早前有網友問筆者,應否加按物業再買多間,筆者的意見是倉位已重不宜加倉。其實另外的考慮是分散投資,以及現時香港樓價的估值,已經大大超越了其他投資工具,例如股票以及基金。
今日《明報》陸振球先生的專欄,就提出一個類似的案例:
加按買新樓 不如加按買領匯? 文章日期:2011年2月14日
【明報專訊】最近有位年約50歲的朋友,剛供滿現住居所,同時看好樓市,問可否加按現有物業,將之作首期以購入另一單位,以作長線收租。筆者將有關問題轉介對理財素有研究的另一朋友,得出如下建議﹕
自從去年11月政府再出重招打遏樓市後,買樓投資的風險已增加,尤其是若樓價先升後跌,則兩年內轉售物業便要繳付高額的額外印花稅,而若持有物業超過2年,亦要擔心美國息口回升,會令樓價受壓。另外,現時購入非自住物業作收租,銀行也只可以借五成按揭。
此外,這位50歲的朋友,亦漸已接近退休年齡,也不宜太進退,因此若要加按,可考慮只加按現樓物業價值的3至4成,然後可考慮將加按金額轉為投資如領匯(0823)房地產信託基金,而如果加按能承做拆息按揭,供樓利率可低至約1厘水平,而領匯派息率則可能高達4厘,賺取約3厘的「息差」。
可賺3厘「息差」
另外,加按買領匯,固然要支付加按的律師及做契費,卻不用如買樓除了同時要為新樓支付律師及做契費外,更要為新樓支付經紀佣金,以及為新樓支付一般印花稅,而買賣領匯則只要繳付經紀佣金,可能低至只要0.12%,節省了大筆支出。更重要的是,如發覺經濟或樓市不對路,可隨時出售領匯而不用再繳可能高達15%的額外印花稅,透過網上交易,1至2分鐘便可完成交易。
當然,領匯股價可升可跌,但若要被迫長渣,至少不用供樓,而雖然每月也要還加按供款,但若只加按三至四成,就算息口回升,也遠較再供新樓的壓力為低!
筆者認為,任何人都要為自己的投資決定負責,也不想評論這位理財朋友的建議,只想提出一點,就算是看好香港樓,也不是只有直接買「磚頭」一種辦法,其實存在更多、更靈活和更具彈性的選擇。
筆者看到的是,這是典型的套息組合,低息借錢,購入高息投資項目。領匯只是其一,以下是今天收市價計,二厘以上派息的恆指及國指成份股:
代號 | 股份/指數 | 周息率 | 市價/盈利率 |
902 | 華能 | 5.61 | 9.14 |
6 | 港燈 | 4.20 | 15.99 |
11 | 恆生 | 4.19 | 17.93 |
2 | 中電 | 3.96 | 18.36 |
3988 | 中銀 | 3.83 | 11.44 |
941 | 中移動 | 3.79 | 11.35 |
2777 | 富力 | 3.68 | 10.87 |
2388 | 中銀香港 | 3.60 | 18.30 |
939 | 建行 | 3.33 | 13.19 |
330 | 思捷 | 3.32 | 12.67 |
1398 | 工行 | 3.27 | 13.31 |
5 | 匯豐 | 2.96 | 33.69 |
836 | 華潤電力 | 2.91 | 10.96 |
3328 | 交行 | 2.86 | 11.44 |
83 | 信和 | 2.79 | 11.45 |
857 | 中石油 | 2.73 | 16.62 |
17 | 新世界 | 2.71 | 4.68 |
2628 | 中人壽 | 2.70 | 22.36 |
12 | 恆基 | 2.61 | 11.21 |
386 | 中石化 | 2.48 | 10.20 |
19 | 太古A | 2.45 | 8.63 |
883 | 中海油 | 2.39 | 22.27 |
