與其交兩年租$288,000，兩年前結婚做按保借二按上車仲化算。兩年後樓價仲係唔跌，交租又交多近三十萬，而且又少享受兩年的低息期，條數只會越來越計唔掂。
而家就算買左間300萬然後樓價下跌10%，都仍然少過交三年租。點解有ｄ人硬係要話儲唔夠三成首期就唔上車？
http://hk.news.yahoo.com/article/110218/4/mrsg.html
教師月入一半儲首期 樓價狂飊根本追不上
(明報)2011年2月19日 星期六 05:05
【明報專訊】任教中學的郭老師兩年前結婚，現時與丈夫每月以1.2萬元租住美孚新村一個600呎單位。她表示，結婚以來每月與丈夫儲起至少一半收入作首期，但樓價不斷飊升，儲錢速度根本追不上，「以一個600呎單位為例，去年只需200 多萬元，現在已增至300多萬元，以做七成按揭計算，同一單位的首期款項，要由60多萬元增至近100萬」。
郭老師說，政府11月中推出額外印花稅後，她曾期望樓市會調整，最終大失所望，「對於政府的措施無效感到無奈，唯有繼續努力儲蓄，希望兩年後能置業安居」。
5.3 按揭保險應逐年抑或一筆過支付（梁隼）
每位置業人士都有不同的取向，假如做七成以上的按揭的話，就要選一筆過支付保費，還是逐年支付，我們去做選擇之前，就要留意整個按保收費有甚麼地方要加倍留意。
採用一筆過支付按保的話，除了可以把保費包括入按揭裡面，免除額外籌措多筆錢支付保費的煩惱。假如置業人仕打算買入後三年內便賣樓的話，一筆過支付的按揭保險是可以按比例退回的，例如第一年、第二年及第三年分別為40%、25%及15%。
以一層200萬的物業，承做九成按揭，與及分30年供款為例，一筆過支付保費的話就要付$63,900，假如業主在買入單位後第一年便有需要換樓而賣出單位的話，就可以退回$25,560，第二年內賣樓的話就可以退回$15,975，而第三年賣樓的話，就可以退回$9,585。
如果是一早計劃有短期換樓需要的，例如是三年內一定會賣樓的話，選擇逐年支付保費會是一個更加好的選擇，又弔用上面的例子，選擇逐年支付的話，第一年就需要付$36,900，這筆款項是比一筆過支付後第一年內賣樓退回的總和($63,900-$25,560=$38,340)為高。搞不懂的話筆者又以百分比來計算，一筆過支付保費，費用是3.55%，頭三年內賣樓的話，扣除退回的保費之後，就相當於支付2.13%、2.6625% 與及3.0175%，但是選擇逐年付保費的話，其實就只需要付1.65%、2.28%及2.91%。
|
|
一筆過支付(3.55%) |
逐年支付 |
|
第一年 |
2.13% |
1.65% |
|
第二年 |
2.6625% |
2.28% |
|
第三年 |
3.0175% |
2.91% |
假如買入物業第四年才賣出，逐年支付和一筆過支付的保費都是一樣，從上面例子來說，一筆過支付就已付出3.55%，而逐年支付就總共支付3.54%，當然各有所長，一筆過支付可以包括入按揭裡，而逐年支付則要額外準備六萬元。
那麼買入後四年內也不賣出的話，就一定是一筆過付保費較為著數。不過無論甚麼情況下，筆者都鼓勵一筆過支付保費，因為保費包括入按揭額入面，這樣一來就免除了要支付首期之外，額外再付多一筆錢的煩惱。但是按揭保險公司提供了兩種不同的付款方法，置業人士不妨比較下那一款付款方式比較適合個人需要。
1. 兩年前結婚 = does not mean they have only worked for 2 years. Why they are not making the purchasing decision earlier when the market is not as hot as now? 2. why they are not paying 10% down payment and put 90% on mortgage term? i dont think bank will say NO as he is a teacher in profession. the reasons are not making senses, and they are blaming the government ? ….gosh !
