之前講過半斤六兩的問題，現在是續篇：
利字當頭—望得遠做得近
人要發奮圖強、擁有卓越的表現，
必然需要一點原動力去加以推動，而無可否認，「錢」確是在工作的推動上佔據着重要的位置。但問題是，大部分未能成功的人，往往只計算眼前的利益，要先得到
回報，才願努力工
作。相反，成功者的想法卻是背道而馳，先努力工作，不計較回報，當贏得了口碑，金錢、尊重與成就也自然會隨之而來。
必然需要一點原動力去加以推動，而無可否認，「錢」確是在工作的推動上佔據着重要的位置。但問題是，大部分未能成功的人，往往只計算眼前的利益，要先得到
回報，才願努力工
作。相反，成功者的想法卻是背道而馳，先努力工作，不計較回報，當贏得了口碑，金錢、尊重與成就也自然會隨之而來。
這樣的說話，或許你會感到莫名其妙，現在，我就跟你說一個真實的故事。
我有一位好友，在某大集團工作逾十年，從見習生做起，直至現在當上集團內的總經理，從薪金平平開始，按年遞增。有天，老闆對他說：「我會調派你到一間新上市的公司做CEO，下星期二上班，現在你手頭上的工作，可交給你的副手去處理。」
此事距今已有兩個月，早前我們一起相約晚飯，在這獨自交談的機會下，我就問他：「你為何不向老闆詢問有關的細節、待遇與工作範疇？一個『哦』字，你竟然就披甲上陣，來到這間陌生的新公司。
請問你知不知道你的月薪是多少？你的職權如何？人事部有否跟你提及？你的老闆又有沒有與你商量過？」他面露自信的笑容對我說：「沒有！沒有！沒有！」
我呆了一呆，他續說：「我不擔心老闆會『搵我笨』，原因是過去這十年，我們之間已建立了絕對的信任，而且，我是從不會計較老闆給我多少回報的，只會做好自己的工作，因為相信我若能做出好的表現，老闆自然會論功行賞。
世上每個老闆都一樣，當他給你10元的薪水，自然會期望你做到15元的工作，可是現在有許多人，卻不明白這個道理。最愚蠢的是，老闆給你10元人工，就只交5蚊貨仔的那種人，他們還沾沾自喜，覺得自己賺了，『着數』了！
這些自以為聰明的人，偏偏不知道『你精老闆都唔笨』，總是『渣流攤』與偷工減料，遲早也會被人裁！另一種同樣自認精明，實質『戇居』的打工仔，在收取老闆10元薪水後，就只付出10元的工作，不多也不少，無拖也無欠。
如此一買一賣看似沒有問題，但當中卻全無感情可言，這種人在老闆的心目中，其實與前者的偷懶員工無異，老闆心裏會想：『這個人處處斤斤計較，差點要用磅來秤到足，我才不會給予你機會呢！否則他日你成了氣候，反轉豬肚就是屎，我豈不是更笨？』
而我，就是第三種 –
新界牛！老闆給我10元去工作，我不會只做到15元作回報給他，更是盡全力去幹，做到幾多得幾多，直至我能力到了頂點為止！我不相信老闆會虧待我，因為若
他待我不好的話，我還是可以『炒他魷』，到時絕對有『大把』行家與同業會向我伸出友誼之手，那時，我能索取的價錢定必會更高！」
職場有些人自以為很聰明，其實當上了大笨蛋也不知道。所以這個世界，每天也有人在打求職信與不斷轉工，原因是他們不明白職場求生之道就是要吃得
開，不怕蝕底，以及望得遠，做得近；所謂望得遠，不只是望遠兩天或兩、三個月，而是要看整個發展的長線，那才是職場內的成功必殺技！
黃毅力
黃生「枝筆」仍然是以打工仔的角度睇事，佢身為大老闆，當然知道老細應該係點睇。筆者換轉從老細的角度睇呢三個例：
1. 收10元人工，出5蚊貨仔──呢個員工原來只值$5，點解我會出$10請佢呢？買錯野，速速換左佢。
2. 收10元人工，出10元的工作──呢個員工值$10，咁無理由加人工比佢；同埋，有無Ｄ值$12可以用$10買黎代替呢？
3. 收10元，工作超出15元──呢個員工唔只值$10，公司有值$20的野，應該要交比佢做，出$18人工，可以炒左兩個共值$15的員工）
員工在老細眼中，係factor of production的其中一種，佢地係唔會理會員工出盡全力與否，佢地見到$5功課，呢個人就只值$5，而應該用$4.5或以下黎請。所以初出來打工，應該要出盡全力，現任老細同其他有眼見的人自會衡量，所以有ｄ人係唔需要見工的，一轉工就轉左去供應商或者客戶度，因為老練的老細往往知道，幾精心設計的招募測試，都不及親眼見。
作為打工仔，我們需要知道兩樣野：其一是你應該要盡力同時比人見（人地見唔到就盡力都無用）；其二，既然良禽可以擇木而棲，今日出幾多糧唔係最重要，而是你有無本事嚮條街度搵到更好的工作同待遇。
讀書進修唔係唔好，但市面上太多學店，佢地可以比張沙紙你，但並不一定能增加你的工作能力及市場價值。例如所謂MBA，有幾多個老細，真係會因為呢三個字母而升值加人工？工作上有太多的秘密，係無得學的。
其實打工一如sell野，有心sell的當然就盡sell，不單要賣晒所有優點，而且要比盡量多人睇到，最好梗係有人爭喇！周大仙在發達指南有講：「16.5真正的終極資產：你本人」（P.248）
就是這樣做成了打工仔之間惡性競爭, 令資本家坐大
[版主回覆09/27/2010 07:31:00]現實就是這樣
想問下您的意見 — 在灣仔區買樓收租, 廿幾年的樓好, 還是三十多四十年的樓好些? 不少人現在覺得三四十年舊樓更保值(實有大, 及有收購潛力), 但撞到的機會一如六合彩?