388 | 港交所 | 2.32 | 38.68 |
23 | 東亞 | 2.29 | 24.41 |
101 | 恆隆 | 2.25 | 5.87 |
1 | 長實 | 2.23 | 14.12 |
16 | 新地 | 2.14 | 11.53 |
1800 | 中交建 | 2.13 | 11.11 |
998 | 信行 | 2.01 | 11.81 |
筆者認為,即使一面倒看好樓市,也不應該一面倒投入樓市,尤其是金額龐大的時候,均衡發展穩打穩紮,就比睇單邊好得多。其實除了地產股,很多中國股票都值得長線投資,金融、能源、通訊等,均會受惠於經濟發展。
其實以現在的樓市估值,再加上要綁兩年,已有物業在手的人仕,再加碼已經需要審慎考慮。筆者並不是睇淡樓市前境,樓市仍然會癲落去,但今時今日才去入市,尤其是連自住物業都未有的朋友,用真金白銀而不是樓宇升值套現來的話,應該三思而後行。
股票已留意幾年, 當中完成沒有研究樓市, 只睇股票一邊, 證實真係不會是一個很好的選擇, 因為依家的股票又唔上唔落, 挷死晒… 依家覺得啲股票都唔知想點, 以內銀的業績來講其實都好好, 但個價就係唔係好升… 再說買樓租金回報點都有4%, 所以股票的息率低於3%就唔係好吸引~~ 睇來都要有耐性守下, 等下個低位了….
[版主回覆02/14/2011 23:28:00]最主要的原因係:揀股難,揀時機更難 例如去年初買大藍籌地產股,年尾已經有三成利潤,而且藍籌股可以按超過五成,變相一樣有槓桿效應。至於電話股連電盈咁爛,都有好日子過。 可是絕大多數人卻去沉迷「研究」一些沒有透明度可言的股仔,大市佢地無份,大市跌佢陪埋,一炒起就被綁。樓市點解易搵錢,因為流通量低難控制,而且二手市場有實物睇,一手則有名牌效應,好似買The Icon咁係極少數的例子。
最難係時機… 呢個時機真係太難捉… 真係要研究, 銀行股的年報有幾多個散戶睇得明… 內房可能好啲, 但真係要花好多好多時間, 可能睇完再買都係蝕… 又係時機問題~~ 我買股票時間不算長, PE20時有過, PE8個時都有過, 但一時無賣, 一時無買, 就咁都已俾股票玩死… 到時成手股票又無錢買樓, 又大鍋… 所以投資呢樣野真係難… 所以我到底都係呢句, 等下個低位再算… 依家樓市肯定係高位, 入市風險大…. 股市我就成手貨, 等下啦~~
[版主回覆02/14/2011 23:58:00]無乜人認為自己可以捉到樓市頂底,偏偏好多人以為自己可以捉到股市或股票頂底 其實都係去返最基本,就係估值,例如P/E去到10-12倍你去買,點知金融海嘯時最低見過8倍,10倍買果d都要蝕兩成,不過咁,股市遲早都會回到鐘擺的另一面,例如而家都有17倍。 不過人類行為,低估值時唔敢買,買左唔敢坐,到人人有時我又要有,結果就接火棒。不過現在無論A股定H股,都算得上係合理估值,有閒錢買落,等鐘擺囉! 正如買樓要5-1,買股票要藍籌,揀股揀樓,睇得少睇得精,好過勤力得滯乜都睇。
HSI PE依家約16啦… www.hkex.com.hk/chi/csm/highlight.asp?LangCode=tc 或者等3月過左10年個業績, 會更低, 因為普遍都增長不少~~ 我還是 等鐘擺吧~~
[版主回覆02/15/2011 22:33:00]今日東亞宣佈業績: 東亞銀行公布,截至2010年12月底止全年業績,股東應佔溢利42.24億元,較09年同期26.04億元增長62.2%,而業績則近市場預期上限,每股盈利1.92元,建議派發末期息每股56仙;期內經營收入增長9.2%至111.26億元。 你話其他公司會點?