[版主回覆02/21/2011 20:20:00]或者佢地結婚剪左羊毛，無晒錢仲欠落一大堆街數，但係佢地「結婚以來每月至少儲一半做首期」，咁一個月點都儲到兩萬（做老師起碼都三萬，仲有老公份糧），兩年即係48萬，而且佢地可能有60萬，因為佢地怨ｄ樓貴到首期要100萬。 咁照計佢地可以用成半首期買300萬樓仲有錢剩落，再一次過比按保夾埋落去按揭，咁佢地供樓的支出並不會多過現時的租金。 筆者認為，他們的問題是剩係識得計死數，仲要唔識睇市，否則兩年前2008年初，到2009年中，成一年半時間點解乜都唔做？果時仲有九五按，200萬樓10萬蚊首期咋！
都唔明會計界話政府派下錢有助舒緩通賬? 唔係越多錢越用得多通賬先會升?
[版主回覆02/21/2011 23:06:00]咪就係出左名計死數的一個專業
呢類人唔係唔識計數先至輸比市場, 係輸比自己 jar…. 睇錯市3 年都死唔認, 即係老散一個 la: 成日想做先知, 要低買高賣, 最好騎住個市 sure win… 但就咩野 exist strategic 都冇準備….. 結果睇錯市之後都係睇錯市, 故事結尾? 0米最後投降個市就完, 跌到PK…咁 0米 perfect law…. 冇計！童畫書邊有教呢Ｄ野??!!
[版主回覆02/21/2011 23:10:00]果ｄ公務員教師之類，份工唔受經濟盛衰影響，理論上更容易買到平樓。 實際上正正由於佢地遠離左經濟同市場，佢地對樓市的認識可能僅僅係睇果報或者傳真，大家有無留意，去年傳真仲入係咁砌詞睇淡樓市，今日已經轉晒口風，唔敢直接唱淡，只係一味話政府無用。
咪好似李永達個類人, 一味話政府無打擊炒家樓價比炒高, 到左而家無晒炒家樓價咪一樣升. 即刻無晒聲. 呢類人只係識大大聲嘈, 其實唔係真係見到問題所在. 無計啦, 如果唔嘈下攞些政治本錢, 容乜易下次立法會又無得做架. 到時28蚊最低工資可以保障到佢.
[版主回覆02/22/2011 18:51:00]乜野人就會鍾意聽乜野人講野，得到一樣的結果
我硬係覺得當呢班人都追價個陣，就係個樓市跌的時候…..
[版主回覆02/22/2011 18:51:00]次次都係咁喇！相反理論
Hi 脫兄, What do you mean by " 傳真" in the following sentence "去年傳真仲入係咁砌詞睇淡樓市"? Phemey Pon of http://realblog.zkiz.com/phemey
[版主回覆02/22/2011 18:51:00]《＿＿傳真》
我覺得都係啲報紙求其搵野寫。我相信做教師已經係較可以負擔置業既行業之一。但當然每一個人都有自己既難處，如家庭負擔或者結婚使咗一大舊積蓄，但報紙唔會寫出來。但係我相報紙為咗有賣點，就只會講「教師儲月薪一半都係上唔到車」之類既說話，將整件事包裝得好嚴重。 噚日經濟日報既港聞講有些做咗幾年野既後生仔，佢地人工得萬幾，但係因為租金上升，越住越細但俾既租金卻越來越貴，又唔合資格申請公屋。我覺得他們比起300萬時買唔起樓既教師朋友，遇到的問題更嚴重。
[版主回覆02/22/2011 19:01:00]80後捱貴租 變「縮水蝸居族」
愈住愈細 不敢邀友到訪怕腳趾沒位放
（系列之一）
撰文:伍瑋瑋、黃偉超
系列名:租奴系列
1. 係都要住廣島，住長崎唔得既！
2. 人均居住面積250呎，一家四口咪要住一千呎？
3. 無錢買車位，難道無迷氣倉？
脫兄，唔知點解你個 blog的RSS load 唔到
