字頭也不過。但我實在不愛做地產金融，更做不了醫生律師或乜乜師，沒有豐厚的收入，買了一舊磚頭，機會成本是不夠錢讀書進修，想去旅行又不敢，要換換環境辭職不幹更是想也不用想。與其被一塊價錢高不可攀得不太合理的磚頭綑綁，我寧選擇飄泊。
我沒有擁有很多財富，所以不想連一點任性的自由也失去。我們好像很多怨氣的一代，除了想問為何樓價那麼高，更想問問，為何不從商的收入就只能那麼低。身邊做設計、做文字的朋友，總是餓不死，卻不會有十幾萬在銀行做首期的，這是舞文弄墨的代價，更是追隨理想的代價。放心阿媽，我們都沒有怨你為何不給我一點在商場長袖善舞的DNA。我們只會說特首最不愛聽的那句話：這是社會的錯！我們的社會太傾重四大支柱，而六大產業仍未見影。在石屎森林裏，不買樓已等於一種「另類生活」。看看一片混沌的香港，無論是文化上政治上空氣上都一片混沌的香港，有時我猶豫，她是否值得我窮一生去供一層與售樓書面積不相符的樓，以作為安頓一生的家。
好多人唔喜愛做房奴,一世住公屋都願.
趁後生，不做房奴，買東買西，又不是做了大商家的點心？重點係人生要有規劃，所賺的要分配得宜，呢嗰過程都係一種學問和體會。至少不要老來成為子女，社會的負累。
[版主回覆05/24/2011 22:34:00]儲錢又驚通脹喎！
最好係自住公屋,交緊平租,但在外面買樓收租.
[版主回覆05/24/2011 22:34:00]大有人在
冇本事, 飄唔 飄泊自己諗喇, 社會供給 vs 市場需求每一日都改變, 冇順趨勢只有被撲殺份兒, 推雪糕車仔阿毛 毛 , 修理暖水瓶個伯 伯, 渣過海小輪個 captain, 製衣, 生產 都係一樣…. 你等 特首放飯就聽 pk 都得 lu…… 唔好賴DNA!! 你係精虫個時唔係游得最快 ge mee, 唔夠 quality 就咪鬼游咁快喇, 個老母生 得你四支健全頭腦正常養到你過 18 重想 怨佢?? 你估真係掙你十世錢 mee, 掙 係 掙 冇一 Q ou 醒你個衰女……
[版主回覆05/24/2011 22:38:00]春夏做得蝴蝶蟋蟀，秋冬就唔好羡慕蜜蜂螞蟻 揀得做有型有款，就唔好諗住有錢有樓
佢地買唔到樓，唔係因為冇錢，係因為太有性格！！
[版主回覆05/24/2011 22:39:00]佢地話層樓綁住佢地喎！可能送都唔際！
既然唔想俾層樓綁足一世，便租樓住吧。但又只想交公屋租金，咁即係想點?
[版主回覆05/24/2011 22:39:00]想尋租囉！
請問我應唔應該供8388 百田石油股權 呢?? 另外我可唔可以將佢賣左架架呢? 如可以, 要有D咩手續? 請各位高手幫手解答…THX
[版主回覆05/24/2011 22:39:00]去股票行問就有答案
唔做房奴，say 你得$100,000，呢雞碎咁多，即使係去年都巳經唔夠俾首期，咁繼續住公屋，如果去年2010年5月買黃金 ETF2840@$950 ，每首單位10股，買10首，依家黃金ETF2840已升至$1500，約賺$600一首，利潤都不錯喎，如果相信通脹繼續升温，美金持續貶值，就應該繼續持有黃金ETF至樓市泡沫爆破，樓市受政策及加息影響，但黃金唔會，如果相商品泡沬會爆破，好肯定講句，樓市一定爆先過商品。
[版主回覆05/24/2011 22:41:00]搵錢有千百個方法，問題係有ｄ人骨子裏睇唔起搵錢的人，卻又怨自己無錢。
補充：到時賣金，買樓，相信巳經可以俾首期。
成篇自怨先艾, 無病呻吟o既廢話, 睇到火滾
>>> 你自已 / 同你身邊人默默接受, 唔等於所有第四代人. >>> 而家樓價高, 唔等於以後樓價高, 市場有起有跌架. 白癡! 今次錯失機會咪等下次囉, 你好短命架咩????
