在一片自稱「第四代人」、「Y世代」的風聲之下，鮮有人認真看待其內容，往往只是自我感覺良好地代入，下文是介紹呂大樂老師《四代香港人》的博客：
http://ballkafka.blogspot.com/2008/02/blog-post.html
1976-1990出生的是「第四代」，他們是香港近代歷史上物質最充裕的一代，但卻不代表他們比任何一代都幸福。金錢、物質都不足以保證他們快樂，因為他們很早已獲得了，而寵壞他們的則是他們的父母，即是戰後嬰兒的一代。
戰後嬰兒深信社會競爭機制，結果他們為了自己的子女，就要越早預備越好。從幼稚園開始，家長已為第四代人裝備，選名校，返補習，上興趣班，無日無之。呂大樂如此說：「香港的第四代跟之前幾代人最不一樣的地方，是他們要面對來自爸媽的緊密監視（較正面的說法，是照顧）。今天的家長比任何一代都重視與子女的關係和建立良好子女關係的理論……他們對子女的關懷是毋須懷疑的。基於關心，他們不願意處於被動，坐視不理，也出於關心，他們決定不容許孩子們走上迂迴曲折的冤枉路。他們打算憑著自己的經驗，給下一代準備一切，幫助子女以高效能和高效率的方式達到目標，這些家長的一番好意，埋下了種種問題。」
什麼問題呢？最大的問題是：家長為第四代人安排得太多太好，「令孩子們少了一種發自內心、自我追求的熱情。」最終，孩子們把興趣班變成滿足成人期望而要完成的事功，把社會服務量化成學生履歷表項目。在他們的成長環境裡，失去了追求自我的自由和空間，現在社會的主流價值是如此具說服力，成人的價值全面塑造了青年人的精神面貌：「現在，衡量年輕人的表現只有一種標準或尺度。年輕人的思想行為越貼近成人世界越好，人生態度越現實，越世故越好。現在的成年人當然也容許年輕一代講理想，但那種理想要接近社會主流的一套。」
所以，第四代人，個性是奢侈品。「跟第四代人聊天時，不要問他們喜歡些什麼，因為對他們來說，這是一個大難題。他們知道別人喜歡他們喜歡什麼，也知道自己不喜歡什麼，卻不能輕易講出內心真正的最喜歡。」
是誰之過？
套用這個定義，演員鄭少秋與沈澱霞的女兒鄭欣宜當之無愧。有系統地看娛樂新聞，可以用高透明度的方法了解人生，鄭小姐克紹箕裘，進入娛樂圈，其成就有限，據知其歌聲不俗，但始終欠缺一份觀眾緣。以筆者觀之，外型可能是原因之一，另一原因是其工作態度：
http://www.hkheadline.com/ent/ent_content.asp?track=news&contid=94789&srctype=n
獨家直擊台慶綵排 遊魂累死人 關菊英當眾鬧爆欣宜
2009年11月20日
年年TVB台慶，一眾小生花旦例必傾盡全力做場Good騷賀六叔，今年關菊英、米雪 兩位阿姐被安排與12位花旦合演打功夫，拳腳無眼，稍一失神，隨時出事，昨午綵排時，有份演出的欣宜因過度遊魂，先令負責翻觔斗的湯盈盈 跳到氣咳，之後又累菊姐差點仆倒，演出唔投入，難怪菊姐當眾指罵，場面極僵。採訪：娛樂組
有高層力，唔夠班的欣宜仍有機拍住關菊英、米雪演出《功夫女將打出火》環節，兩位阿姐做事從不馬虎，故一早到場綵排，舞槍踢腿，有板有眼，態度認真。
湯盈盈怒睥欣宜
只見未醒的欣宜企埋一邊發呆，當導演呼喚12位花旦埋位排舞時，欣宜只須揮動手上旗幟，跟她同組的湯盈盈則要連翻四個觔斗，可惜欣宜過度遊魂而數度NG，跳到氣咳的湯盈盈即怒睥欣宜，然後叉腰怒吼：「你想點呀？」被人呼喝，欣宜即時扮傻，要導演上前調停。
綵排尾聲，米雪和菊姐分別由4位花旦抬起做Ending，誰知負責從後托起菊姐的欣宜企錯位兼無紮馬，累菊姐失重心，險些仆倒，定過神後，菊姐即轉身尋兇，知道是欣宜失手後，菊姐不留情地指罵，全場靜止不敢作聲，亦沒有人敢幫口，咁又係，菊姐咁認真，無非想保障自己演出時的安全，欣宜又真係唔抵幫。
