收窩輪收到怕──胡亂派送並非佳兆(2002-02-23)

為左顧及作者的身家性命財產,循例一句:以下內容純屬創作,如有雷同實屬巧合。前陣子由於法例改動關係,曾經有好幾個月沒有新窩輪發行,各位賭仔望穿秋水。新窩輪一出,人人都爭著真金白銀去買。但如果有人大筆大筆咁免費送窩輪給你,分文不收,換股價比市價低,保證一定可以行駛,是否發白日夢呢?

 

約在十多年前,「增高丸」一系的公司供股供到停不了,可能當事人都覺得不好意思如此乏味,實行搞搞新意思:大送窩輪。例如「棍頭買地」一次過免費送出三種窩輪:一隻幾個月命,第二隻兩年命,第三隻四年命、八八、九零、九二,齊齊整整,平平安安。另外「增高丸」及「支那玩野」亦大送窩輪。全部都係低價行駛,必定有內在值,保證唔係廢紙。市場有人跟風,例如「倒黃」就發過2047年到期的窩輪,祖孫三代都可以代代相傳。

大送特送,是否有利股價呢?當然不是!濫發低行駛價的窩輪,其實只是變相供股,還要是定好時間表,幾個月後供一次,之後每兩年供一次。散戶不供,可以在市場拋售窩輪,大股東多多益善。低價行駛,大幅攤薄資產盈利,派息免問,但董事酬金天文數字,否則如何包足四大名旦?

結果?奸計當然得逞,證監買佢怕,唯有修例,收緊發生窩輪的最高比例及年期。

投資者不應受惑於上市公司的派送,無論是窩輪、紅股、分柝、贈送附屬公司股份等,均要判斷其對於公司或股東是否有長遠利益,玩弄數字遊戲者背後必有所圖,等而下之把公司的資產挖空,往往得不償失。

 

原載:http://www.tokuhon.org

Categories: 投資理財

Tagged as: ,

發表迴響