>>> 97年遏抑樓價, 一遏到底, 成 7 成. 夠力度吧.
導致租金持續下跌, 物業價值下跌, 業主資不抵債, 銀行逼倉, 銀主盤遍地, 零售市道蕭條, 跟住就 03年 7.1. 大遊行. 如果同你講,
下一 round 香港又會係咁, 你濟唔濟? >>> 知唔知香港有超過一半人口住私人物業? 呢班人係 零售市場o既主力, 物業係佢地資產o既好大一部份, 好多人窮一生 積蓄就係買o左而家住緊果層樓, 有乜依郁, 唔通真係揸住碌竹咩? 呢班人唔掂全香港都唔掂, 包括你本人同你家慈. >>>
你用下腦放開雙眼睇廣闊 d 同睇遠 d. 唔好淨係問點解 D 樓咁貴. 直情要 TAKE ACTION 去了解點解 D 樓咁貴.而家咁貴. 1
. 美國息低, 美元弱, 港元焗住息低同弱, 2. 但係本地經濟又真係好緊, 租金上升中, reinforce 物業價值. 小學社會科都有讀,
香港係自由港,即係 d 錢自由進出架. 外地游資見有利可圖咪湧入來. >>> D 人一早預期通脹會好勁, 換轉係你 d 錢罷係銀行唔郁會續d續d少o左, 你會點做? 所以 D SMART MONEY 早你幾廿步入o左市 law.
成篇自怨先艾, 無病呻吟o既廢話, 睇到火滾 (續) >>> 講得好,
鬼佬講 opportunity cost, 中國人講有得必有失, 我地廣東講食得鹹魚抵得渴. 你揀o左飄泊就唔好係到呻 d 樓貴.
決定長期租樓, 享受你覺得o既自由, 就唔好阿之阿jor. 不過咁, 可能你鄉下興買o左樓永遠唔賣. 其實我地香港 d 樓買o左番來可以賣出架.
如果某某業主, 突然想週遊列國, 拋開一切俗務, 賣o左層樓就得. 人地賣o左層樓 仲套番現, d 本金袋番落袋, 要幾飄有幾飄. >>> 各處鄉村各處例, 地球是這樣的. 財政沒有自由, 你連任性的自由也無. 1. 我想任性 d 買架車, 無錢? no… 2. 我想任性 d 去遊學, 無錢? no… 3. 我想任性 d 去座頭等飛機, 一生總要豪一次. 無錢? no… 3. 我想任性 d 唔俾家用. 家裡無錢? no… 不過咁係香港, 總有某 d 情況任性係唔使錢. 1. 我想任性 d 唔撈, 無錢. no problem, 有綜緩.
>>> 生命滿希望, 前路由我創. 而家未上到位, 唔等如將來上唔到位.
努力認真工作, 總有上位o既一日, 如果 d 老闆同上司係你地 d 80後 心中所想咁廢, 間公司執o左九世啦. 小 d complaint 多 d
understanding. 無論社會環境有幾差, 但總有一時英杰可以獨當一面. 點解你唔想下, 點解出位果個係佢唔係你?
>>> 都無本事安頓居所(唔一定買樓, 租都得), 你點安頓你o既人生? 你係想飄泊定想安頓, 真係睇到我一頭霧水. 你搞到我好混沌呀.
[版主回覆05/24/2011 22:55:00]基本上佢係想話比人聽，佢有幾聰明
maybe有D人係想用公屋既資格去換居屋呢.你冇公屋就冇平既居屋.所以我表姐一夠18就apply左.