筆者有時看電視，見到某些藝人的工作態度，例如在黃金時間內有些小生被人遞咪訪問，偏偏選擇Hea答；美女廚房開場有跳舞環節，例牌Hea跳。
機會在人生之中可以是隨處可拾，亦可能是千載難逢，但機會有天真的找上門來，甚至被人安排塞在手裏，沒有準備的人就會一手渣爆。
鄭小姐為何仍有機會在黃金時間或重要場合出鏡，乃是司馬昭之心──路人皆見，撇除娛樂傳媒的敵意宣傳，其個人又是需要負上責任呢？一年只有一個台慶，表演採排也如此這般，不如找一些自己喜愛或擅長的工作做吧！
同樣道理，自稱「第四代人」、「Y世代」的人，又有否自己想想，還是繼續諉過於人？
或者我將成件事個份簡單化, 但導致今時今日第四代人咁早就 身份危機 (誇張?用錯? 都唔理啦). 大學教育要負起部份責任 如果話中小學只係提供基本知識俾學生, 咁大學應該就係要教曉佢運用呢d 知識o既場所 (先唔好講學習做人處世之道). 可惜o既係而家大學好多時都只不過係另一個填鴨場. 死背完,過晒測驗考試咪又俾張沙紙你? 相比以前o既精英教育 (大中小學, 每關都掃走好多人), 而家呢d 所為普及教育係咪又有著壓倒性優勢呢? 定係應該好似以前咁 – 把關要嚴, 但途徑要多 (夜學, 重讀, 工餘進修)? 等你唔會衰一次就無翻身, 亦無藉口唔去 "搓 my breast", seek best alternatives
[版主回覆11/24/2009 21:04:00]社會大學升班一向都無得讀，而要親手去做，偏偏果ｄ大學生認為自己可以跳過呢個過程，先至係問題
第四代人如何支撐香港將來?
[版主回覆11/24/2009 21:01:00]由國內的第二代來撐
外國大學易入難出。真係會有人畢唔到業。有時有啲學校，RETAKE 得一兩次都唔得。真係會踢人出校。啲人要轉去讀COLLEGE。 香港大學基本上你一定要合格。你個學生肥咗，你本意係為佢好，想佢花多少少時間再讀過，打好基礎。但對自已就唔多好啦。因為學生唔合格教授要寫REPORT。 教得好，學生做得好係唔會升職。 但寫論文寫得好呢，就會攞奬。攞專利。一個唔覺意真係發明咗啲好野，仲可以SPIN OFF 公司發達。 個個教授都唔想再教香港PHD 學生。係中國請四五個有博士學位的教授嚟香港做RESERACH。個個自動波識寫文。仲識得係篇文度加埋自已個名。年底計積分又加幾分。 班中國教授亦樂於嚟香港從新做過學生。因為香港做學生人工比中國做教授高一倍有多。做夠七年仲可以攞埋個香港籍出外教書。 所以點解香港啲大學啲排名升得禁快，但反而啲學生水準就越來越差。 我好少話政府，但高等學育搞成禁就真係關政府事。因為政府批錢重研發不重教學。
[版主回覆11/24/2009 21:00:00]呢ｄ咪係大學game化囉！死左？Inset coin囉！
樓下幾位談及教育. 我記得看過報導, 訪問千間香港中型及大企業對香港本地大學畢業生生及外國留學生的比較, 大部份企業也認為外國留學生較具思考力, 學習能力及創造力; 香港學生則是手腳快,比較拼命. 因此, 除了"英文較好"之外, 企業之所以較喜歡外國留學生, 原因不言而喻. 但, 這又不一定是香港大學的錯. 因為我又讀過另一篇有關美國大學教授對中國(包括香港)海外留學生及研究生的評價, 就是雖然非常勤力, 但創造力較差, 太注重權威, 對前人的發現欠缺質疑的勇氣等等; 偏偏這些, 是發現新事物及新思維的主要力量. 所以樓下談及教育的幾位我也基本認同, 專上教育不應該全都是填鴨式. 但另一方面也必須指出, 香港的大學之所以填鴨式, 與其說是香港大學教育的問題, 不如說香港學生由於一直都在指受填鴨式教育, 所以進入大學之後就會用同樣的學習方法. 只靠大學短短三四年, 就妄想把學生之前十幾年所接受的一套根深柢固的學習方法糾正過來, 平心而論, 談何容易.
