今年6月，蘋果掌門人庫克（TIM COOK）就埋怨蘋果手機無咁好賣，尤其在大中華區，這也難怪，面對國內兩大高手上下夾擊，蘋果仍然是全球top3已經很難得，將個舊毛豆（Model）改個號碼就當新款賣，M字額又話自己是全屏幕，被欺騙一次又一次，真係令人心傷透。
講到國內高手，最高深莫測就有華為大師，P9同埋Mate 9系列一出場，就輕易將蘋果趕過，成為世界銷量的二哥，難怪掌陀人對蘋果的評價不屑地說句： 「蘋果只有一個特點，只有貴！」對極呀，一部擁有真正全屏幕丶拍攝功能完胜蘋果的Mate 10 Pro，只係賣六千多，相反蘋果iPhone X就要八千多，「果」然是沒有最貴，只有更貴！
小米大大雖是機壇新手，但係這小子卻不好惹，短短數年就出了多個叫好又叫座的毛豆，已經賺盡口碑，另外雙翼齊飛，同時加強線上和線下銷售，真係出街又見到佢，上網又見到佢，多渠道又多型號，就是小米的殺手鐧，也令小米成為內地Top3品牌之一。
群雄之中還有Oppo同Vivo兩個中低價機的霸主，打正旗號以外型丶拍攝等技術做賣點，成功稱霸二丶三千價位的市場。
咁多對手上下夾攻，蘋果雙拳自然難敵四手，但係感情來的時候，卻是擋也擋不住：有誰料到一日果迷，一世都是果迷，果迷口裡在怨庫克大大拿個iphone 7出來改個名就拿出來賣，但身體卻很誠實，一早就在蘋果店搶購新iphone，剛剛推出的iPhone 8和iPhone 8 plus，首發的銷量竟然是排名前二！
面對如此熱情的果迷，庫克大大也不願再做球王比利，不再預測新iPhone X的銷量，只輕輕說句：「訂單非常強勁。」從果迷持有大量蟹貨求售的情況看來，庫克大大又怕甚麽呢？所以內地有些人說：生果不是派，是「教」，創教教主雖已奔天，但馀威猶在：一日果粉，最終都係果粉！