陳小姐是筆者極少數欣賞的香港女歌手，其人生路途（不單止是情路）亦是鮮見的。當日毅然放棄事業到外國進修，回來後發覺時不我予。
今日睇到一篇講佢的情路崎嶇，筆者假定沒有斷章取義或歪曲，得到印象是，陳小姐是有要求有理想，結果幻滅，並不是不肯改變或適應，而是以為總有選擇，就不能接受次選。謝陳之間的相處，根本很多戀人或夫婦也是如此，別人為甚麼可接受呢？當人以為總有選擇時，就不會珍惜現有，或者接受手中的不是完美，到失去時才覺得以前更好，又有甚麼用？
今日陳小姐想再戰樂壇，希望佢成功，但更可能的是形勢比人強。
百般容忍換來苛刻冷待 陳慧嫻5年情輸給哲學
當兩個人一同生活，但彼此的隔膜卻變得比水泥鋼筋牆還要厚的時候，也許是緣份到了盡頭，花再大的力氣去打破它也是徒然，倒不如，讓愛情死去。
快將42歲的陳慧嫻，終於親自為她與醫生男友謝國麟的五年情畫上句號。
今天她說得淡淡然，但誰會比她更心傷？
全世界都認為謝國麟不忠，惟獨慧嫻信任他，不但包容，而且遷就，學刨哲學書、忍受對方抽煙喝酒，嘗試投入對方的世界；只可惜大家的距離，依然「這麼近，那麼遠」。五年情，最後總結只得這六個字，太無奈了。
撰文：朱倬誼攝影：林德雄
化妝：MarshaMaofA&Vmakeupschool
髮型：RitzLamofHairCulture
心已穿全是你的箭
人世間緣起緣滅，陳慧嫻終於選擇了和醫生男友謝國麟結束五年情，她當然深受情傷，幸而情況未至太壞，對感情事仍有話直講，只是時而嘆氣，時而眼眶微紅，當中包含了太多無奈。
前日慧嫻在西貢接受本報專訪，揚言跟謝國麟分手是因為性格不合，她平靜地說：「大家唔係冇遷就，但性格唔係咁，遷就得耐會，有時想放棄，不如分開啦。我性格、作息、嗜好同處事都好唔同，一齊夾硬少少，慢慢覺得唔夾、疲累，這麼近、那麼遠，好無奈。或者畀時間同空間大家，我都希望有適合佢人出現，佢開心，我就會開心。」
傾偈明日復明日
雖然慧嫻和謝國麟都努力挽救過，可是當兩個人同一屋簷下，卻相對無言時，真的神仙難救。「我唔係佢所要求每朝陪佢食早餐、跟住同佢食晏傾偈女仔，大家興趣好唔同，見面時間又唔多，佢返工係朝9晚8，放工只係食飯時候傾幾句，跟住佢已經好，食完飯轉頭見佢已經梳化上瞌，時間耐，大家就越來越生疏。」
「佢返屋企時，我日日都係同佢講幾句，『今日生意點呀？』、『有幾多個病人呀？』、『今日賺幾多錢呀？』多數係我問佢，佢唔問我，我諗佢唔係太知我心底需要乜，我有同佢講過，但第二日佢已經唔記得，因為太，話『聽日至講啦』，噚晚你又話聽日講，聽日又話聽日至講，咁冇得講啦喎。其實，我需要佢照顧我多，明白我多，體恤我多，錫我多，愛我多……」說時，她有點黯然。
對伴侶底線日降
慧嫻對愛情很專一，與她拍過拖的只得音樂人區丁玉、美術及形象設計師張卓文（MichaelCheung）和謝國麟。前者十分溺愛她，張卓文則令她變成愛情路上的小女人。
「我做時係大女人，但鬼叫你鍾意一個人咩，我好欣賞MichaelCheung才華，咁就做小女人啦，但係，『？乜你食煙？』我唔鍾意人食煙，以前區丁玉畀我治，係寵愛我，佢唔食煙又唔飲酒，鍾意大自然，識整電器水喉，花名技工；MichaelCheung係藝術家，佢做廣告公司，有邊個唔食煙？我又接受。由時開始，可能我對男朋友底線已經降低，可以忍受到佢壞習慣，變有時太遷就人，大家心目中好惡、好鬼霸道陳慧嫻，其實老早已經冇。」
「以前個男朋友……我車同埋媽咪一齊去到佢公司樓下，等佢做完食飯，佢上車問『去邊度食呀？』唔係你諗咩？因為多數我就佢，佢想食乜咪食乜。時覺得幾委屈，特登屋企出同你食晚飯，仲要嗌埋媽咪，去到你公司樓下同你食晚飯，點鬼知你上到車，仲要黑起面話我好唔諗定食乜……」
原來世間愛情三分總是欺騙
與謝國麟拍拖，慧嫻又是遷就，但他們性情兩極，要融合真的難度高。慧嫻說：「到我識醫生，佢又係食煙、飲酒，或者佢性格上唔係我認為最好，或者以前我未必鍾意咁樣性格人，唔知係咪慣遷就我愛人，掉番轉頭係我縱佢，好多由佢話，我去配合，去到某一個地步，我真係配合唔到，醫生唔係太了解我，對我要求好高，我又達唔到要求，覺得自己好冇用，佢想要係熟讀《資治通鑑》，或者對哲學好有認識、好有興趣女仔。」