[版主回覆11/24/2009 20:59:00]大學本來就唔係職業訓練所，所以由象牙塔行出黎要適應，偏偏ｄ大學又想做職業訓練所，仲要併畢業薪酬添！
呢篇野好野： http://mindtologos.blogspot.com/2009/08/blog-post.html
唔係想反對可可娜娜o既論點, 但講話 "香港的大學之所以填鴨式, 與其說是香港大學教育的問題, 不如說香港學生由於一直都在指受填鴨式教育, 所以進入大學之後就會用同樣的學習方法" 其實係咪本末倒置, 習非成是? d 學生可以用咁o既方法繼續生存, 有問題而不自知, 就係無人敢企出黎否定佢地. 明顯地係 大學系統o既失效, 唔能夠淘汰無進化o既一群. 幾時見過大環境會除一個個體而改變?
[版主回覆11/24/2009 20:57:00]更加大鑊的係：社會大學一樣有填鴨系，務求員工機械式執行指令唔用腦
係大學呢d 相對封閉o既環境可以俾你3 幾年時間去改已經係恩賜; 出到黎做野, 功利d o既老闆可能一個星期試用期就定你生死.
[版主回覆11/24/2009 20:56:00]下集：讀書有排名有邊個第一，做野無過喎！全憑老細想像。
話說我讀書年代試過同教授傾考試問題。呢位係少數有心教學生的教授。因為佢有錢，做野為興趣，唔係為升職加人工。唔洗為HIT BAR而努力。鐘意做咩就做咩。 我問：點解大學生都要做CLOSE BOOK EXAM？ CLOSE BOOK EXAM主要考記憶力。係現實生活中，例如同老細開會要拋書包會好有用；但現實生活中，更多時間係去應用喎。點解學校唔做OPEN BOOK EXAM？ OPEN BOOK EXAM 考PROBLEM SOLVING 能力。你唔洗背，只要見到個CASE識運用就可以啦。 結果教授答我，因為一般情況，OPEN BOOK EXAM 出嘅題目係難過CLOSE BOOK EXAM。佢發現，做OPEN BOOK EXAM 會有好多學生唔合格。就算佢肯寫REPORT，DEPT HEAD 都會“提示”一下佢，下次出題目要“符合”學生水平。例如可以“考慮”CLOSE BOOK EXAM ! 既然老細都唔批，所以佢放棄咗，轉晒做CLOSE BOOK EXAM。而且，就算CLOSE BOOK EXAM，要記的內容都唔少，唯有上堂時比TIPS，講明出邊五條題目。只要夠勤力就一定可以合格攞高分。 自始DEPT HEAD 對佢教學方法就再無咩野“提示”同“例如”。
[版主回覆11/24/2009 20:55:00]高分低能，讀書頂瓜瓜，做野豆腐花，咪係咁黎囉！