有一日，英文先生（唔係用豬仔錢罌風籌錢選台灣話事人嗰個）同歷史先生呻：「我識好多人，但唔係咁多人識我」，歷史先生聽完就話：「我咪又係一樣，唔係人類點會重複犯重樣的錯誤。」
依家讀歷史，仲邊駛背書架，去旅行就得喇！去邊度好？雄安新區就幫到你。唔好以為新區就好新淨，其實雄安新區嘅範圍，即係河北省保定市東邊嘅雄縣丶安新縣丶容城縣都係好歷史悠久的。
汪阿姐剛剛慶祝入行五十年，佢演嘅角色都好深入民心，其中一個就係楊門女將穆桂英，穆桂英系個虛構人物，佢老公楊宗保都係作出來的。咁有沒有真實人物㗎？當然有啦，就係楊宗保個老豆楊延昭，呢位號稱楊六郎的北宋抗遼名將就係「真．楊家將」。想懷緬下楊六郎嘅功績除了睇電視劇之外，亦可以去雄縣參觀下宋遼邊關地道，呢條戰道，系楊六郎負責修建㗎，仲幫手頂住遼國嘅進攻。
古有楊家將，今有雁翎隊！兩者都有一個使命，就係抗外敵！呢隊雁翎隊系1939年成立嘅游擊隊，佢用抗游擊嘅手法對抗日本軍隊侵襲，再藉助熟習冰上同水上嘅優勢，在雄安新區的白洋淀只係犧牲了8人，就成功擊斃同俘獲日軍接近1,000人同埋繳獲大量軍火同軍用物資。想讚好一下雁翎隊嘅功績？唔需要讚好微博的，去白洋淀文化苑雁翎隊紀念館就可以。
仲諗幾時出發？已經好多人去過雄安新區喇，今年「十一」黃金周頭兩日，外地遊客就多過去年1倍有多，唔少游客仲話嚟雄安新區旅遊，可以學下歷史，仲可以搵下投資機會。話曬都係新成立嘅國家級新區，真係又玩又拎！