既然筆者不贊成一般人炒樓，然則是否只有低位買等升值套現一途呢？前文已提過加按套現變相十成按揭已是財技的一種，其實是不同變現率(liquidity)物件的轉換：將低變現率資產如物業，變為高變現率如現金或股票。一些人認為加按物業，負債上升，供更多利息給銀行，風險及成本都增加了，他們不明白，現金不放在身邊，而還給銀行，其實就不是現金，不幸失業的話，難到拿還了給銀行的錢供樓？
套了現金，除了買股票外，亦可以用作買第二層樓，或者樓換樓。你有一層樓在手，要買多層較難；但當你買了第二層樓，第三第四就非常容易，因為由一變二是100%，由二變三只係50%，三變四是33%。而且第二層樓開始可以提供現金流，甚至有人買第一層樓就放租，租約期滿就自住結婚，租客已經代供兩年。有個網誌講述如何透過不斷加按，買到十二層樓：http://hk.myblog.yahoo.com/yccft
原本首期不足三成，借二按上車，如何使用樓價升值把二按撇除？筆者想得到的是向銀行申請加按，甚至轉換銀行，但居然有按揭經紀建議出售樓宇再上過車。同一問題有各種方法解決，只是代價各有不同。
換樓也算是財技的一種，先買後賣或先賣後買，向上換還是向下換（比如細換大，或由郊區換到市區），要視乎個人及家庭不同需要，以及最重要的是市況是否配合，難以一概而論。
財技之為物，存乎一心，難以具體說明，但為增加其趣味性，筆者轉載與網友笨發所寫的「置業劇本」：
前篇（笨發）
唉，睇到咁，我唯有將自己壓箱底果招拎出黎同大家分享下，費事大家話我成日一味口UP，無文字紀錄。
一般黎講，買靚樓（唔一定新，舊樓都有靚）就人人都想，低息環境下供款一般都唔係問題，首期係重點。我假設你要買層300萬樓，要籌100個先。我又假定你今年25才，有廿萬鬆D做本金（拿，20萬都無，就諗番用95按買150萬上車盤先）。
呢個時候，你可以用85按買層150萬市區舊樓，以得寶397為例，我最近睇過150萬仲有交易，唔洗點裝修添。咁樣你供20年88按（加保費），每月約供$6,800。放租收到的租金約莫打個和。每月雜費貼1千度啦。
3年後，層樓我當跟通脹升，每年3%，約莫去到165萬，你中間收左的租金，約莫供左16萬本金架喇，即係你只係欠銀行約莫115萬，剩差額有50萬。收租呢3年間（YEAR1-3），我當你每月儲6，7千，即係3年間你又有另一個廿鬆D萬，如是者將之前果個動作做多一次，又一個3年（YEAR4-6）。買第二間時，要考慮埋入息問題，第一間的租金可以計埋，如果你打工月入上到22K，應該無大問題，最多寫埋老婆或老母個名，加大個額。
咁去到你31才，第一層樓只欠100萬，剩差額約80萬（因為跟通賬又升）。第二層你自己計，都係約50萬。呢個時候，你賣Q晒果兩層樓，一共收番近130萬，扣番通賬，購買力同今日的100萬差唔多。
呢6年間，你做過D乜呢？
1.係YEAR1-3，每月儲6-7千，如果一個人月入15K度，又有決心，我相信唔算太難儲。
2.YEAR4-6，你每月鍾意既可以KEEP住儲錢要黎結婚，唔鍾意可以大洗D。
3.係6年裡都努力工作，搏人工會持續有升幅到22K度，我諗大多數大學生都做到。
係咪好辛苦呢？？我又真係唔覺，我諗真係是但一個收入OK的打工仔只要有計劃按步就班都已經可以做到，而且完成買靚樓的願望時，都係31才，我諗一D都唔算遲。
當然，你可以話我假設左未來6年息口無點升同埋通脹係3%咁上，中間亦都無走租。。。。ETC
真實世界當然唔會係咁，問題係你做任何計劃都一定要有「假設」，即使月供5仔都要假設佢長期上升先會供啦，唔通長期下跌你會去供乎？？
後篇（脫苦海）
咁續埋31才之後做乜：
當時發展商有個PLAN，正價加10%，發展商比返7%回佣，即係話借多左銀行錢，但現金又多左，只需囉26%(1×110%x30%-7%)約五十萬首期出來。
如是者六年，金融危機前夕，出界王拳向銀行借多五十萬，等如囉返晒首期，十成按揭。