[版主回覆05/24/2011 22:31:00]所以有一班人要爭取復建居屋，以便有 新 居屋住。
脫兄, 細佬未得閒睇任性人篇嘢, 淨係睇咗鏗鏘集, 睇完真係超嬲. 小弟真係好少咁嬲, 真係忍無可忍.
首先, 一個阿媽辛苦養大四個仔女, 仲可以買到樓, 仲諗住按咗層樓比佢四個仔女買過間, 但係佢四個仔女加埋竟然都供唔起一間屋? 唔好玩啦, 我細妹月入12K都唔夠, 喺拒絶任何家人幫忙下, 舊年都上咗車啦, 佢仲要堅持比錢媽咪呀. 仲有, 唔好話我歧視, 成家人都咁肥, 都唔知係咪用晒啲錢食嘢. 四個子女減吓肥間屋咪冇咁擠逼囉. 仲要四個人每人申請一間, 你話係咪離譜?
果個話搞藝術既女仔(有大專文憑果位)唔知有冇用過個腦諗嘢, 佢同屋企人住緊居屋, 有間房瞓, 都話唔夠空間諗嘢(佢有咩好諗?). 咩叫打份牛工? 打工就係屈服比地產霸權? 我同屋企人住到29歲先搬出嚟, 阿妹大咗我要瞓廳, 都唔敢怨. 佢話佢生日願望係冧市, 以佢做啲咁"低技術性"既工作, 喺市場上面有幾多需求? 一旦冧市睇怕佢連公屋屋租都交唔起(起碼都要1K一個月). 有依啲思想既大學生真係恐佈, 比大陸落嚟啲蝗蟲更加恐佈.
至於本來上到長者屋既男仔, 我都唔想再評論.
我哋每年辛苦交稅, 交咗12年, 就係負担啲未畢業就申請公屋既"有為上進"青年讀大學?
最近同d friend吹開水, 佢哋都係3張幾, 已經講開想移民離開香港, 一來想啲細路有好啲前途, 二來實在睇唔過眼.
我會同班friend講, 認住依啲廢人, 要請人千祈唔好請佢哋, 由佢哋一世做食蕉, 賺7-8千.
[版主回覆05/24/2011 22:22:00]香港好多所謂好有深度的文化人，姓梁的只係其中一個，一個二個在免費報都有個欄。一個二個講埋ｄ野，聽唔明係正常，聽得明係不幸。或者佢地以為自己好有辯才，可惜佢地講的野，無乜商業價值。
仲有, 果件"徐袋零"要選擇飄生活嘛，咁就唔好申請公屋啦。
咩嘢叫飄泊? 瞓街就叫飄泊喇, 今日瞓天橋底明日瞓公廁先算係飄泊, 租人樓被逼遷要搬就叫飄泊? 都唔係淨係今時今日先有, 97前都有同學仔家人被逼遷啦, 不過果陣時啲人唔會咁高調叫苦啫.
住公屋, 即係有一個fixed residential location, 唔夠飄泊喎, 建議徐氏瞓街/瞓公廁啦。
[版主回覆05/24/2011 22:13:00]佢可能用錯字姐！佢可能係想講「瀟灑」或者「逍遙」，但呢兩個字係褒義，唔夠慘掛？
我都好贊成應該起多D公屋, 同再提高入息限額, 只有咁先可以真正保障到低收入人仕, 而又不至太影響地產市場。 老實講低收入人士想再在香港打住工向上爬已不可能, 唯有用福利政策保障他們把租金支出與收入比例降低一點, 才有望化解市民怨氣。 另方面, 起居屋根本幫不了低收入人仕, 一間居屋綠表都要一,二百萬, 買得到居屋其實已經有可能係市場買到樓(當然唔係泡沫價計啦), 又變相增加市場供應, 所以我不贊成起居屋。
[版主回覆05/24/2011 22:12:00]就係因為唔係最窮的人都去排隊，所以最窮的人唯有去住籠屋板間房，然後班唔係最窮的人又去怪責政府訂個遊戲規則唔比佢地打尖，再然後怪公屋點解唔係無限供應。
依班醒目仔女黎的.
