今天看到一篇代中產及八十後發言的文章，全文請到下列網址：
http://www.hket.com/eti/search/article.do?id=3b5ece39-4f6e-410c-bf69-2ddb0885cac5-846163
以下是筆者節錄想討論的部份：
不管你如何有才華，倘若你不懂或沒有膽量參與資產運營這個遊戲，在適當時候買入樓宇，然後又在適當時候下車，你始終不會有一個decent life。
一位移居香港的韓籍年輕設計師如何在兩年多內以手持約20多萬港幣，在樓價不斷上升的兩年內套
現了約160萬元現金，袋袋平安。對一個80後來說，160萬元現金是一個頗大的數目，可以算是一個decent
life象徵。而這正正是資產運營的結果。
因此特區政府必須明白上車不光是安居的問題，也是如何有效保存財富以至為財富增值的問題。
對已上車的中產者來說，樓價也是一個揮之不去的夢魘。因為經歷過自1997年至2003年的通縮期，樓價可以自高峰期下滑達60%，而最苦不堪言的是，你層樓可以不斷貶值，但你的按揭債務不會貶值
內地有錢人大舉把資金投入香港，復因人民幣升值，內地人士等於以八五折買香港樓
資產風暴的破壞力，是一眾中產者最擔心但是又無力控制的情況。中產者不指望特區政府能做多少，但能否在資產狂潮中自求多福，中產者其實心中充滿了忐忑！
明明知道用甚麼方法去過decent life，偏偏又要說如何有才華都不能做到。有如說不管你落幾多鹽，碗糖水都唔會變甜的！政府無論點幫，都不應變成幫人做資產運營，不是中產或八十後有此主觀願望，就變成理所當然。贏左袋落袋，輸左公家埋單？
而那些上了車置了業的人，又要這樣那樣訴苦，其實好簡單：無能力上車的人無得揀，有能力上車的上咪唔上車，或者上左之後落返黎囉！如果那個個案的主人翁是量力而為，即使1998年買落又如何？如果一心一意是置業安居，樓升樓跌都唔應該係問題。如果想做資產運營結果輸錢，咪技不如人囉！關其他人乜事？
人民幣對港元八五折，就可以推論為樓價八五折，那馮先生大可以到日本置業，只需付9%咋！呢ｄ咪係怨到樹葉落無得好怨囉！經濟循環，一如日出日落，春夏秋冬，政府無法阻止，又唔見人怨夏天凍，冬天熱。
自己唔去鑽研資產運營（其實咪即係投資），或者自命無膽，對眼就唔好生得咁紅囉！
d膠人發膠論又駛乜理……..
中原大把人叫政府係唔係都建居屋添啦
[版主回覆09/24/2010 23:50:00]阿馮生成日上左右紅藍綠，代表中產發言
脫兄:
此人是區議員! 文章可能為政治本錢. 哈哈…..
[版主回覆09/25/2010 11:11:00]選舉政治的副作用，就是只要指責當政者，而不一定要提出建議。到真的問意見時，都是叫人從詳計議。
有關人民幣升值等於八五折買樓一點. 大家都知, 人民幣一直面臨升值壓力, 升極都唔夠, 所講既正正是人民幣既價值應該比現在的要高, 只怕仲會長升長有. 即係, 舉例嚟講, 手持一百萬人民幣, 理應可以買百五萬港幣既樓, 但現在只能買百一萬的. 所以根本唔係八五折買樓, 而係十二折買樓.
[版主回覆09/25/2010 11:07:00]日元究係大幅升值，又唔見日本人來香港大量置業？
脫苦海兄抽唔抽從事薄膜太陽能組件生產商既新股 創益太陽能 (2468) ? 我覺得佢 有新能源概念 , 加上受惠國策 , 且營業額及盈利增長快速 , 而估值亦便宜 , 非常唔錯。 ^o^!
[版主回覆09/25/2010 11:07:00]新股欠透明度及歷史根查，所以筆者很少抽
成份野都唔知講佢想乜, 有能力上到車後來又擔憂樓價跌落黎, 唔上車又怕冇機會。。。。呢樣怕個樣, 乜乜 7 7………. 成份野, 咪又係咁講同個賭仔入賭場輸唔起錢: 想買大又怕開小, 買兩邊又怕開 3條6, 唔落注又唔低得人地嬴錢…….. PS: 超! 我夠識得個 c9, 95 年賣曬 d 股票 full pay 買左居屋, 忍得住冇再入場, 安安樂樂養大左兩個仔……. (試問又有幾多人可以比得上呢個 c9 ?? 戰勝嬴左錢之後 ge 心魔, 唔再入場, 笑到最後 ???)
[版主回覆09/25/2010 23:54:00]知足、自量，已經可以幫人少左好多煩惱 但貼得標籤上身，又點會有呢兩樣野呢！
其實如果佢地係想買便宜點既樓,公屋,居屋都已經升晒啦,等呢幾個月先升?
[版主回覆09/25/2010 23:55:00]人地要過decent life，點會同平民百姓一齊住？
小弟路過此處，睇完筆者對文章既回覆，非常認同！
唉 …… 馮某整篇個人感想謬誤處處 , 其中最可笑是所舉 98 年買樓的例子 ~ “ 兩口子的收入幾乎全用到供樓上 ”?! ~ 以此為基礎買樓已經令人覺得荒謬同缺乏風險管理 / 危機意識 , 整件事根本是對夫婦本身的問題 , 要參與炒賣 , 但又沒有勇氣去面對自己賭輸了 ?! 輸了要自殺?! 輸了還想埋怨政府 ?!
而馮某竟還妄想引此例去 blame 政府 , 更令人覺得此人完全缺乏理性思維 …… 此人乃區議員 ?! 民選代表 ?! …… 唉 .
[版主回覆09/29/2010 19:18:00]你問佢，佢咪怨樓貴囉！如果樓價平一半，馮生就會諗只需用一半收入供樓，其實果類死充中產，佢地會去買大一倍的樓。當電話成為小朋友的炫耀項目，大朋友自然就不自量力地買車買樓。