以古論今:蘇東坡都買不起樓 大城市置業從來不容易!│米羅

-大城市置業從來不容易!米羅

個個都想上車,唔通個個都有能力上車?有誰估到原來置業無論在古代或現代都是不容易的事,想知有幾難就要回到堪稱最富庶的北宋時代了解一下。

在宋代,當時的首都開封府的樓價就好貴,貴到連城中名人如蘇東坡都買唔起,有一個有趣故事,話說蘇東坡係其他小城市都有幾層樓,但係開封府入面就沒有物業,後來他兒子在開封府搞婚禮,連新房都沒有,最後要靠朋友借間屋出黎充當新房先可以辦好件喜事。

而蘇東坡的細佬蘇轍到七十歲才能在開封府南邊的城市許昌買樓,令佢老來都只能憑詩寄意:我生髮半白,四海無尺椽;我老未有宅,諸子以為言。即,我做到頭髮都白晒,都無層樓揸手,令到子孫都俾說話我聽。

宋朝是這樣難,唐朝一樣是盛世啊,又會是怎樣?不如看看唐代名人白居易的情況,他32歲時擔任校書郎一職,即在中央辦公室做下校對的工作,本來係長安東郊常樂里租左四間茅屋,養左匹馬代步,又請左兩個褓母,每個月都儲到一半人工,但係儲左十年都買唔倒樓。最後,白居易就走到去再遠少少的渭南縣買樓,平日就繼續係長安近郊租屋住,假期就返去渭南縣。

可想而知,香港人不要以為只有香港好難買樓,其實歷史上幾時都難買樓,唔係又點會有「長安居不易」的白居易?

原圖:http://www.orangenews.hk/culture/system/2017/08/28/010068380.shtml

來源:http://silentmajority.hk/articles/59457

發表迴響