又有得拎黎做題材拍片賺錢. 又有得申請左間公屋有個戶籍拎黎做貨倉又好做麻雀要樂會都得. 最重要就係之後買居屋玩綠表慳左幾十%地價先.買自由市場貴居屋當3百個依家就慳1百個. 但講到咁正義凜然.就太戇居啦.
有晒agenda有晒利益集團角度. 完全睇唔到條友有咩咁須要搬出去. 冇錢就係咁. 有間屋你住想點. 當你又講咩改善住屋環境. 佢為左咁而令自己人工永遠徘徊低位. 依個真係十級戇居. 究竟係為左乜?!想扮有型又想玩流浪就唔好叫人起依樣果樣拎著數. 就係佢地令人睇唔起所謂"窮人".有骨氣果批有須要果批都俾佢地影衰埋
[版主回覆05/24/2011 22:09:00]欲練神功，引刀自宮 若然自宮，未必成功 未能自宮，也可成功 為左咁而令自己人工永遠徘徊低位
呢個世界好多時都係夠膽去做先成功, 怕呢樣怕個樣得個想都唔慌會有乜得著. 好似前排有線做漢武大帝, 其中一塲戲係漢武帝叫李廣利去打匈奴, 個個都話呢樣個樣, 樣樣都係問題. 但漢武帝就講無可能樣樣準備到完美先去打. (題外話: 如果只計打仗部份算係打贏, 但最後李廣利反叛, 漢武無左D士兵). 其實可以講呢班人係 "自己攞黎" 4個人合供一個單位, 都已經唔使比首期重話供唔起. 唔係自己攞黎又係乜. 唔好賴人地, 根本就係望天打卦! 個好似好有藝術理想女仔話諗唔到野, 以前我屋企80呎房仔住5個人, 書咪又係咁讀返黎. (重要成個暑假去工廠, 超市做工. 平時星期六, 日都要屋企幫手做外發工). 諗唔諗到野係睇你個心, 唔係睇環境.
[版主回覆05/25/2011 05:58:00]佢好明顯係諗唔到野，否則唔會有個咁的生日願望：樓價跌到一千蚊一呎，佢都唔會買得到，買得到佢都唔會買，咁望跌市黎做乜？發晦氣？
>>佢好明顯係諗唔到野，否則唔會有個咁的生日願望：樓價跌到一千蚊一呎，佢都唔會買得到，買得到佢都唔會買，咁望跌市黎做乜？發晦氣？ 佢班契第心地吾好…… 大把人努力工作係咁交稅,但係沒有社會福利重係到唉緊。 D 錢交左稅就去左幫D 想香港死嘅人 (一千蚊一呎 , 一定好Q多人燒碳) 咁算吾算有公屋霸權？
[版主回覆05/29/2011 01:01:00]我地唔應該學呢班人咁，作一個名詞來指東罵西，呢班人唔係乜野霸權，佢地只係浪費公共資源，在沒有迫切情況下佔用一間公屋固然係咁，讀完大學做埋呢ｄ野都係一樣。
公(居)屋霸權- All sponsor by tax payer's $
[版主回覆05/29/2011 01:02:00]佢讀大專都係納稅人補貼喇！讀副學士就係自己囉黎窮。
希望佢地拍返集講述下果D努力奮鬥既人，俾佢地知道，上到車果D人，唔係個個都係含住金鑰匙出世架，好多都係咬緊牙關挨出黎架，挨緊果段日子，邊有咁多時間諗去玩，挨過左，生活咪有改善囉。怨下就想唔洗挨，怨下就有間屋住，果間屋邊度黎架？咪就係努力奮鬥果D人納稅起出黎架囉。
[版主回覆05/29/2011 01:03:00]政府電台成班人都係咁的心態，梗係只會拍出咁的「紀錄」片。
真係有 D 火滾 , 口口聲聲地產霸權 , 有冇想個他們也對穩定物價有一定貢獻 , 不能一蓋定棺 , 有冇想個用創意打救香港 .
