石油分析員如是說：http://lionrockhk.blogspot.com/2010/03/blog-post_10.html
求富豪不要玩草民
孫柏文 – 獅子山學會研究部總監,AM730(投資M29-大明燈,2010.3.10)BEACON
1995年6月，孫柏文中學畢業。暑假期間，參加咗我住嘅選區立法局議員陸恭蕙嘅選舉拉票團。喺選舉期間，我收到我嘅A level成績，結果係入唔到大學。當時，我非常徬徨，不過，陸恭蕙議員就好好人，安慰我及同我分析出路，鼓勵我重考、再報大學。
諗番起，都真係令我好感動。因為任何參與過選舉拉票嘅人都知，喺選舉期間嘅幾個禮拜，拉票團上上下下，腦海中，只會有一個議題，就係如何令自己支持嘅候選人贏出。
嗰次，陸恭蕙議員抽出寶貴嘅時間，同精神幫我諗我嘅未來，我真係非常感激。
之後陸恭蕙勝出，佢亦好好人咁收留我，做佢社區辦事處嘅見習生。咁到1995年尾，有次我去咗我最鍾意去嘅茶餐廳度，麵包師傅從廚房走出嚟，搵我話：「喂肥仔，你係咪幫議員做嘢？」我話係，咁我哋就開始傾偈。
原來，間茶餐廳係當年啲員工自己夾錢搞，麵包師傅亦係股東之一。當時，生意非常好，所以員工諗住再夾錢搞擴充，師傅亦想夾，不過，佢話攞唔到啲儲蓄出嚟，問我點算。
原來，佢喺80年代尾，買咗「居者有其屋」，做十年按揭。到95年已供咗7年，差唔多供完。不過，佢唔明嘅地方係，佢已經還咗咁多本，點解想做二按，攞錢出嚟都唔得？
當時我乜都唔識，所以返辦事處，問啲同事點解。
後來先發現原來買居屋的人士，唔等於做業主，冇錯，你有好多做業主嘅假象，不過，當你行使財產擁有者嘅權利時，例如自由買賣、放租、做二按融資等等，就乜都唔得，除非你「補地價」。
咁如果要補地價先做真正業主，居屋根本係英國佬發明嘅財技，去綁住香港人。
買家要面對「補地價」，先可享受做業主嘅核心權利，就有如買股票有折扣，不過，收息或賣出股票時，要俾番差價。最慘，就係好似嗰位麵包師傅咁，辛辛苦苦儲埋嘅資金，狠狠地被鎖死。
究竟麵包師傅最後賺少咗，抑或唔使蝕，唔係我最關注(佢結果係賺少咗好多)。我最擔心嘅係，每一間香港大企業，都係由一間細公司起家。
究竟由居屋出現之後，有幾多間今日會變咗成大公司嘅企業，因為個創業家暨居屋買家，因為資金鎖死而冇出現？
又有幾多間老牌公司，因為冇咗呢啲競爭對手，繼續可以逍遙地經營？
就係因為有好多富豪第二代，知道呢啲潛在競爭嘅可怕，呢幾日就聽到佢哋講支持復建居屋。
富豪們，我求求你哋，唔好為保自己永遠嘅權貴利益，去要求復建居屋，玩死我哋呢啲草民。
原來富豪驚你開公司打殘佢地個仔，所以支持重建居屋。咁地產商賣天價毫宅，睇怕又係為下一代著想，佢地一定係搵人囉支槍指住ｄ人的頭，一定要做業主！
咁難諗都比佢撚到，石頭都鑽得出石油。
精算師則如是說：http://www.am730.com.hk/
７３０視角 張俊笙
從事精算工作，喜歡讀萬卷書，行萬里路、感受身邊的事與物。
瘋狂的樓價
約半年前，某半山豪宅呎價七萬多元，成為全世界呎價最貴的地方；除了豪宅，全港大部分樓價亦已回到金融嘯前的水平，並直逼九七年的歷史高位；而剛在元朗發售的新樓盤，呎價竟然高達五千多元。究竟現時香港的樓價，是否已到了瘋狂的地步呢？在這用一個簡單例子，感受一下香港現時的樓價是否合理。一對二十八歲的新婚夫婦打算置業，他們月入各兩萬元，已超過香港入息位數。假設他們聽從曾特首建議，在新界用四千元呎價買一個建築面積五百方呎的單位（以現時香港實用面積比率計算，實際空間只有三百五十多呎而已），連律師費和佣金等雜費，再加簡單裝修傢俬電器共二十萬元，他們的愛巢成本一共二百二十萬。他們節衣縮食，每個月儲起二萬元，十年後，到他們三十八歲的時候，他們終於可以築起愛巢，有一個他們的家。可是未來十年裡，要麼他們先住在父母處，要麼暫租住房子。
他們打算間銀行借錢，先努力儲四年錢付首期，再做七成按揭，分十二年還款，到他們四十五歲時，便完全擁有這愛巢了。可恨那時候，庸庸碌碌大半生，只能擁有一間超過二十年樓齡的斗室。這樣的樓價，合理嗎？以上的例子只是假設他們能每月儲起收入一半，並且確保他們往後十年收入穩定，在經濟蕭條時，沒有受減薪裁員等影響。另外，已沒有計算他們生小孩子的成本以及一切供書教學沉重的費用。
這樣嚴謹的假設，才能確保五十歲前做一個沒有負債的業主。他們最終打消了置業的念頭，可惜他們已起過公屋的入息限額，政府又已停建居屋。他們無奈地先暫租住地方，每年提心吊膽恐怕業主瘋狂加租，每年要收拾細軟，費時費力搬家。
一對新婚夫婦，只想找個陋室擋風雨，做隻有殼蝸牛罷了，可是原來卻那麼困難。
香港有一半人住公屋、居屋或夾屋，住私樓的人佔另一半。咁，收入係中位數的人，咪應該係收入最高的公營房屋住戶，或者係收入最低的私樓住戶囉。銀行明明比人按三十年，明明可以九五按，明明供樓可以供到六十，又明明政府無話唔比人換樓，點解一定要跟張先生的「嚴謹的假設」，以便確保五十歲前做一個沒有負債的業主？
所謂螻蟻都尚且偷生，人人都扭盡六壬諗辦法買樓，係有ｄ人想方設法令到其他人「覺得」自己買唔起樓。係囉，香港點解有咁多人買到樓？生數計到成死，果然精打細算。