[版主回覆09/27/2010 07:30:00]有好野幾時都係局內人玩晒，搏收購的機會很低；買樓齡低一點的吧！
其實讀 MBA 真係唔係為張死人沙紙. 而係響讀既時候, 識另一班你未見過但又讀得起 MBA 既人上等人, 嚟擴闊一個有質素既社交圈子. 所以果啲讀 MBA 貪平， 或者讀乜鬼 distance learning MBA, 或者讀果陣唔出街一味死讀志在攞高分果啲，係無乜意思．
[版主回覆09/27/2010 07:33:00]MBA只係例子，見過有ｄ人耐唔耐讀埋ｄ無謂課程，識一班無謂同學仔，但實際工作上仍然馬夫，有點本末倒置。
鴻文的: "工作上有太多的秘密，係無得學的。"
可圈可點!
[版主回覆09/27/2010 07:34:00]有時你想教，但又不可講出所以然來。
我贊成33蚊最低工資, 咁大家都就會好快見到真正既市場現實
[版主回覆09/27/2010 19:00:00]可能會好殘酷
脫兄,
我budget只能夠買雀仔庭496尺1房細單位, 是否ok?
[版主回覆09/27/2010 18:59:00]一房樓價跑贏二房，因為銀碼細 何況果一帶社區只有改善，無得衰落去
大部分都係老闆想搵下屬著數 ( 如下屬值一萬，佢只付出八千 ) ，而下屬又想先加人工再加工作量，好少人願意先付出，因為現實中千里馬未必會遇到百樂，有 D 老闆係唔會 ( 識 ) 珍惜好的員工。
[版主回覆09/27/2010 19:01:00]所有老闆都係搵人著數，下屬勤力唔一定比現任老細睇，良禽擇木而棲，點樣證明自己係良禽，仲要得到ｄ木的認同，係好多打工仔要諗的野。
金句: 人地見唔到就盡力都無用
[版主回覆09/27/2010 18:58:00]所以打工要盡量接觸多ｄ外人，咪以為躲在冷氣房好棧
不過事實可能是
你老闆用10蚊請你，你做到15蚊工作，但突登唔加你人工！
好啦，你有權離開，去到另一間，諗住遇到好老闆
人家出10蚊請你，你今次付出16蚊，但可惜，又是一個只賺錢的老闆
周而復始，遇不上伯樂，就會窮一世了
[版主回覆09/27/2010 18:57:00]呢d就係所謂的際遇，不可強求的 但練精學懶的人，係無可能有際遇 睇得錯眼的，都唔會係精明老細
遊戲規則是這樣, D 練精學懶嘅人被炒後要再投入市場, 市場起碼自動幫你打個七折.
[版主回覆09/27/2010 22:56:00]一般公司除非有大問題，好少無端端炒人，解籤都解死喇！
有次睇左一小段老夫子卡通, 有一幕係老夫子去做洗廁所. 但佢係成個塔拆出來响老細房內洗. 老細返黎話你洗廁所應該响廁所內洗, 做乜黎我OFFICE 度洗? 老夫子話响廁所洗你睇唔到, 所以咪拆出黎响度洗囉!! 好多人都會覺得身邊發生順利/就手的事都係理所當然, 但唔知後面有幾多人做左先有咁樣效果. 真係要做到咁個社會就好悲哀! 不過香港已經係咁.
[版主回覆09/28/2010 07:29:00]全世界都係咁，做得好理所當然，做唔好動輒得咎
(Empty)
黃生講既唔係話唔啱, 但實際上,係大公司做個小職員, 幾時先見到你老闆, 最多時候都係見經理, 最後都係講政治手腕…
[版主回覆09/29/2010 19:16:00]做大公司，都係想搵樹蔭姐 想發圍或發達，自己做老細喇！ 講到尾，要打工投資兩線發展