好耐無在網上劃圖，因為單邊市無乜好劃，劃黎都無用。如果話升，人地會話：「車！係人都知升喇！」如果話跌，一段時間後又會比人「吉光片語」話：「車！呢條友幾時幾時話跌，聽佢支笛仲唔輸到跳樓！」

好多時睇圖係捕捉趨勢，同埋睇下以後的趨勢有無轉變，需唔需要改弦易轍。由2003年至今是大升市，一浪高於一浪，既然沒有跌破前浪頂，即是一浪高於一浪的趨勢無改變。當然，會有人認為等到跌破時已經太遲，但事實上就係咁睇。

 

 

既然如此，不妨估計一下這調整浪的幅度。現時上升軌大約在21000點左右，而今年內曾經試過兩次到達21000點而不破，後來才以裂口衝破。筆者假定在升破21000後大市建立新的徘徊區，如視之為派發區，不足兩個月又派得乜野出來？所以筆者估計只要守住21000，由21000至23500的徘徊將繼續落去。

 

這個徘徊區又大約用多少時間突破呢？大家可以看到下一級的徘徊區大約在18500-21000之間，如由2006年11月計起，徘徊區長達7個半月。如假定現在的徘徊區的長度相若，則時間至2008年2月。以形態計，短期內恆指可在約21500見底。

大家不禁要問：「為甚麼你認為徘徊區要是2500點高，長7.5個月呢？」答曰：「股市分析往往是subjective & arbitrary。」