「哲學唔太適合我」
「好似我睇《蘇菲的世界》（編按：哲學懸疑小說），去到中間已經唔明，我有嘗試去睇哲學書，但睇幾頁好悶，唔係太適合我，佢朋友都係哲學授，講我都唔明，佢用哲學言語去溝通，我就好似個坐度。」
大家都以為慧嫻和謝國麟掟煲，導火線是謝醫生去年跟診所護士開房，當全世界都不相信謝國麟的時候，慧嫻卻投他信任一票，她說：「因為整件事佢都好大嫌疑，對佢好不利，我爹都係咁講，『環境證供都齊啦，爭在記者未房門口錄埋音！』但我清楚佢為人，睇落都係姑娘做主動，姑娘越坐越埋，可能姑娘飲酒，又寂寞，當時醫生又係飲酒，心情唔係幾好，佢驚姑娘一個女仔坐車返屯門遇到好似林過雲司機，所以意識上開間房畀佢，以佢不嬲行為同飲酒狀況，我信佢。」
拖拉不如再唱歌
日前慧嫻在回歸活動中表演，顯然已積極備戰樂壇。
往後慧嫻會否與謝國麟復合，她說這是問號，如今只會寄情工作：「我感情上比較疲倦，家工作見到曙光，情願將力量擺唱歌上，希望大家唔好誤會我因為感情咁樣至出番唱歌，以前我同佢都講過好多次分手，但大家又唔捨得，於是拖拖拉拉，但我覺得要忍心分開。寂寞係會有，會覺得冇個人身邊，但需要迫自己咁做，大家企遠睇番轉頭，係咪真係咁需要對方？定係習慣對方？我唔敢講大家第日會唔會再走番埋一齊，真係要睇緣份，天自有安排。」
眼前的慧嫻決定收拾心情，今年再戰樂壇，近日她簽約鄭家純旗下的國際娛樂，出碟、開演唱會。上次慧嫻出碟遇滑鐵盧，令她意興闌珊，這次她卻看開了：「我冇乜輸唔起咯，豁出去，好豁達，再出番會盡量做一以前未試過表演，會盡量做好，我新公
司成班同事都好後生、有衝勁、熱誠、有heart，我都唔想令呢班後生失望。」
其實陳慧嫻和謝醫生之間的問題是很普遍，有時候也覺得他們為什麼不能容忍多一段時間，不過，既然拖了數年，加上慧嫻去年已決定復出，他們分開一段時間可以反思昔日戀情。畢竟，感情事只有當事人最清楚，我們局外人做的有限，只能希望慧嫻和謝醫生可以克服情傷，積極生活下去。 事實上，慧嫻對謝醫生仍很關心……放不低舊男友 陳慧嫻癡癡痛愛 (太陽報)： http://the-sun.on.cc/channels/ent/20070706/ 我很同意你形容慧嫻的人生路是本港藝人中罕見(特別是她在連梅艷芳都認為可以做樂壇一姐的大好形勢下，堅持出國留學) ，這可解釋為何慧嫻的歌仍有很多人聽，為何有不少人同情和支持慧嫻。我欣賞慧嫻，是基於她的人生路(她的歌是其次)。 最後，你說慧嫻復出 「更可能的是形勢比人強」 ，何解？
現時本港樂壇只有兩類人生存到，一類是完全靠包裝及疲勞轟炸式的宣傳攻勢谷出來的，本身其實沒有甚麼才藝可言，但卻有一群慣被洗腦的消費者，他們沒有鑑賞能力，只是抱著人有我有的心態消費金錢時間。 另外一類是在行業努力多年，出歌以百首計，能夠進入別人腦海中的也有十幾廿首，就以最近復出的關菊英為例，在一兩代人的心目中仍然可以想起多首名曲。正所謂儲fans都夠去紅館。 陳小姐的確有多首名曲十分悅耳，令人一聽難忘，如《玻璃窗的愛》、《傻女》、《花店》，可是由於離開樂壇太久，同時絕對時間並不是太長，能夠儲到幾多fans？而那些「消費性」聽眾，例如唱卡拉OK，也很少會唱陳小姐的歌。 而以陳小姐目前的情況，要想出一個市場定位亦不容易。但祝佢好運。
陳小姐都是極少數我欣賞的香港女歌手，但是, 她已經遠離群眾,市場定位亦真不容易, 我猶記起n年前, 鄧dj訪問陳小姐, 口邊掛著放棄事業到外國進修,妳唔驚給人遺忘…
所以我話佢錯在以為有得揀，根據經濟學理論，有選擇就有犧牲，就有機會成本(opportunity cost)。妳「放棄」了事業，仲邊度有事業？ 從佢的訪問中，佢可以做大女人，又可以做小女人，但佢可唔可以用「平等」的態度對待愛侶呢？ 另一個困難，講出黎一定令佢的fans唔高興，就係佢一向的形象太過「港女」，以目前各較年長的女歌手，佢缺乏徐小鳳鄧麗君一類的雍容華貴，又唔似關菊英薰妮一類的歷盡滄桑，又唔可以好似譚玉英咁做大姐姐，更加唔好去做「怨婦」喇！如果定位為「才女」，相信要一翻經營，最近街上太多「才女」了！