放棄買樓念頭 , 專心工作 , 創立正收入系統 , 為財務自由方向邁進 . 何況片中家庭已比更窮困的家庭更安居樂業 .
但認同如果組織 2 人家庭生活 , 有需要找更大生活空間 . 但可以嘗試兩對 couples 租用一個 Apartment 作短期解決方案 , 未嘗不可 .
如不認同閣下 , 可參看 human planet episode ‘ocean chapter’ 片中有一幕提到 Philippine 的男士們集體網魚 , 而工作所面對的危險 , 不是一般窮困家庭所感受的壓力 , 而工資 only with US30 per week ~ around HKD 9XX. 所以女仕們大都選擇成為外傭 , 賺取更高收入, 也為更高收入離鄉別井, 也放棄他們的理.
他們有大片土地 , 但缺乏穩定的食物供應或更好醫療設施和技術 , 有空閒但缺乏多姿多彩生活 . 他們生而不平等 , 沒太多選擇權讓他們成為城市居民 . 但是 可能他們比我們快樂及滿足 . 但有多少港人願意放棄文明生活 , 加入他們相對原始的生活 .
[版主回覆05/29/2011 01:05:00]間房細ｄ都話諗唔到野，佢地去裁員村都唔會過原始生活
無用的，d廢人只會搵人地同佢有咩唔同︰佢有屋企幫首期呀…無？佢唔洗俾錢屋企嘛…？要？佢有份長工丫嘛….唔係？佢公司d人好無恰佢易做長丫嘛…好多老sea food？佢o個行炒左辭左都易搵過份丫嘛….bla bla bla bla bla 要學，o個幾兄弟姊妹既阿媽已經係人辦啦，做幾份工死慳死抵咪又上到會仲要養大埋佢地幾個 難就一定，特別人工得六七千，屋企又無support，但最有效方法唔係應該係想辦法搵多d既咩？叫公司出少d糧都得，真係問你死未？
[版主回覆05/29/2011 01:10:00]強者遇困難，會搵方法解決 弱者遇困難，往往選擇逃避 幾時都係做弱者容易過做強者
o係佢地面前其實有各種選擇, 只係佢地選擇左最差的… 佢地只係唔想"等價交換"罷了..請對自己的選擇負責…透過呢類節目, 同埋其他報章不時出現的類似的題目, 只係令呢個社會上默默耕耘, 自食其力的人對佢地愈來愈不屑… 解決問題可以有好多方法, 唔識既去問下成功既人, 如果人地教埋佢點做, 但係佢地因為唔想 take risk/唔想犧牲而唔去嘗試, 咁就請佢地接受現實, 繼續輪多十年啦
[版主回覆05/29/2011 01:13:00]阿媽教都唔聽喇！
其實以前平,而家貴左, 見人地買平左,而家自己買貴左唔抵得, 就話自命清高唔做樓奴, 寧願不勞而獲申請公屋, 當然你有權甘做,但係真係有D本末倒置LAW, 而家係貴左, 可能以前個用同一個價錢可以食個扒餐,而家變左食魚蛋粉, 但其實本質無變GA,都係填肚JA, 好似我媽甘話以前D蝦30蚊斤,而家成40幾蚊斤, 未唔食住LAW, 遲下先食又或者食住其他先LAW.
