港女「情話」(2007-02-12)


今日閱報有女主播講最感動的情話,全文節錄如下:

港女:「有朝一日我們結婚,你會將所有收入交給我嗎﹖」
港男甲:「不可能﹗你的(錢)是你的,我的(錢)是我的,家庭開支到時各自分擔。」
港女心道:「此人嫁不得。」

港女:他朝有日我們結婚,你會將所有收入交給我嗎﹖」
港男乙﹕「好的﹗拿去吧﹗」

結論:情話可以很甜蜜,卻不一定能夠兌現。若有人肯為你毫無保留地付出所有,那麼你還在等甚麼﹖

這又令筆者想起早一天的份網上C&P報導:

討論區精華:想釣金先要豪妝自己

「其實男人都好蠢,只要你對他好少少,獻點姿色,錢就手到擒來!」Yuki在she.com給姊妹留下溫馨提示,分享結識有錢男朋友心得。她說要被有錢人看中,首先要提高自己生活品味。打扮是投資,「衣服起碼在500元以上的名牌。」此外要多到高檔場所,如五星級酒店的富豪食肆,才有更多機會遇到鑽石王老五。

樣子是最重要的「工具」,Yuki稱世上沒有醜女,只有懶的女人,醜人可利用化妝品後天補救;內在美則是箍實男人的手段,「千萬別講別的女人是非,這樣不能傷害情敵,還可能適得其反。」也不要隨便與他發生性關係,「要顯示一點矜持,你越高貴,他就越心癢。」

最後一招是適當時候「放電」,Yuki稱此舉很有迷惑作用,Yuki聲稱已用這幾招取得三個太子爺的信用卡。但網友Josephine稱以前曾與一名有錢仔拍拖,男友性格隨和,他的家人卻很難頂,「好多有錢人家族好勢利,入到門都未必係好事。」

原文筆者找不到,卻找到了這篇精彩的貼文:
http://community.she.com/messageboard/?bdid=11&topic_id=1484254

筆者無意討論港男港女的問題,這不是優劣的問題,亦不是比較的問題,而是配對(matching)的問題。筆者會同情地了解,尚蒂所講的「社會醜惡現象」,最主要是港男港女無法做足夠的配對,港女港男國女國男,實在是四個倒轉鐘(dome shape pattern),當港男與國女的配對多於港男配港女及國男配港女時,就會出現「每年平均35000-40000港男結婚,得一半娶港女;20000港女結婚,九成嫁港男。」套用一句港女們好O岩聽的說話:「我地襯你地唔起囉!」

將這一問題下降到個人的層次,如果有個人(不論性別)找不到談戀愛或結婚的對象,不應該武斷地認為是個人質素的問題。一個人成囉男女朋友並不表示這個人有多優越,可能只是這個人要求低甚至隨便吧!又如一個所謂高質素的人(不論性別)總找不到伴侶,亦不應說沒有遇到所謂高質素的對象。筆者很久以前已經想過,時下愛情小說所描述及定義的「愛情」,根本就是古往今來都不曾普遍地存在於大多數人的人生觀中。只是近代人思考流於抽象,甚至抽離,將一些個人的想像當成現實來考慮,當這種空中樓閣遍尋不獲時就感到失望,卻不明白這是人生觀的問題。

近代人的所謂理想愛情觀,根本就容不下功利思想。讀大學時,中哲老師說,愛情就是學習容納異己,容納一個同你完全唔同的人。愛情係無所謂差不差,只有所謂夾不夾。做人有比較,就不是愛情了!他們根本就不是找尋合適的愛情對象,只是想找一個「條件更佳」的對象。有個希臘哲學家,帶學生到麥田,要他們選擇最大粒的禾穗,但一經選擇就無得再選,定只可以一個方向行,不得回頭,結果就係每一個學生都空手而回,因為每一個人都驚會遇到更大的禾穗,而放棄了選擇,以及害怕人與人之間的比較。

目前市面絕大多數人口中的所謂「愛情」,其實只係「人際利益交易」。交易,就要講條件,就要講比較,技不如人就輸比人。何況無論是「愛情」或「人際利益交易」,均是互動的。你當別人是對象,別人何嘗不是找你當對象?你找到了獵物,打低晒所有的對手又如何?你的「獵物」根本就不選擇你,甚至只是當你是自己眼中的「獵物」。金庸《天龍八部》有講天山童姥與李秋水爭奪無崖子,兩人到臨死才發現她們這兩個「叻人」輸了給一個普通的女子。港女們究竟明不明白遊戲規則?

