一個嚮西貢，一個嚮九龍塘，起個宿舍嚮馬鞍山？
咁城大同港大係咪要在老蘭或者外國記者會附近起翻間？
讀大學點解一定要住宿舍？教育界人仕可以列舉多個教育理論，實際上條數邊個比？宿舍不足是否可以cut學位？橫掂好多學生都唔係港人。
http://www.mingpaonews.com/20081218/gfb1.htm
教局擬建「聯宿」解八大宿位荒 2008年12月18日
【明報專訊】大學宿位一直嚴重不足，2007/08學年，8間大專院校共缺2400個宿位，教育局向立法會透露，面對2012/13學年大學實施四年制，學界將額外需要2100個宿位，故教育局計劃興建「聯合宿位」。科技大學及浸會大學已籌劃合力在馬鞍山興建聯校宿舍。
上學年共欠2400宿位
在2007/08學年，8間大專院校原本共需要30,500個宿位，然而實際供應量只有28,100個，即尚欠2400個，其中以城市大學最嚴重，缺1228個宿位。
教育局長孫明揚昨日以書面回覆立法會議員張文光提問時表示，教育資助委員會資助的院校正積極籌劃四項宿舍計劃，預計計劃落成後可額外增加約3400個公帑資助宿位。而面對2012/13學年大學四年制實施時，學界額外需要2100個宿位，教育局亦計劃興建「聯合宿位」，初步物色了兩處選址。
城大偕科大浸大建聯宿
除了教育學院及嶺南大學沒有面對宿位短缺問題，多間大學都為宿位籌謀，欠缺宿位最嚴重的城大發言人表示，已與科技大學及浸會大學籌劃在馬鞍山興建聯校宿舍，預計2013年落成，屆時城大可享用780個宿位。
張文光建議當局將空置的政府宿舍及物業用作大學宿舍，包括已空置、有191個單位的前堅尼地城警察宿舍B座。孫明揚的書面答覆指大部分政府宿舍物業已另有規劃用途，並不適合發展為學生宿舍。
Infact there are no rooms for exchange students currently, they have to lease in other places like prince edward, however the condition is not that good and the price is not affordable for some exchange students. There is reli urgent needs for hostel, but the location in Ma On Shan may not be good is ture.
[版主回覆12/19/2008 07:45:00]官僚的典型行為係：不斷擴展來佔有更多資源，不惜製造匱乏的「假象」。點解話呢ｄ係假象呢？目前大約有18%的同齡人仕有機會接受大學教育，皆因前朝有人希望增加至六成至八成，其思維類同七成人置業或每年興建八萬五個住宅單位，是先幻想需求再製造供應，然後又要求更多社會資源。
越多人能接受大學教育，一如越多人能自置物業，甚或越多人可以接受綜援，是無可抗拒的誘惑，令到大部份人的眼睛被蒙蔽：資源是有限的，社會上有更迫切的需要。比如說香港專上教育已過度膨脹，尤以師範教育因人口老化而要作出限制，結果必定是被千夫所指──官僚以至學僚自有其一套理論合理化其既得利益，無視現他們得到的已經遠超社會需要，還要繼續行「補鑊法」。
如果資源是無限的話，他們是對的，對他們來說亦一樣：大多學生，咪申請多ｄ撥款囉！
交換生冇宿位
唔應該係唔夠宿位既問題
而係分配宿位既問題
[版主回覆12/19/2008 23:20:00]交換生無宿位，咪收少ｄ囉！本地生係都要住宿舍，駛唔駛第二時出黎做野公司都提供宿舍？
香港教育用左大量資源，可惜本地學生讀大學嘅比例卻少得可憐。 所謂嘅國際化，收埋收埋九成大陸人，或者係香港考唔到高考就走去外國考試再返黎嘅「外國學生」。 專家口中所謂嘅舎堂教育漸漸名存實亡，內地生進入舎堂，很少會跟本地人交流的，越來越少人去支持呢套教育方法，結果宿舍咪變做高級酒店囉。 雖然話內地生要俾全費，但佢地比果筆都唔知夠唔夠學費嘅一半，再加上好多無形成本 (eg. 教授時間/學位限制) 。其實佢地黎度會唔會促進國際化? 如果要學費部分納稅人出錢的話，咁係咪應該考慮下用之於民，放係其他地方度? (例如放係中學小班教學，等佢地唔洗殺校殺到人心惶惶)
[版主回覆12/19/2008 23:19:00]五年前已經看到殺完小學殺中學，今年開始倒數，如果唔殺大學的話，外地生在五年內多過本地生。
有人說: 大學宿位是培養人際網絡的. 若没有做過宿生, 這方面會差些. 我没有這方面的經驗. 然否??
[版主回覆12/19/2008 23:17:00]小弟讀過一年宿舍咁大把，唔見得有何幫助，同層仲有一班練仙潛水艇。
香港教育界人士真係好Ｘ醒嫁．．．一個咁準確嘅中間點都比佢地「算」到！
[版主回覆12/19/2008 23:16:00]都唔夠中大醒：Grand Hyatt就在門前，又有火車站，宿舍可以起嚮羅湖或落馬州、皇崗、水圍！
香港要向台灣急起直追, 實行教育大躍進 ! 台灣人口二千三百萬左右, 有公私大學共 145間,按此比例, 香港起碼要開多 30間以上公私營大學, 唔係會畀台灣人笑架. 到時港台兩地絕對係世界最先進地區, 掃街都要副學士資歷, 學士可以做送外賣, 茶餐廳企堂, 資質高啲就做銀行 teller, 想做銀行經理就起碼要碩士以上連帶三四個專業資格, 國際金融中心地位, 誰可爭鋒 ? 人哋台灣請個廁所清潔工都有學士去應徵啦. 最發都係班高等教育界教職員, 行行企企食飯幾味, 年薪少過一百萬就係忽視高等教育, 不重視培養人才不投資教育, 罪大惡極. 你去問是但一個家長 : 你想唔想你個仔保證有大學讀 ? 冇邊個話唔想, 就算佢個仔係弱智都想啦. 大學畢業喎, 出入中環國金, 置地廣場, 有車有樓, 邊個唔想 ? 邊有家長想個仔去學修理冷氣機, 通坑渠, 做廚房佬 . 至於錢從何來, 關人 x 事. 政府諗掂佢, 總之加稅就冇得傾, 或者去李超人, 四叔, 大瘤屋企抄家就掂啦.
[版主回覆12/19/2008 23:14:00]一開聲話學校係「職業訓練所」，就會有人群起而小之。既然唔可以係「職業訓練所」，自然就沒有成本分析可言，亦無人有權量度他們的效率及成效，即使去量度，亦可以將責任推到學生甚至社會風氣身上，基本上可以話係無敵的。