[版主回覆05/29/2011 01:17:00]筆者認為係佢地唔明白經濟學問題：樓價升跌有周期性，銀紙貶值無周期性，只會一條路行落去。而一個人畢業出黎十年都係低薪，就算比佢地囉到間公屋，恐怕佢下半生都好難翻身。
個3姊弟係孝順既應該賣左層樓大家夾錢供層大D比阿媽等大家住得舒服D LA
[版主回覆05/29/2011 01:24:00]孝順果個係阿媽
藝術女 和 減薪男 講明選擇左唔去做好d努力d搵錢(唔屈服打牛工,減薪), 而去依靠其他屈服打份牛工的納稅人資助佢地, 間直係挑戰納稅人的同情心 四兄弟姐妹, 至少我指證唔到佢地無努力, 俾埋首期, 四個人無力供兩層 (買一間和加按一間,共兩間), 的確唔奇, 香港係有低下階層, 係需要公屋, 可能就係佢地, 既然無證據指出佢地唔努力, 我暫且包容佢地, 先唔因為佢地年輕而歧視佢地 我反而建議, 佢地如果四個供唔起兩層, 又願意等8-9年後的公屋, 佢地可以有更多選擇. 假如佢地一家人合作, 加按, 用母親的名去買樓放租, 等人地幫佢地供, 四兄弟姐妹去供加按果層, 四人只供一層, 應該無咁吃力了 同一個劇本, 都係等八年九年, 佢母親都應該賺一筆了, 當係孝敬捱生捱死周身病痛的老人家 窮, 低技術, 都可以有唔同的路去行. 有人困難時, 諗方法搵錢; 有人困難時, 捱生捱死;有人困難時, 諗住靠福利 有人打政府主意, 有人打銀行租客主意
[版主回覆05/29/2011 01:27:00]自由社會充滿選擇，問題係有班人想同時有兩種選擇的優點，而沒有兩種選擇的缺點──的烏托邦選擇
好多人睇野都係現有的就唔覺存在, 好似係應該永遠存在咁. 如果樓價真係跌到$1000.- 你估現在政府比的福利係咪完全無改變? 重有咁多錢起公屋? 重有咁多錢派綜援? 重有咁多錢起社區建設比妳跳下舞扮清高人乎?
[版主回覆05/29/2011 01:27:00]佢地識得諗，就唔會今時今日喇！
己買你新書, 閱讀中. 資訊一流..
[版主回覆05/29/2011 01:27:00]多謝支持
亂博: 買黃金非常岩, 不過要買實金而唔係EXF, 否則到頭來亦是一場空.
To : Ray 你提議佢地加按後再放租比人係好, 但佢地都係覺得行唔通, 因為萬一無人租呢? 萬一遇到租霸呢? 萬一個人租租下又唔租, 咁啱又有人失業, 咁點供呢? 萬一個樓市跌呢? 萬一…… 所以有好建議但行動照舊. 由得佢地甘心收低人工而等9年啦!
嗰四兄妹唔肯供新樓其實不是冇能力。我估佢地面和心不和，買新樓寫四個人名？邊個早結婚，會否霸住間樓，趕其他兄弟走？呢啲嘢未講掂數，所以唔買！不過分開嚟睇，佢地始終要獨立，個人又的確買唔起樓，申請公屋都係正路。減薪男個案反映出申請公屋入息上限不切現實，我哋唔應該怪責佢。藝術女同阿徐袋零先最可恥，不知所謂。
[版主回覆05/29/2011 01:42:00]家家有本難諗的經
政府好快啲將香港電台私營化啦，連鏗鏘集都咁廢，編導好明顯幾同情呢班人，都唔知佢哋想傳遞啲乜嘢信息，睇落又好似想講係政府嘅錯？！
[版主回覆05/29/2011 01:42:00]港台唔係應該私營化，而係應該完成佢歷史的使命
現行制度沒太大期望。
「藝術女同阿徐袋零先最可恥，不知所謂。」 不能同意更多了 +1 不知道減薪男的背景，如果無屋企support真係頭痕d，如果實際上係可以痴屋企住而唔痴自己搬出黎，佢做法真係幾搵自己笨。有幾多人可以一出黎做野就六七八萬個月？大部份都係一級級咁上，七千去八千幾你唔上，真係諗上到樓之後同老細講七千直跳去皮幾野？ 同埋咁老實講個理由俾老細知，有幾多個老細又會睇得起呢d伙計呢…？
[版主回覆05/29/2011 01:47:00]對於減薪男，筆者會認為佢不失為社會低下階段的生存之道──自行跌入安全網。但對於一面強調自己讀幾多書，一面又要話自己人工低乜乜物物，只可以話係自甘下游，即係下流社會的下游。
成班蛀米大蟲！淨係諗住公屋，降低自己生活質素，就巳經大大表露這些人毫無大志，講到自己幾有理想都假
[版主回覆05/29/2011 01:47:00]講果個都知自己唔係認真
我諗針對公居屋既言論有少少過激囉.我屋企係中產,我地除左TAX allowance, electricity subsidy.都冇咩受政府幫助.雖然有D人的確係抵罵,但到底還是我沒資格去住公屋,買綠表居屋,攞咩援助.所以我呀媽成日都同我講,一到18就一定要攞間公屋.然後就用公屋換居屋.享受下政府既資助.而我身邊都有唔少同學既家庭都係咁諗.所以大家唔可以以一些例子來代表所有住公/居屋的人.