回說「乜都比晒就係愛你」論,筆者會覺得港男甲是誠懇務實,港男乙只是典型的「姑爺仔答案」:「我有乜收入都比晒你,不過我無收入,你去做雞/販毒/偷屋企錢一齊駛喇!」答得咁口爽,一係就係講笑,一係就係順口溜,一係就呃呃騙騙。當一個人要求收取對方全部收入時,究竟有沒有想過以何作回報?還是,錢收晒,對方要收埋d錢黎生活?這種「不問耕耘只問收獲」的想法,筆者認為是「未登帝皇位,先定殺人刀;未結婚,就想定食人隻車」,俗不可耐。

筆者不會覺得這是「情話」,亦無任何令人感動之處。

P.S.下文是某網友的精選回應,筆者認為可算是畫龍點睛的金句:

同我之前講過既哲學者該死一樣

既要做哲者,請接受哲者的命運

反過來說,你唔好理我係一個點樣既男人
但,如果果個女性,都無女性美,只有戰抖美,有工作的優越的話

有o的好老士的愛情故事係咁樣的
就係大老闆搵呢種人做情婦,話同老婆無感情,但永不離婚,話為左仔女喎

sorry,實情係,無論咩男人都唔想俾個名份呢種女人
無人想同呢種女人有下一代,
對個男人而言,等同商業世界,只係去徵服一個對手而以

既然由細到大既訓練,都唔係做一個女人,個天又點會俾個女人命運你呢。

試想像,一個人,讀大學讀到22歲,工作成功,讀master,
呢種人既時間管理和所付出既時間換番來既成就
佢地每日所面對既工作壓力,

佢地既心思,根本就唔係玩緊感情遊戲

點解會有人情願最後搵歡場之人,因為,歡場既女性,7/24都係專心係到玩感情遊戲
菜同飯都有益,但一個人,仲會喜歡食肉的。

世事就係咁樣,所以咩叫平衡

 

10 thoughts on “港女「情話」(2007-02-12)

  1. 你既資料搜集好齊。 近排的張文慈文章必定再次掀起反港女熱。

  2. 我想港女在情場跟港人在職場有差不多的處境,以前競爭少,現在競爭大,要適應。

  3. 張小姐講佢結婚十年,當佢拍拖三年,佢講緊的事已經係13年之前發生的,即係大約1994,佢撇第一個男朋友可能係1992-93,亦即係港女全盛期。 今時今日,仲用翻全盛期的方法面對衰落期,同d父母仲想淨教英文唔教普通話簡體字希望下一代有好日子過一樣無知。

  4. 男 人 揀 唔 落 我 家 姑 歲 晚 去 還 神 , 原 來 曾 經 叫 菩 薩 保 祐 人 到 中 年 的 女 兒 嫁 得 出 。 這 個 時 勢 還 有 這 樣 廿 四 孝 的 母 親 , 真 是 反 浪 潮 。 前 衞 老 人 可 不 是 這 樣 的 , 她 們 叫 女 兒 慢 慢 來 , 明 明 揀 唔 落 手 就 算 數 。 老 姑 婆 經 濟 條 件 好 學 養 佳 人 際 關 係 和 諧 , 明 明 樂 得 單 身 舒 爽 自 由 , 不 必 勉 強 湊 合 。 幸 福 不 一 定 要 雙 數 , 單 身 女 子 自 置 公 寓 閒 時 招 呼 阿 媽 high tea 傾 心 事 不 知 幾 好 , 嫁 出 去 反 而 要 花 盡 心 機 討 人 家 的 老 母 歡 心 , 忽 略 了 自 家 高 堂 。 嫁 出 去 的 女 兒 是 潑 出 去 的 水 , 老 母 親 跟 女 兒 感 情 深 厚 , 捨 不 得 潑 她 出 門 , 老 來 從 女 , 假 如 有 兩 個 未 嫁 的 女 兒 傍 身 , 組 成 一 個 無 代 溝 的 墟 , 這 就 叫 做 行 晚 運 。 女 子 不 是 愈 來 愈 功 利 , 只 是 男 人 不 自 強 , 揀 來 揀 去 , 寧 願 揀 陪 阿 媽 終 老 。 你 反 駁 是 我 歧 視 眼 , 可 是 , 翻 開 報 章 , 二 世 祖 什 麼 少 的 那 些 品 種 , 你 願 意 委 身 嗎 ? 求 其 撞 上 的 , 不 是 花 心 蘿 蔔 就 是 裙 腳 仔 , 調 查 說 香 港 男 人 三 字 頭 仍 然 攤 大 手 板 問 家 要 零 用 。 逆 子 粗 口 粗 腳 要 錢 不 遂 拳 打 老 媽 的 新 聞 時 有 所 聞 , 最 近 一 樁 最 為 人 不 齒 。 這 種 死 仔 包 , 沒 做 好 兒 子 「 這 份 工 」 , 對 阿 媽 不 敬 的 男 人 , 怎 會 對 另 一 個 女 人 好 。 要 精 叻 香 港 女 子 嫁 這 樣 的 賤 男 是 會 遭 受 天 譴 的 。 問 女 人 , 香 港 地 有 無 好 男 人 ? 調 查 必 須 用 測 謊 機 一 試 , 女 士 們 再 難 死 撐 , 查 實 個 個 身 邊 都 有 難 搞 的 伴 , 兩 個 人 的 小 型 集 體 回 憶 乏 善 足 陳 , 能 將 男 人 當 天 星 碼 頭 鐘 樓 般 推 倒 就 好 了 。 quote from 陳也 @ 15 – 2 – 2007