[版主回覆02/22/2011 19:02:00]我唔識得set喎！ 又，有無睇開環球論壇呀？www.talk-global.info
good essay=]
[版主回覆02/22/2011 19:02:00]Thanks
哈哈，原子彈炸完 廣島再炸長崎，這是脫兄的意思嗎？ 教師買唔到到樓係一個問題，相對來說收入更低既又沒有申請公屋資格當然更是一個問題。當然有錢租250呎既又會比住板間的低下階層好很多了。 脫兄在你的樓巿漫步裡有一點我也同意，就是在前幾年經濟差，租客都享受了一段低租金時期了。現在到租盤買盤減少，當然由到業主得益。 題外話：相信明日財政預算案都係冇料到，只會令到租金繼續向上狂升。到時長崎都住唔掂，要住到去北海道去。
[版主回覆02/22/2011 21:34:00]原來有個日本長崎人黑仔到在廣島做野比原子彈炸完，諗住返家鄉長崎養病，點知又炸多一次，不過佢都無死到。租樓住樓舉棋不定，結果都係差唔多。 財政預算案，咪係講埋乜乜大社會囉！咪就係連自己都唔知自己講緊乜囉！
都預左財政預算案又係成立乜會, 成立乜局去跟進乜乜物物, 細分到連買厠紙都要成立一個局, 跟住又揾條友 cap 水. 財政預算案最成功就係將D錢散晒.
[版主回覆02/23/2011 19:28:00]基本上，佢只係將功課由頭到尾謄一次
脫兄:
我又想請教你, 究竟當年董建華的八萬五錯在哪裡? 如果當時政府堅持下來, 事到今日會為香港地產帶來何種可怕的後果和又會怎樣重新評價這八萬五的政策呢?
建公屋區議會反對的理由是什麼? 又恢复居屋有何問題呢? 本人的愚見, 香港有公屋, 居屋和私屋三屋同存是個不錯的房屋政策。只是政府應該平衡各方利益 (主要是普羅大眾的利益), 來制定三屋的比例。
請問香港可否實施對非香港永遠居民作 "限購樓宇" 的政策?
不吝賜教, 謝謝。
[版主回覆02/23/2011 21:10:00]簡單地講，有三大問題： 1. 以全港有七成人自置物業為目標，卻興建了三成公屋，同時又有大量人買樓收租，是不是要迫人購買公屋？筆者找到 2000年 時住戶收入中位數是$17,500，收入更低而的人是否要放棄公屋而自購單位？ 2. 私人發展商不建，則自己動手大建居屋，結果這些居屋很多都變成公屋，例如海麗村，造成大量公共資源浪費 3.物業的自住及投資功能可以分開，但購買物業的人要面對樓價下跌，誰人會去買？政府貼錢或借錢比人買，有乜後果？ 區議員以各式各樣的理由阻撓公屋，例如： http://hk.news.yahoo.com/article/101207/3/lngk.html http://www.hkhahaha.com/news/0611227_15.htm http://finance.discuss.com.hk/viewthread.php?tid=13223320 公屋還可以說是對低收入家庭的一種補貼，為甚麼政府要補貼給人置業投資？ 香港是WTO一員，就不可能搞奶粉離境稅；香港以國際城市自居，怎樣去拒絕其他人置業？
除非政府有購買通脹掛鈎債券上限(不過有上限的話,又幫到幾多呢?), 如果唔係又係一個無本生利的好投資, 最終得益的必定係有樓係手的業主.例子如下: 我有層已供滿的樓, 市值500萬, 加按70%俾銀行, 可借350萬, 依家H+0.7%的利率少於年息1%, 即每年利息3萬5. 如果呢350萬全部買晒呢D通脹掛鈎債券, 以去年通脹4.5%計,即可收息15萬7千500百. 無風無浪, 又唔需工作就獲利12萬幾, 如果當銀行加息時,就即時賣晒全部債券, 還清俾銀行.