[版主回覆05/29/2011 01:50:00]真係識得計數的，就唔會有得揀玩私樓遊戲唔去做，而去囉果雞碎咁多的所謂福利
哈﹗哈﹗哈﹗哈﹗哈﹗
出來做個幾年野就話無希望. 去死吧!
[版主回覆05/29/2011 01:51:00]希望，是自己爭取的，而唔係社會賜予的
To *Sunny*
我地中等收入人士(我唔想自稱中產), 除左TAX allowance, electricity subsidy, 還更加是社會的既得利益者, 我地交稅, 得到良好的治安, 廉潔的社會, 優良的營商環境, 較有效率的公務員, 私有財產的保障等等 (雖然環境惡化中), 呢份稅已經交得好化算. 如果有人還是覺得自己所得 完全係自己努力 的成果, 我會建議佢移民去北韓試一試身手, 大展拳腳
所以我唔見政府欠我d 咩, 如果想賺盡d, 無問題, 諗下點樣在呢個良好營商環境諗錢, 比諗點攞社會救濟(我係唔想叫呢d做福利)化算, 後者要付出更多機會成本.
To Ray.我講明D啦,D人冇野做,冇貢獻既可以有咁多福利.佢地有好多我地冇可能有既福利.仲有,佢地其實係好有錢既,rent都係幾百一千.呢D租金,一間房都唔得啦.我唔明點解佢地唔使交tax,但係得到既福利多我地咁多.我知"公平"呢樣野好難有清楚既定義,以我地咁少既power點可能改變到咩?..唉,係呢到講下都好..
我就情願趁後生有賺錢能力買私樓,最多買偏遠D,話晒係自己擁有嘅.
這是我的經驗.
http://hk.myblog.yahoo.com/RoseBlog-HelloMissYam/article?mid=38433
[版主回覆05/29/2011 01:54:00]租樓係total loss，供樓係利息支出加儲落層樓度，係兩回事
有啲競爭力強嘅人只會諗如何賺多錢，交多啲稅絕對唔係問題； 有啲競爭力弱嘅人只會諗如何攞着數，攪盡腦汁去取得多啲福利。 雖然話人各有志，但我欣賞前者，但鄙視後者！
To Ray兄 難得兄台有此高見，我預計你將來比其他人有更大機會出人頭地！
d 細路哥專家話 d 細路哥要少 d 叉佢地錯處多 d 稱讚, 唔可以體罰, 得閒要瞭解多 d 佢地, 比多 d 好野同幸福佢地, 等佢有更多自信 , 於是公主同王子大個左就好快樂咁生活落去 ………………….. 頂! 米 x 玩喇, 大個左咪好似呢Ｄ長粉咁law , 自己都養唔掂自己 — 有自信有理想但係冇腦, 諗野淨係諗自己, 以為 lee +X 咁 q 容易發達 ge 公主/王子路係 auto 黎 ge…. 有理想更加唔聽你講野……. 家陣~~ 重可以點樣可以教好佢地…..