  5. 媽媽結婚了,生了兩個女兒,老來有人伴 女兒沒有生孫兒,媽媽去後誰來伴?

  6. 星 展 職 員 「 穿 櫃 桶 」 126 萬 追 女 仔 3 月 內 59 次 偷 客 款   判 囚 22 月 人 財 兩 空 【本 報 訊 】 曾 獲 最 佳 客 戶 服 務 員 獎 的 星 展 銀 行 職 員 , 聲 稱 為 滿 足 女 友 購 買 名 牌 手 袋 及舉 辦 婚 禮 , 欲 憑 賭 博 籌 得 老 婆 本 不 果 , 竟 鋌 而 走 險 , 於 3 個 月 間 59 次 「 穿 櫃 桶 」私 吞 客 戶 入 賬 錢 達 126 萬 元 , 終 被 客 戶 揭 發 。 涉 案 職 員 早 前 於 區 域 法 院 承 認 欺 詐 、盜 竊 及 造 假 賬 等 六 項 罪 , 昨 被 判 入 獄 22 個 月 。 辯 方 指 被 告 女 友 已 遠 走 高 飛 , 只 遺下 屬 於 二 人 的 相 簿 。   記 者 : 楊 家 樂 34 歲 被 告 吳 穎 輝 任 職 銀 行 17 年 , 在 星 展 工 作 10 年 , 案 發 時 駐 長 洲 分 行 , 現 已 被 辭 退。 辯 方 昨 指 本 案 令 人 悲 傷 , 被 告 本 是 好 人 , 奈 何 其 女 友 常 苛 索 物 質 享 受 , 又 因 她 來自 破 碎 家 庭 , 渴 望 盡 快 結 婚 組 織 新 家 庭 , 被 告 月 入 僅 12,000 元 , 卻 因 女 友 的 父 母已 離 婚 , 需 準 備 兩 次 婚 宴 , 於 財 政 困 難 下 犯 案 。 辯 方 指 被 告 女 友 於 事 發 後 , 不 但 未有 扶 持 準 夫 婿 , 更 帶 走 被 告 家 中 財 物 , 遠 走 高 飛 , 僅 留 下 二 人 的 相 簿 。 尚 欠 70 多 萬 恐 難 歸 還 暫 委 法 官 鄧 立 泰 昨 判 刑 時 表 示 , 明 白 被 告 的 處 境 , 但 滿 足 女 友 並 非 犯 案 藉 口 。 被 告行 為 明 目 張 膽 , 違 反 誠 信 , 案 情 非 常 嚴 重 , 被 告 尚 欠 銀 行 的 70 多 萬 元 亦 恐 無 法 歸還 , 但 考 慮 到 被 告 坦 白 認 罪 顯 示 悔 意 , 沒 有 案 底 , 態 度 合 作 , 故 酌 情 減 刑 。 案情 透 露 , 被 告 於 05 年 10 月 至 06 年 1 月 , 趁 客 戶 入 賬 後 向 上 司 訛 稱 打 錯 資 料 , 要求 上 司 取 消 交 易 , 上 司 不 虞 有 詐 , 結 果 被 告 成 功 從 21 個 戶 口 , 59 次 偷 取 款 項 , 涉款 126 萬 元 , 當 中 包 括 幼 稚 園 學 費 ; 被 告 又 拿 去 櫃 位 錢 箱 內 的 兩 萬 元 。 被 告 本 打 算手 頭 稍 為 鬆 動 , 便 將 錢 存 回 客 戶 的 戶 口 , 隱 瞞 犯 案 , 但 最 終 有 客 戶 入 數 後 發 現 要 過幾 日 才 能 轉 賬 , 亦 有 客 戶 發 現 入 錢 後 款 項 不 翼 而 飛 , 案 件 曝 光 。 被 告 於 警 誡 下 表 示, 希 望 賭 波 和 賭 馬 贏 錢 後 填 數 , 奈 何 涉 款 最 終 輸 光 。 案 件 編 號 : DCCC1180/06