[版主回覆02/24/2011 07:49:00]走去買呢類保證無賺債券，唔長進囉！
邊鬼度可以分 3.5M 比個人Y, 最多 0米一人一手. 好似收音機咁話, 每人每年派 $300 算 la, 廢事另外徙多幾十億行政費, 香港有冇債券市場做買賣先?… 政府班咁 ge 蛋散, 成隊人收咁高人工都年年估錯數… 唔好話揼白果, 淨係揼屎叫佢食都驚比多佢, 益左佢
[版主回覆02/25/2011 08:23:00]又要派錢又驚人即時駛左去，按人頭送$6,000 iBond咪得囉！需要用錢的人賣左iBond由另一班人接手，咪唔會所謂刺激通脹囉！ 其實香港現時係輸入式通脹，係因為外面ｄ野貴同外面ｄ錢賤，根本唔係香港人買貴晒ｄ野，甚至連樓，都唔係香港人買貴了。
咪係囉, d 長粉重驚未夠人暴動, 講要去開新 MPF account 先識得點樣入 $6k… 政府 0個邊又話要買新PC + 請人做. 點解舊電腦唔識做??? d IT 仔寫個 program auto run 要幾多錢??? 自己冇人識做???? … sorry ….真係要講句 ~~~ 頂 ~佢~個~肺~~Y
[版主回覆02/25/2011 22:19:00]外面沒有口才急才，裡面沒有多少墨水，轉去推廣太極詠春喇！
脫兄:
你好,
想請教你點睇盛薈
經紀剛剛打來我
盛薈減價, 減曬優惠後, 15/F 約6800 一呎
點睇???
長實樓,大圍上蓋 可借 90%
2年後先供
風險高嗎???
沙中線 concept
個價值嗎???
[版主回覆02/25/2011 22:15:00]先不考慮價格，大圍站呢個位都算唔錯，尤其是四周較少高樓，不需要很高層都有遠景。 問題只是未來幾年供應陸續有來，現時名城盛薈只是維修廠上蓋，遲ｄ車站上蓋都有盤，單位有2900個，連同名城盛薈4328個，正正是「量產型初發行」。
其實香港現時係輸入式通脹，係因為外面ｄ野貴同外面ｄ錢賤，根本唔係香港人買貴晒ｄ野，甚至連樓，都唔係香港人買貴了。 <- 脫兄講得好o岩. 其實香港欠既係點控制返本地通脹, 阻止外來資金過度活躍.
[版主回覆02/25/2011 22:16:00]簡單講，就係「今日樓貴我買唔起，他朝飯貴我食唔起」
等待新書中=]
[版主回覆02/25/2011 23:34:00]已經印好&到手，比想像中厚得多
下!到手拿,今日去買先=]
先不考慮價格，大圍站呢個位都算唔錯，尤其是四周較少高樓，不需要很高層都有遠景。 問題只是未來幾年供應陸續有來，現時名城盛薈只是維修廠上蓋，遲ｄ車站上蓋都有盤，單位有2900個，連同名城盛薈4328個，正正是「量產型初發行」。 ——————————————————————– 謝謝 請問從那裡可看到這些資料呢??? 幾時會正式有車站上蓋的盤呢??? 還有, 你覺得個價如何呢???
[版主回覆02/26/2011 17:26:00]港鐵網站 車站上蓋未招標 個價點都好，要買都買最後果幾期
唔明點解要"個價點都好，要買都買最後果幾期" 唔係越推越貴嗎？ Hippo
[版主回覆03/04/2011 00:50:00]事實上唔係咁，例如某屋苑第一期係賣海景，賣到第Ｎ期都係賣海景，只不過人人個海都被前面遮著了！ 又例如沙田某上蓋盤，咪又係越賣越平。