[上車]4.8九龍西上車盤──油尖旺區、深水埗區

市場上成日講「西九」，其實只係一個壟統的說法，例如立法會選舉分界，九龍城區都當埋係九龍西區。不過我地覺得，「東鐵以西」係一個比較好的定義，因為夠明確，總之望到條鐵路就知道係東定西，而且九龍中間係高地，總不成山的東邊，都當係九龍西掛？

九龍西係近年樓價表現比較突出的地區，九龍站的物業萬萬聲一呎，就算奧運站都要七八千或以上，再就算半新的四小龍或者港灣豪庭都要五六千，原因係交通最方便，有4條鐵路，18個港鐵站，其中一個仲要係高鐵站。雖然佢無港島北岸咁多商業活動，但係交通實在係太方便勒，令到好多區外人都想入黎住。

上車地段

尖沙咀、旺角就算唔係頂級的商業區，卻係購物區，好多人都去果度購物娛樂，因為貪方便，所以在九龍西上車。再加上區內重建項目不算多，從而保留大量分支家庭，令到對上車盤需求有增無減。

上車地段尖沙咀、佐敦、油麻地一帶均是以單幢樓為主，樓齡高，單位數目少，買呢ｄ樓上車容易因為估價不足而失預算，仲要預一大筆錢黎裝修同維修，所以不建議嚮呢一帶上車。

而屋苑式物業比較多集中在深水埗、長沙灣等地方，而旺角、大角咀亦有供應。呢類單位呎數細，樓齡唔算太舊，有部份甚至200萬樓下都買到，所以想嚮九龍西上車就可以多加留意呢幾個地區的屋苑。

有一條街不得不提：界限街，呢條係油尖旺同深水埗兩區的分界線，例如校網、警區，甚至舊九龍的割讓地同新九龍的租借地都係用呢條街黎做界。要留意的當然唔止學校派位或者去邊度報警咁簡單，而係界限街以南仲有好多地方係舊官契地而未到期，所以唔駛交地租又慳一筆。

九龍西雖然校網不入四大，但屬於原油尖區（不含旺角、大角咀）的31區，亦有好多名校選擇，而且校網的遊戲規則係：小學校網由住址決定，中學校網由小學校網決定，即係話32區（旺角、大角咀）的小學，同31區一樣，可以揀KL1，不失為一個曲線獲派中學名校的機會。

大屋苑的細單位

旺角

大角咀

深水埗

長沙灣

二手居屋/夾屋

油尖旺區

深水埗區

出售公屋

脫翁（脫苦海）「公眾號」