  7. 中有呢篇  
    極 品 港 女 自 白 書
     
    [Blocked Ads] 靚 女 主 播 張 慧 慈 亞 視 擔 正 時 已 好 多 是 非 , 試 過 收 避 孕 套 恐 嚇 信 , 又 有 瘋 狂 fans 網 上 發 放 「 江 湖 姦 殺 令 」 , 估 唔 到 家 佢 唔 做 幕 前 , 淨 係 靠 支 筆 都 可 以 成 為 話 題 女 王 。 前 排 佢 自 己 個 報 章 專 欄 寫 篇 〈 愛 的 承 諾 〉 , 話 男 人 肯 畀 晒 錢 佢 先 嫁 得 過 。 文 章 俾 人 網 上 轉 載 , 成 千 上 萬 網 民 狂 插 佢 貪 錢 兼 膚 淺 , 封 佢 做 「 極 品 港 女 」 。 噚 日 八 方 打 電 話 慰 問 佢 , 佢 又 唔 講 金 , 轉 講 心 咯 。 張 慧 慈 話 讀 大 學 時 問 初 戀 男 友 , 結 婚 會 唔 會 將 全 份 人 工 畀 晒 佢 , 個 男 仔 好 老 實 , 一 句 到 尾 「 冇 可 能 。 」 張 慧 慈 飛 佢 ; 畢 業 後 佢 有 新 歡 , 又 咁 樣 考 驗 人 , 呢 位 仁 兄 醒 目 , 一 口 話 : 「 好 , 你 去 啦 ! 」 結 果 張 慧 慈 嫁 畀 佢 。
    表 面 講 金 其 實 講 心
    張 慧 慈 形 容 呢 句 話 係 佢 聽 過 最 sweet 情 話 , 不 過 好 多 人 唔 係 咁 睇 , 反 寸 佢 「 畀 埋 條 命 你 好 冇 ! 」 張 慧 慈 噚 日 講 起 有 激 動 , 話 篇 文 章 表 面 講 金 , 其 實 深 層 意 義 係 講 心 , 唔 好 斷 章 取 義 。 「 佢 畀 晒 錢 你 即 係 信 任 你 , 我 諗 好 多 人 都 睇 得 出 ! 」 佢 仲 話 , 結 婚 10 年 來 老 公 真 係 交 足 貨 畀 晒 錢 佢 。 多 年 前 佢 個 腎 有 事 , 老 公 仲 個 個 禮 拜 陪 佢 返 大 陸 醫 , 陪 足 一 年 ! 呢 個 咁 抵 得 諗 男 人 係 邊 個 ? 八 方 開 估 , 就 係 《 壹 仔 》 前 記 者 何 偉 光 。 兩 公 婆 家 自 立 門 戶 搞 培 訓 , 八 方 認 為 最 好 人 夫 妻 相 處 之 道 , 淨 係 做 女 人 生 意 都 掂 。

  8. 辯 方 指 被 告 女 友 於 事 發 後 , 不 但 未有 扶 持 準 夫 婿 , 更 帶 走 被 告 家 中 財 物 , 遠 走 高 飛 , 僅 留 下 二 人 的 相 簿 。 笨蛋的結局

  9. 陳也的老公就係尊子,睇尊子畫d野就知係個大細路來架啦….

發表迴響