一年之後，見到係單邊市，用長成交期買多間，首期15%係六十幾萬，只係貼多十零萬。
大半年後賣左舊果間，大約賺左五十萬，隊埋落去，又係大約零首期，換大一倍，由於用H Plan，供款只係多千零蚊，而呢大半年內，新果層又升左大約五十萬，預備遲ｄ用界王拳買多間黎收租，供平過租可能仲有錢袋。
以上劇本純屬虛構，有如雷同實屬巧合。
如果個四份之一既三成係用黎買藍籌, 我做乜唔直接去買盈富基金, 要去俾多幾倍管理費經基金經理去買。 幸運阿星獲天降橫財 4,000多萬元，應如何運用？美國萬利理財總裁張佩儀表示，若不懂得運用隨時會「搣吓搣吓」就花光，打回原形，她建議阿星將獎金分四份投資和花費，估計每月穩賺 10萬元，下半生安枕無憂。 張佩儀分析稱，阿星現年才 32歲，必須好好計劃投資，保本增值是最基本要訣。她建議可以將這筆 4,450多元的獎金分為四筆…… 另四分一金錢交基金經理幫手投資，用七成來投資高息債券，三成投資藍籌或穩健性股票 ，若每年有 8至 10%回報率， 10年後已能將本金翻近倍。
[版主回覆05/22/2011 17:22:00]其實佢都係最應該買樓，咁多人知道佢中六合彩，親朋戚友排住隊黎有借無還喇！
用呢種方法不斷加按，的確可以借力打力，不過一睇錯市，一個金融海嘯打埋黎隨時死。 就算有銀行加按後的錢頂住，真係要睇下頂到幾耐。我諗一層一層咁買會穩陣D~
[版主回覆05/22/2011 21:57:00]加按之後就係遇上金融海嘯，無事 關鍵在於：buffer夠唔夠
脫兄轉行寫劇本嗎？
一畢業出來就買樓嗎？看來人生最大願望都放在從樓市中取利？亂博初出道時是會計行，貪圖人工高，人工雖然跳升得快，但做了兩年後覺得會計不適合自己，再轉行返回自己讀的科目的行業，即經濟司，轉行時，人工是下降的，從來沒有後悔當時減人工轉行，因為很喜歡這行。如果一出道就買樓，大概就不會選擇減人工轉行了。如果當日沒有轉行，今天也不會認識脫兄了。
想講的是初出道就決定買樓，是否太快將人生定格？
[版主回覆05/22/2011 22:00:00]筆者畢業後第二年就買樓，不過由做第一份工起計，係七年後，或者炒股票之後的八年。 大多數人的人生定格是做邊份工，或者做邊瓣生意；有些人的人生純粹係累積財富。
我覺得撇除興趣，工作轉變等，早D計劃總比遲醒好。一層按一層最好有隨時甩身嘅計劃和籌謀，又要趁經濟一直要向好及低息。現在2010年中，加息消息不斷，睇嚟難玩D!
[版主回覆05/22/2011 22:02:00]唔係難玩，係越來越無得玩，可以玩第二樣 家下股市咁低迷，係因為無錢，國內無錢，吸晒香港ｄ錢（包括存人民幣） 人人無錢的時候你有錢，你就可以做好多野了
睇啱市就是累積財富吧！睇錯市，個人的供款能力長遠能否提升是否應該忽略？
[版主回覆05/22/2011 23:25:00]睇ｏ岩睇錯都好，buffer夠大就唔駛死，涯過又一條好漢 事業成功人工高當然好，不過多數都係理財不善，因為已經沒有時間。
想問下上面個case八成半mortgage點樣放租? Thank you so much
[版主回覆05/22/2011 23:28:00]現在已經唔可行，收租物業最多只能做六成 那個已是幾年前的故事
Buffer 夠唔夠係關鍵. 我都一直認為一個人成唔成功唔係好景可以賺幾多, 主要係逆景可以守幾耐. 另外想請教下脫兄, 941 點睇?我之前買左3手. 70.X
[版主回覆05/23/2011 08:12:00]941係變相的公用股，重點係收幾多息 升唔升得多，跌又唔跌得多
我覺得不斷加按要係低息夾樓市低位向上升或在樓市中期才可以實行, 低位時可以加按買多一間收租, 但好似到現在樓市高危,加按只是等跌市又或者用來保命, 如果利息高企,加按未必係一個好方法
[版主回覆05/23/2011 18:40:00]皆因現時股票真係平
現在已經唔可行，收租物業最多只能做六成 >>> 脫兄, 乜E家唔係, 收租樓只可按五成???