[版主回覆05/29/2011 01:55:00]香港現時周街都係王子公主
所以話呢，有d中產真係好_非洲和尚的，走去同窮人爭福利仲大條道理，成個受害者o者，脫兄「中剷」一詞真係一絕
[版主回覆05/29/2011 07:26:00]窮人有窮人的思維 富人有富人的思維 中剷是甚麼思維？ 就是明明有機會做富人，偏偏要諗方法令到自己成為窮人 香港某幾個中剷傳媒鼓吹的所謂中剷生活是表表者，例如為子女贏在起跑線，自己窮死在司令台
呵呵呵 quote : 脫苦海 2011-05-24 22:12
就係因為唔係最窮的人都去排隊，所以最窮的人唯有去住籠屋板間房，然後班唔係最窮的人又去怪責政府訂個遊戲規則唔比佢地打尖，再然後怪公屋點解唔係無限供應。
<朝秦暮楚> 早上還在秦國，晚上卻已在楚國。比喻行蹤不定，四處 飄泊 。
Sunny 兄, 我相信這個討論起碼 involve 兩個問題 1) 社會應唔應該接濟經濟條件差既人, 2) 如果要接濟, 又應該幫到乜野程度? 幫佢地交租, 等佢地住籠屋? 定係比佢住洋樓, 養番狗?
睇 Sunny 兄的描述, 我估你主要唔認同的, 係第二點, 皆因公屋既質素真係愈來愈好, 實用三,四百呎, 又冇窗台冇露台, d 地方幾見駛呀, 又唔駛交管理費, 差餉, 地租, 我地中收入人士, 日做夜做, 買番黎間屋, 實用都未必有咁高, 仲要交咁多雜費…但以上所講, 其實係講緊有交稅既人, 唔滿意冇交稅既人, 生活質素 (包括生活環境, 心理壓力等..) 比自己仲好, 如果公屋全部起o係天水圍, 離島, 一個單位50呎, 住一家四口, 亦都冇居屋呢樣野既話, 你就唔會再想一夠 18歲就去排隊輪公屋… 我自己覺得,一個更加應該問既問題係, 如果政府認為公屋既質素, 係而家社會對生活質素的 "最起碼標準", 冇交稅/交好少稅/拎綜援既人都有咁既生活質素, 政府係咪應該提昇下"有交稅"既人既生活質素? 如果政府做唔到, 咁就可能要拎走公屋居民o固粒魚蛋黎平息中收入人士既怨氣, 亦都可以減少更多人去排隊輪公屋, 濫用公屋資源
係咪中收入人士冇得選擇? 日做夜做, 買番黎間屋, 實用都未必有咁高,
仲要交咁多雜費???? 定係唔識選擇??? 買左間屋, 享受左升值, 點解又唔計? 如果又係左風險右冒險, 咪租囉….. 中收入人士係咪0係香港一冇所得淨係交稅呢, 香港係低稅制, 0係外國係 2x%起錶…. 但係外國夠多多保護低收入人民 (可能都係懶人), 咁…. 再唔係去上海囉, 夠大把機會比你上位……….. 香港比左咩野藥比你食搞到你唔情願去外國??? 拎走公屋居民o固粒魚蛋黎平息中收入人士既怨氣… 唔係佢哋囉多左野, 係你囉少左姐 先生, 呢個係M 形社會 ar !!!
[版主回覆05/29/2011 01:59:00]其實私樓遊戲，係睇住ｄ錢，而唔係睇住層樓。 實用率高的舊樓通街都係，偏偏就升得仲少過實用率低的半新樓。
結果又係要一面自我感覺良好，一面又要人地一齊少粒魚蛋先安樂 同埋向上爬就話難o者，向下洗都咁辛苦？ 眼紅既咪返去小爆老細再劈炮，洗晒d身家去搵政府囉，睇下係咪真係咁過癮 連呃福利同真係靠福利接濟都搞唔清