想問問脫大, 如果我按7成買樓, 想租出應怎辦?
[版主回覆02/15/2011 22:31:00]如果你通知銀行,佢就會加你息,而且仲要補返一成(因為收租物業只按六成),政府又會收你物業稅,所以好多人寧願丟空都唔出租
其實加按的利息只要是一厘或以下,就可以攞d錢去香港的icbc一次過開香港同大陸人民幣戶口做定期,有2.6%for 三個月定期,
基本上,有賺1%以上
[版主回覆02/15/2011 22:30:00]只係好多人拿著一大舊錢,都唔知買乜野好。
買樓要5-1 ??? 可否明示? 連自住物業都未有的朋友 –> 我係已上過車,但一年前已落左車,現在頭痛緊越炒越瘋了… 可以再等 幾月呢?? 唉.. 2011 年
[版主回覆02/15/2011 22:29:00]五大減1,明唔明?
本人認如果只有自住物業,基本上樓市升跌完全與你無關。因為你都要住!如果因估樓市會跌而賣樓,但最終估錯了,損失可以好大。除非淨利潤眞的很多(如有二百萬),找隻高息股收息(如有五厘,即每月平均有八千三百多元,可用來補貼大部份租金),否則,千萬不要這樣做。寧可跟板主的方法,借平錢,賺息差。這是本人的想法。
[版主回覆02/15/2011 22:29:00]就以筆者為例,如果現在去加按,可以按到八十萬出黎,以H按計,一年利息係$8000左右,無睇錯,真係只需要咁少息,其他都係還本金。八十萬股票收三厘,都有$24,000。
脫師父: 小弟見到港島指數帶頭破百,都覺得坊間主流緩升論幾合理 唯一唔係好覺大體經濟向好…(小弟唔識經濟,純粹個人感覺) 個心愈黎愈急,幾乎想九成按上左車先算!
[版主回覆02/15/2011 22:26:00]唔係大體經濟向好,尤其是黎緊呢一年,成本不斷上升,售價上升追唔上,生意額又會縮(因為D人會慳住用)。 而係某一班會買樓的人,佢地自己的經濟向好。
按樓去買澳元賺息差現有四厘, 還錢當儲錢, 錢要可以兩三年不會用, 因匯價會波動, 比買股票穩陣!
[版主回覆02/16/2011 08:19:00]總之最緊要唔好借錢黎輸就無問題
脫兄, 你本新書幾時上市呀?
[版主回覆02/16/2011 08:18:00]封面都有了,很快就出版
小弟愚味… 五大減1 ???未明…
[版主回覆02/16/2011 08:35:00]http://www.millionbook.net/wx/h/huangyi/dtslz/103.htm
脫苦海
想問,什麼是"買樓要5-1"?
THX
Jennifer
[版主回覆02/16/2011 19:32:00]唔係5-1=4
五大減1,遁去的1
脫兄,
現在買藍籌, 邊隻可取? 思捷ok嗎? 想賺息及股價又有得升下. 有本金40個
謝謝.
[版主回覆02/16/2011 19:50:00]有兩隻藍籌turn around:另一隻係德昌
脫老師
買樓有按揭 = 有槓桿, 有利息支出
買股冇槓桿, 有利息收入
加按用來買 REIT, 會否升幅不及樓市厲害?
[版主回覆02/16/2011 22:58:00]買股一樣有槓桿,就係孖展戶口,當然無按揭咁高槓桿、咁低息,以及咁安全。 單從波動率計(即係可升可跌),樓係可以高過股票及基金好多,不過考慮安全性,樓就比金融資產好。
原來脫兄都有睇大唐雙龍!
[版主回覆02/17/2011 07:56:00]大唐未睇晒,尋秦記同荊楚就睇左
請問思捷, 中移動, 領匯, 工行現在是入貨時機嗎? 長線投資可以嗎?
[版主回覆02/17/2011 18:48:00]中移動及工行比較可取