[版主回覆05/23/2011 18:38:00]對，只有五成： http://the-sun.on.cc/cnt/finance/20110101/00436_017.html http://www.hkdailynews.com.hk/finance.php?id=75435
buffer夠唔夠是指你是否有deep pocket守過難關，能夠deep pocket，一係你用之前賺幾多頂，一係就用你嘅供款能力去頂，一層疊一層買，如果人工長期停留在萬幾兩萬蚊，又點挨？呢個就係我的意思，供款能力長遠應該提升。
[版主回覆05/23/2011 18:39:00]絕大多數人，都係人工長期停留在萬幾兩萬蚊，我們就是要為這些人想辦法
不斷加按不斷借錢買野只會制造自己變負資產, 現時加按吐現係要增加自己 buffer,等跌市時才運用, 搞錯咗就死得人
最大問題要諗就係吐現舊錢擺邊好
[版主回覆05/23/2011 18:38:00]梗係喇！呢一招唔係隨時都用得
買了這書，我來背書的！P.61筲箕灣西灣河碼頭海濱三大屋苑，鯉景灣部份單位沒有窗台，逸濤灣有窗台沒有環保露台，嘉享灣則兩項都有；柴灣杏花邨只有小窗台…..暫時背到這裏，下次再背！本書寫得很子細，很精彩啊！
想講鯉景灣，嘉享灣，杏花邨有相若細面積單位，但咁上下建築面積600幾呎，鯉景灣最實用，主人房已經可有套房，相比嘉享灣啲房很細。杏花邨在潮濕日子就好潮濕。
[版主回覆05/23/2011 22:19:00]多謝，諗緊好唔好寫一本更加仔細的
多謝分享,會慢慢看及吸收
本人父母現居住公屋多年,想請問現在將公屋歸還給政府,再以綠表購買居屋是否正確?想購買近石蔭邨的寧峰苑。
[版主回覆05/24/2011 22:52:00]如果為居住，公屋與居屋的建築質素分別不大 如果為投資，居屋並不是好的選擇
脫sir:
我今年2月加按層樓,H+0.75 p-2.75, 共套127萬,供40年. 我想買多層樓,想full paid第二層樓,因為人工無可能再去借貸,現在應該怎樣做,才能保存這筆錢的實力. 抵銷借貸的利息,不知道是否可以等運到?
Thank you.
Jennifer
[版主回覆05/29/2011 06:46:00]香港的公用事業，是真真正正政府保佢地一定賺錢，當中2號中電及6號港燈，是長年派高息且股價穩定。
借問聲，何為單邊市？
[版主回覆05/29/2011 06:47:00]一路升不回頭，就是單邊升市 一路跌不回頭，就是單邊跌市
「一年之後，見到係單邊市，用長成交期買多間」…
即係單邊跌市，買家有bargaining power去抓長成交期，係唔係咁o既意思？
[版主回覆05/29/2011 20:57:00]樓平時，連一手樓都有長成交，二手到時無長成交期
有度睇唔明 85按可以收租咩??
[版主回覆05/29/2011 20:42:00]
現在已經唔可行，收租物業最多只能做六成 那個已是幾年前的故事
謝謝意見! 那要多付一年租金, 以你見解, 有機會何時入市呢? 其實以我住的屋苑, 去番上年這時候都相差3成! 有點擔心將來, 故舉棋不定!
[版主回覆06/13/2011 19:51:00]筆者估計這一浪樓市在2012-2013見頂，因為新供應將會到時出現。