唔好以為得羅馬有願望噴泉俾人許願，想許願台灣都得㗎！最近就有為數200嘅熱心市民，好想實現佢地心裡嘅願望，於是就趁每年一次秋鬥，就將吉祥物小英豬仔撲滿扔向總統府，哼！扔完果然靈喎，到底呢個集體扔豬想許個甚麽願？
講起呢個小英撲滿，就要去番兩年前現任台灣幫話事人蔡蔡子選舉時的吉祥物，呢個吉祥物當年人氣有幾犀利？首日上市即賣斷市，仲有人大手買入，一買就買廿個，豪氣之大真係土豪都要靠邊站。
呢個小英撲滿還有愛．回家模式，一儲滿錢後，再由蔡蔡子發施號令，蔡迷就會自動送小英撲滿返蔡蔡子競選總部，古有種瓜得瓜，今有賣豬得金，蔡蔡子你係得嘅！
講番班勞工朋友想許甚麽願，原來佢地想班老闆對佢地好些，唔再藉靈活調配為名，搞到佢地返十二日先放得一日假，乜原來一星期放一日假系咁難的嗎？咁又唔係既，19世紀末嘅歐洲已經系咁的（一個星期有得「油麻地」（休孖day)的，其實係好幸福的唷！
唔只咁，原來台灣做野連7日大假都無的，之前話好多香港人好想移民過台灣做野定居，7日大假都無點去旅行呀！好失望嗎？其實台灣本來不是咁的，聽報紙講系話事人蔡蔡子，又名English蔡，贏咗話事人選舉之後就唔得曬應承咗嘅承諾。
話說扔完之後，台灣幫發言人就話台灣會全面實施個個星期都有得休孖day, 仲會加基本工資。以後去台灣，除了遊夜市之外，仲可以去總統府許個願，話唔埋會有妙不可言的功效！唔知許個兩岸統一又得唔得呢？